நேரத்தை பராமரிப்பது எப்படி?

நிகழ்காலத்தில் வாழ்பவரே நேரம் என்ற வார்த்தையை சொல்வார் எதிர்காலத்தை சிந்திப்பவர் காலம் என்றே பேசுவார்.

காலன் என்றே நமது மொழி போற்றுகிறது  நம் தலைக்கு மேல் தொங்கும் கத்தி போல காலனும்,காலமும் நேரமும் நம்மை துரத்துகிறார்கள்.

       

நவீன நூற்றாண்டுகளில் பூமி அதே வேகத்தில் தான் சுற்றுகிறது.

ஆனால் பூமியில் வாழும் மனித மனத்துன் சுழற்சி வேகம் அவனது வாழ்வினது எண்ண ஓட்டத்தின் வேகம் செயலாக்கத்தின் ஓட்ட வேகம் அதிகரித்து வருகிறது.

       

அயந்து நாட்கள் நடத்த கிரிக்கெட் போட்டி அய்ந்து மணி நேர வேகத்தில் நடக்கிறது.வாகனங்களின் வேகம் பல நூறு கிலோ மீட்டரை தாண்டி விட்டது.

        

இந்த காலகட்டத்தில் ஆமை வேக மனிதன் அரையடி நடக்கும் முன் நவீன மனிதன் பல நூறடி சென்று விடுகிறான்.

       

வளரும் நாடுகள் என்றால் வளராத நாடுகள் என்றே உள் அர்த்தம் வளர்ந்த நாடுகளின் வெற்றிக்கு மனித வளத்தின் மிக முக்யமான ” நேரம்” என்ற இயற்கை தந்த அருள் கொடையைசரியாக பயன்படுத்துவதே என்று சொன்னால் அது மிகையாகாது.

      

மனித வளத்தில் மூன்று முக்யமான பேச்சாற்றால், எழுத்தாற்றால், செயலாற்றல் என்பதுடன் நேரத்தை பயன்படுத்தும் ஆற்றலும் மிக அத்யாவசயமானது.

      

நேரத்தை பயன்படுத்துவது எப்படி என்று படிப்பதற்கு முன் நேரத்தை வீணடிக்காமல் இருப்பது எப்படி என்று பழகுவது தான் மிக சிறப்பானது.

      

பிறவிப் பெருங்கடலில் மூழ்கி முத்தெடுத்த  உன்னத வெற்றியாளர்களின் மிகப்பெரிய ஆற்றல் அது பலர் கரையை தேடி அலையோடு மிதந்து கொண்டிருக்க,ஆற்றல் உள்ள சிலர் கிடைக்கும் அந்த நேரத்தில் மூழ்கி முத்து எடுத்து வரலாற்றின் பக்கங்களில் தன்னை பதிவு செய்து கொள்கிறார்.

     

இவர் மிகவும் இளம் பருவத்திலேயே நிலம், நீர்,தங்கம்,போல நேரம் என்பது ஒரு செல்வம்  அது ஒரு சொத்து என்பதை புரிந்து கொண்டவர்கள், தோற்றதில்லை இவர்கள்.

       

இறைவன் நமக்கு தந்த அங்கங்களை விட புலன்களை விட அதற்கு தந்த ஆயுளே அற்புத கொடையாகும்.

      

20 ஓவர் கிரிக்கெட்டில் ஒவ்வொரு பந்தும் ஒவ்வொரு ஓட்டமும் அதி முக்யமானவை அது போலவெற்றியாளனுக்கு ஒவ்வொரு நொடியும் ஒரு கோடி கிலோ தங்கம் போல.

      

மனித வள முன்னேற்றத்திற்கு வள்ளுவம் போல ஒரு நல்ல வேதம் வேறொன்றுமில்லை.

     

நேரம்,காலம் இந்த இரண்டு பொருள்களும் தனிமனிதனுக்கு மட்டுமல்ல சமுதாய முன்னேற்ற்த்துக்கே ஆதாரமானவை.

     

பஞ்ச பூதங்களில் ஆற்றல் மிக்க இந்தக்காலம் அற்புத வாய்ந்த ஆறாவது பூதம்.

      

ஏனென்றால் இந்த பஞ்சபூதங்களின் ஆற்றலின் காலங்களுக்கு எல்லை கிடையாது.

      

ஆனால் ஒரு தனிமனிதனுக்கு இவற்றின் ஆற்றலை உபயோகிக்கும் காலம் என்பது வாழும் நாள் என்ற ஆயுட்காலத்திற்கு மட்டுமே குத்தகைக்கு விடப்பட்டிருக்கிறது.

     

இந்த குத்தகை காலம் என்பது சில பத்து வருடங்களே அதிலும் சிலருக்கு துரதிட்ட வசமாக இன்னும் குறைந்த ஆண்டுகளே.

     

ஆகவே நேரம் காலம் என்பதின் மதிப்பு மதீப்பீடு செய்ய முடியாதது.மனிதர்களில் இதை

              அறிந்தவர் குறைவு.

              புரிந்தவர் மிகக்குறைவு

              உணர்ந்தவர் சிலர் ஆனால்

              உணர்ந்தபின் அதை உபயாகித்தவர் மிகச்சிலரே

மனிதரின் சில வகைகளாகப் பார்க்கலாம்

1. நேரத்தை மதிக்காதவர்கள்,

2. நேரத்தை வீனாக்குபவர்கள்,

3. நேரத்தை கொல்பவர்கள்,

4. நேரத்தை காசாக்கியவர்கள்,

5. நேரத்தை சேர்த்தவர்கள்,

6. நேரத்தை உபயோகிப்பவர்கள்,

7. நேரத்தை உயர்த்தியவர்கள்,

8. நேரத்தைபுகழாக்கியவர்கள்,

9. நேரத்தை இல்லாதவர்கள்,

10. நேரத்தை வியாதியாக்கியவர்கள்.

    

நேரம் காலம் என்பது நாம் பிறந்ததும் உடனே இறைவன் நம் கையில் கொடுத்தனுப்பிய சொத்து நம்முடன் ஆயுள் வரை வரும் ஆருயிர் நட்பு,துணைவி பலரும் நம்மிடம் இப்படி ஒரு ஆயுதம்,ஒரு செல்வம்,ஒரு நண்பன்,ஒரு மனைவி உடனேயே ஒட்டியிருப்பது தெரியாமலே குருடராக இருப்பார்.

   

சோம்பலிலும் மடியிலும்  உண்டு உறங்கி ஓய்ந்து கிடப்பார்.மற்றும் ஒருவர் வீணான விரயமான பொழுது போக்குகளில் பொன்னான நேரங்களை புண்ணாக்கி அழிகிறான் கிடைப்பதறகரிய “பொழுதுகளை”போக்குவதற்கு படாதபாடு படுகிறார்.

    

தேங்காயை உடைத்து உண்ணத் தெரியாத நரிபோல உருட்டிக் கொண்டிருக்கிற பலனில்லாத கிரைம் நாவல்களில் உழல்பவர் சின்னத்திரை,பெரியதிரை,சீரியல்,மசாலாக்களை ருசித்து ஆயுளெனும் அற்புத பொக்கிஷங்களை அரிக்க விடுபவர் பலர் தான் விளையாடுவதை விட்டு விட்டு அடுத்தவர் ஆடுவதை மகிழ்பவர் பலர் அடுத்த குழு இன்னும் ஆபத்தானது,

     

பொழுது போக்குகிறேன் என்று திட திரவ வாயுப் பொருட்களில் நீச்சலடித்து தன் பொழுதை மட்டுமல்ல உயிரையும் கொல்பவர்கள் பலர்.

    

இப்படி ஒவ்வொரு குழுவும் போட்டி போட்டு பொழுது போக்குவதில் யார் தேவலை என்று சொல்ல முடியாத அளவில் வாழ்கிறார்கள்.

    

இதில் நவீன காலங்களில் வினோதமான கட்சி ஒன்று உண்டு இவர்களை WORKAHOLIC என்பார்கள்.ஆல்ககாலுக்கு அடிமையாவதை ஒரு கொள்கைதத்துவமெனும் இஸமாக கொண்டவர்கள் போல வேலை என்பதை உடும்பாக பிடித்துக் கொண்டு உடலையும் நேரத்தையும் அபயோகம் செய்பவர் சிலர்  வேலையொன்றுமில்லை ஆனால் நிற்க நேரமில்லை என்பார்கள்.

கையுலும் காலும் மூக்கும் நாக்கும்அமைதியில்லாத வீண் பரபரப்பில்தானும் அல்லலுற்று அடுத்தவரையும் அவஸ்தைப் படுத்துகிறது இவர் கொள்கை

சரி இதுவரை கால நேரத்தை கற்பழிப்பவரைப்பார்த்தோம் ஆனால் அதை எப்படி சரிவர பராமரிப்பது?

  தனிமனிதனுக்கும்

  குடும்பத்துக்கும்

  சமுதாயத்துக்கும்

  தேசத்துக்கும் ஏன் உலகத்துக்குமே

உருப்படும்படியான பொருளாக மாற்ற என்ன செய்ய வேண்டும்?

இந்த ஆறாவது பூதமான

நேரம் என்ற ஆற்றலை கையில் பிடித்து

நிரந்தரமான பயனுள்ள பொருளாக மாற்ற மனிதரால் முடியும்

எங்கு தொடங்குவது? எப்படி தொடங்குவது?

இதற்கு எறும்பு செய்யும் உபதேசம் சிறந்தது

அது எதுவும் சொல்வதில்லை தானே செய்து காட்டுகிறது

நேரம் என்பது ஒரு செல்வம்,பொன் போன்றது

நேரம் என்பது ஒரு ஆயுதம்,சக்திவாய்ந்த ஆற்றலுள்ளது

நேரம் என்பது ஒரு ஞானம்,மதிப்பீடு இல்லாத அரிய அறிவு

சிறிய வயதிலிருந்து இந்த செய்திகள் யாவும் நம் உடலோடு உயிரோடு வளர்ச்சியோடு பதிவு செய்யப்பட வேண்டும்.

இந்த செல்வத்தை,ஆற்றலை,ஞானத்தை சிரைத்து சீரழிக்கும் சில வியாதிகள் அவை தவிர்க்கப்பட வேண்டும்.

1.வீணாக்கி விரயமாக்குவது.

2.திட்டமில்லாது மனம் போன போக்கில் செயல்படுவது

3.வாய்ப்பு,சந்தர்ப்பம், நேரம்வரும்போது தவறவிடுவது

4.தாமதம் எனும் இழிவான பழக்கத்தில் வீழ்வது

5.காலம் நேரம் மீனம் மேசம் பார்ப்பது

6. நாளை,அபுறம் என்று தள்ளிப்போடுவது

7.அர்த்தமில்லாத பரபரப்பில் நேரத்தை சித்ரவதை செய்வது

8.உண்டு உறங்கி சோம்பிக்கிடப்பது

9.பலனில்லாத பயனில்லாதஅற்பச் செயல்களில் பொழுது போக்குவது

10.தீய பழக்கங்களில் நேரத்தையும் வாழ்வையும் அழிப்பது.

இந்தக் “காத்திருப்பது” என்பது ஒரு துருபிடித்த வியாதி

நேரம் பார்ப்பது

தள்ளிப்போடுவது

தாமதப்படுவது அது பெற்ற பிள்ளைகள்

நீ வான வில்லுக்காக காத்திருக்கலாம்

அது உனக்க்காக காத்திருக்காது

நாம் என்னும் படுக்கையை விட்டு எழவில்லை என்று

சுற்றும் சூர்யனும் பூமியும் நின்று கொண்டிருக்காது

காலம் உனக்காகக் காத்திருக்காது உன்

காலடிச் சுவடுகள் கூட வராது என்பார் கவிஞர்

நல்ல காலத்தை எதிர்பார்த்து காத்திருப்பவரால் ஒரு

நல்ல கார்யமும் நடக்காது

காலம் போனால் திரும்புவதில்லை

காசுகள் நம் உயிரைக் காப்பதில்லை

காலன் என்ற கொடுங்கோலன் அவன்

கனப் பொழுதும் காத்திருப்பதில்லை

ஆன்றோர் அறிஞர் அனைவரும்

காத்திருப்பது தாமதப்படுத்துவது 

தவிர்க்கப்பட வேண்டியது என கோபத்துடன் எச்சரிக்கை செய்கிறார்கள்.

நினைவுக்கு வரும் நல்ல யோசனை கூட

ஈ பறக்கும் நொடியில் மறந்து விடுகிறதே

சரியான செயல் செய்ய

எல்லா நேரமும் சரியான நேரம் தானே

எந்நாளை விடவும் இன்னாள் நன்னாள் தானே

நன்றே செய்,இன்றே செய்

உடனே இப்போதே என துரிதப்படுத்துகிறார்

ஏன்?

தள்ளிப்போடுவது,தாமதப்படுத்துவது

நேரம் பார்ப்பது,காத்திருப்பது,

தாமதம்,என்ற கிளைகள் யாவும்

சோம்பல்,அச்சம், நம்பிக்கையின்மை என்ற‌

பெற்றோர் பெற்றெடுத்த பிள்ளைகள்.

தள்ளிப்போடுவதும்,தவிர்ப்பதும் பிரச்னையை தீவிரப்படுத்தும்

நாளை பார்க்கலாம் என்ற மனோபாவமே

அனைத்து பிரச்னைகளின் பிறப்பிடமாகிறது

தள்ளிப்போடும் ஒரு சிறிய செயல் கூட‌

நாளை நம‌க்கு தொல்லை தரும் நோயாகக் கூடும்

வெயில் வரும் போது கூரையைப் பழுது பார்த்து விடு என்பார்

இப்பொழுது இல்லையென்றால் 

எப்பொழுதும் இல்லையென்று எச்சரிக்கின்றார்

பகலில் விளக்கு போல‌

காலம் தவறிய கார்யம் பயன்படாது

பருவத்துக்கு முன்பு நட்டாலும்

           பின்பு நட்டாலும் பயன் தராது

ஒரு நிமிடம் தாமதமாக போய் தோற்று தவிர்பதை விட‌

ஒரு மணி நேரம் முன்னால் போவது அவமானமாகாது

தாமதம் என்ற வியாதிக்கு அடுத்தது

நேரத்தை விரயமாக்குவது

மற்றும் சோம்பல் என்ற தொற்று வியாதிகள்

ஒரு நொடி நேரத்தை உபயோகம் இல்லாது

வீணடிப்பவன் வாழ்வின் மதிப்பீடு அறியாதவன்

அன்று காலத்தை நான் வீணாக்கினேன்

இன்று காலம் என்னை வீணாக்கிவிட்டது எனப்புலம்புப‌வர்பல‌ர்

நேரம் என்பது ஒரு நல்ல ஆசிரியராக நமக்கு கற்பிக்கிறது

ஆனால் கற்கத்தவறுபவர்களை இரக்கமின்றி கொன்றுவிடுகிறது

நமது அரிய நேரம்  பறவை போல் இறக்கை கட்டி பறக்கிறது

பயனின்றி விரயமாக்கும் ஒவ்வொரு நொடியும்

மன்னிக்க முடியாத மாபெரும் குற்றமாக வரலாறு பதிவு செய்யும்

நமது நேரத்தை வீணாக்குவது விட‌

அடுத்தவர் நேரத்தை வீணாக்குவது அதை விடக் குற்றமாகும்

சிலர் அறைக்குள் வந்தால் பயனுள்ளது

பலர் அறையை விட்டுச் சென்றால் அதை விட நல்லது

தாமதம், நேரத்தை விரயம் செய்வது

போன்ற தீமைகளுக்கு ஆதாரமாக இருப்பது

நேரத்தின் அருமை அதன் பயன் பற்றிய அறியாமையே

காலம் பொன் போன்றது என்று பல்லாயிரம் பேர்

திருப்பி திருப்பி சொன்னாலும் எவரும் அதை கண்ணாக மதிப்பில்லை

நமது பெரிய பொக்கிஷங்களிலேயே

விலை மதிப்பில்லாத அரிய செல்வம் நமது நேரமே

நேரம் என்பதை பலரும்

காலில் கட்டிய விலங்கு என பரிதவிக்கிறார்

அதை கையில் கிடைத்த ஆயுதமென பயிற்சி எடுத்தால்

தோல்வி கிடையாது

உண்மையில் சரியான படி திட்டமிட்டு விரயமில்லாது உபயோகமாக‌ பயன்படுத்தினால் நமது தேவைக்கு அதிகமாகவே நேரம் கிடைக்கிறது நேரத்தை திறமையாக உபயோகித்தவர்  எவரும் தோற்றுப் போனதில்லை

ஒவ்வொரு நொடியும் நமது இறுதி நேரம் என்பது போல முக்யம் கொடுத்து செயல்பட வேண்டும் மனோவியாதிகளில் மிகவும் தீவிரமானது சோம்பல் எனும் நோயே

சூர்யன் எழுந்த பின்னும் எழாதவன் வாழ்வும் விடியாமலே போகிறது முப்பொழுதும் உண்டு உறங்கி முடமாகி மீடமாக சாவதற்கா பிறந்தோம்

சோம்பேறி சுகமும் ஏமாறும் மனமும் அறிவிழந்து அழியும் உறக்கத்துக்கும் சோம்பலுக்கும் இன்பமென‌ அடிமையானவன் உருப்படுவதில்லையே அதிர்கின்ற வீனையின் நரம்புகளில் தூசி உட்காருவதில்லை உழைக்கின்ற மனிதன் நரம்புகளிலே நோயும் வருவதில்லை நீந்தத் தெரியாதவன் நீரிலே மூழ்குவதென‌ வாழத் தெரியாதவன் துயரிலே மூழ்குவான் காலத்தை காலண்டரில் கிழிக்காதீர்கள்

ஒவ்வொரு நொடியும் விழிப்போடு செயல்படுவோம் அதுவே இறுதிவார்த்தை

முன்னேற்றம் என்பது புதிய சிந்தனை

ஒரு கிராமத்தில் ஓர் இளைஞர் மிகப்பெரிய பணக்காரர் ஆனார். அவர் வம்சத்தில் யாருமே அப்படிச் செல்வம் சேர்த்தது கிடையாது. அவர் பாரம்பரியமே ஏழ்மையில் வாழ்ந்து வந்தது. இந்தப் புதிய பணக்காரரின் தந்தையும் கூட இரண்டு, மூன்று மாடுகளை மேய்த்து, அரை ஏக்கர் நிலத்தில் சாகுபடி செய்து, வாய்க்கும் கைக்குமாக வாழ்ந்து வந்தவர்தான். ஆனால் இந்த இளைஞர் பணக்காரர் ஆனவுடன் அந்த ஊரில் பலர் "இவருக்கு யோகமப்பா' என்றுதான் கூறி வந்தார்கள். ஆனால் இவர் எப்படி செல்வந்தராக மாறினார் என்பதைக் கூர்ந்து பார்க்கவில்லை. இந்த மனிதர் ஒரு தொழிற்பயிற்சி நிறுவனத்தில் மின் வேலை செய்வதற்கான ஒரு பயிற்சியைப் பெற்று, ஒரு சான்றிதழ் பெற்று, அத்துடன் தனக்கிருந்த அரை ஏக்கர் நிலத்தைத் தன் தந்தையை வற்புறுத்தி விற்றுவிட்டு வெளிநாடு சென்றுவிட்டார். பத்து ஆண்டுகள் கழிந்தன. பத்தாண்டு கடின உழைப்பின் பிரதிபலன், ஊருக்கு வந்தார், தன் தாய், தந்தையர் தங்கி இருந்த உடைந்துபோன ஒரு கொட்டகையைப் பிரித்து எறிந்துவிட்டு முப்பது லட்ச ரூபாய்க்கு வீடு கட்டினார். அத்துடன் ஒரு கார் ஒன்றையும் வாங்கினார். இந்த இரண்டும் நடந்தவுடன் நல்ல குடும்பத்திலிருந்து அவருக்குப் பெண் தந்தனர். திருமணமாகியது. ஒரு சாதாரண ஏழைக் குடும்பத்தில் பிறந்த இவருக்குத் தன் முயற்சியாலும் உழைப்பாலும் உயர்ந்த காரணத்தால் ஒரு நல்ல குடும்பத்திலிருந்து பெண் கிடைத்ததால், அவரின் சமூக அந்தஸ்து உயர்ந்தது. இது எப்படி நடந்தது என்பது தான் முன்னேற்றத்தின் சூட்சுமம். பெரும்பாலானவர்கள் இந்த மாற்றங்களின் விதிகள் யாவை என்பதனைப் புரிந்து கொள்ளாமல், இவர் பெற்ற வெற்றிக்கு யோகம் என்று பெயர் சூட்டிவிட்டனர். உண்மையில் அவர் செய்தது ஒரு சாதனை. இந்தச் சாதனையைச் செய்ய பல அடிப்படை வேலைகளைச் செய்திருக்கிறார் அந்த மனிதர் என்பதை நாம் புரிந்து கொள்ள வேண்டும். ஒவ்வொரு சாதனைக்கும் பின்னால் பல சோதனைகள் மற்றும் வேதனைகள் இருக்கின்றன என்பதை நம்மில் பலர் புரிந்து கொள்வதில்லை.

வெளிநாட்டில் அவர் எலக்ட்ரீஷியன் (மின்வேலை) வேலை செய்ததால், அவருடைய வேலைகள் அனைத்தும் மரபு வழி பயன்படுத்திய உபகரணங்களை வைத்துச் செய்வது கிடையாது. வெளிநாட்டில் முதலில் அவர் கற்றுக் கொண்டது உலகத் தரமான கருவிகளை உபயோகப்படுத்தி மின் வேலைகள் செய்வதற்கு. எனவே தன் பத்து ஆண்டு காலப் பணியில் இந்தக் கருவிகளை உபயோகப்படுத்தியதன் விளைவு, நேர்த்தியான மின் வேலைகள் செய்வதற்கு அவர் நல்ல தகுதியைப் பெற்றிருந்தார். இதன் விளைவு பத்தாண்டு உழைப்பும் மிகப்பெரிய அளவிற்குச் செல்வம் சேர்ப்பதற்கு உதவியது. பத்தாண்டுகளுக்குப் பிறகு ஊர் திரும்பிய போது முதல் தரமான ஜெர்மானிய கம்பெனி தயாரித்த கருவிகளைக் கொண்டு வந்திருந்தார். மீண்டும் வெளிநாடு செல்ல அவர் விரும்பவில்லை. ஏன் என்றால், இந்தியாவிலும் அதிகம் சம்பாதிக்க வாய்ப்பிருப்பதாகவே அவர் கருதினார். எனவே, முதலில் தனக்குத் தெரிந்த ஒரு திறமையை வைத்துக் கொண்டு ஒரு நல்ல மதிக்கத் தகுந்த வாழ்க்கையை வாழ்வது எப்படி என்பது பற்றி யோசிக்கத் தொடங்கினார். உடனே கிராமங்களில் எப்படி மின் வேலைகள் நடைபெறுகின்றன, எப்படி இந்த மின் வேலைகள் செய்வோர் வாழ்க்கை இருக்கிறது, எப்படி வேலைப்பாட்டின் நேர்த்தி இருக்கிறது, இந்த வேலைகள் புதிதோ, பழையதோ, எப்படி எந்த அமைப்புக்கள் மூலம் செய்யப்படுகிறது என்பதனை கிராமம் கிராமமாக சுற்றிப் பார்த்து மின் வேலை செய்வோர் மற்றும் வீடு கட்டுவோர், ஒப்பந்தக்காரர்கள் அனைவரிடமும் பேசி புள்ளிவிபரங்களையும் கருத்துக்களையும் சேகரித்துக் கொண்டார். எனவே கிராமங்கள் பலவற்றில் கட்டப்பட்ட கட்டடங்களை, வேலை செய்யும் மின் வேலைக்காரர்கள், அவர்களின் வேலைகள் ஆகியவற்றைப் பார்த்துவிட்டு, ஒன்றைப் புரிந்து கொண்டார். கிராமங்களில் கட்டப்படும் வீடுகளுக்குத் தரமான எலக்ட்ரிகல் வேலை செய்வது இல்லை என்பதை உணர்ந்தார். அது மட்டுமல்ல, இந்தத் தொழிலில் ஈடுபட்ட அனைத்துத் தொழிலாளர்களுக்கும் நல்ல ஊதியம் கிடைக்கவில்லை என்பதையும் புரிந்து கொண்டார். அவர்கள் வாங்கும் சம்பளம் என்பதும் மிகப்பெரிய அளவில் அவர்கள் வாழ்க்கை மேம்பட பயன்படுவதாக இல்லை. வீட்டுக்காரர்களுக்கும் தரமான வேலை செய்ய நல்ல மின் வேலை செய்வோர் கிடைக்கவில்லை. அது மட்டுமல்ல, வீட்டுக்காரரின் தேவைகளும் பூர்த்தி செய்யப்படுவது இல்லை, குறித்த நேரத்தில் வேலைகளும் நடைபெறுவது இல்லை, தரமான மின் சாதனங்கள் பயன்படுத்தப்படுவதும் இல்லை என்பதைப் புரிந்து கொண்டார்.

இந்த அடிப்படைச் செய்திகளை வைத்துக் கொண்டு ஓர் உண்மையை புரிந்து கொண்டார். அதாவது, மக்களுக்குத் தரமான மின் வேலை செய்து தர ஆட்கள் தேவை. அதே நேரத்தில் மின் வேலை செய்யும் தொழிலாளிகள் இருக்கிறார்கள், அவர்களுக்கு நவீன தொழில்நுட்பத்துடன் வேலை செய்யும் திறன் இல்லை. இவர்களுக்குத் திறன் கூட்டப்பட்டுவிட்டால், நல்ல நேர்த்தியான வேலைகள் செய்து தந்தால், அதிகம் சம்பாதிக்கலாம். இதற்கு ஏதாவது ஒரு வகையில் அமைப்புகள் தேவை என்பதை உணர்ந்தார். அதனால், தன்னிடம் இருக்கும் கருவிகளை உபயோகப்படுத்தி வீடு கட்டுவோர்க்கு நேர்த்தியாக மேலை நாடுகளில் இருக்கும் வசதிகளை உருவாக்கித் தந்துவிட வேண்டும். அதே நேரத்தில் இந்தப் பணியில் இந்த எலக்ட்ரீஷியன்களுக்கும் நல்ல ஊதியம் கிடைக்க வேண்டும், தரமான வேலைகளும் நடைபெற வேண்டும், தனக்கும் ஒரு கணிசமான அளவுக்கு வருமானம் வர வேண்டும். இவை அனைத்தும் நடைபெற என்ன செய்ய வேண்டும் என்று எண்ணியபோது ஓர் உண்மையினைக் கண்டுபிடித்தார். அதாவது தனியாக ஒரு வீட்டுக்காரரிடம் ஒரு எலக்ட்ரீஷியனை நேராக தொழிலுக்கு அனுமதிக்கும்போது ஒன்று, தொழிலாளியாக இருந்தால் வீட்டுக்காரர் ஏமாற்றப்படுவார்; வீட்டுக்காரராக இருந்தால் தொழிலாளி ஏமாற்றப்படுவார். இருவரும் ஒருவரையொருவர் ஏமாற்றாமல், இருவருக்கும் நிறைவு தரத்தக்க வேலை நடைபெற வேண்டுமானால், அதற்கு ஏதாவது ஒரு அமைப்பு உருவாக்கப்பட வேண்டும். அந்த அமைப்புத்தான் இருவரையும் பாதுகாக்கும். அது மட்டுமல்ல, இருவரும் தங்கள் மரியாதையைக் காத்துக் கொள்ள முடியும். அத்துடன், அமைப்புரீதியாகச் செயல்படும்போது அதன் வீச்சு, பலம், அதற்கான ஆதரவு, உதவிகள் அனைத்தும் மேம்பட்டவையாக இருக்கும். ஒரு தனி மனிதன் வங்கியில் கடன் கேட்பதற்கும், ஓர் அமைப்பு அல்லது நிறுவனம் கடன் கேட்பதற்கும் வித்தியாசம் இருக்கிறது. ஓர் அமைப்பு என்பது பலரின் கூட்டு முயற்சி. எனவே அமைப்பிற்குக் கடன் கிடைப்பது எளிது. எனவே, ஆழ்ந்த யோசனைக்குப் பிறகு ஓர் அமைப்பை உருவாக்க எண்ணி பல்வேறு இடங்களுக்குச் சென்று, மின் பணியாற்றுகின்ற வேலை தெரிந்த, கற்றுக் கொண்டிருந்தவர்களைச் சந்தித்து ஓர் உறுதிமொழியைத் தந்தார். "அடுத்த மாதத்திலிருந்து உன் வருமானத்தை இரட்டிப்பாக்கித் தருகின்றேன். நீ செய்ய வேண்டியது ஒரு அமைப்பில் உறுப்பினராக வேண்டும். அடுத்து புதிய முறையில் உங்கள் தொழிலைச் செய்ய வேண்டும். அதற்கு நான் வழிவகை செய்கிறேன்'' என்றார். வருமானத்தை இரட்டிப்பாக்க யார் மறுப்பார்கள். அவர் சந்தித்த எலக்ட்ரீஷியன் அனைவரும் சம்மதித்தனர். ஏன் சம்மதித்தனர் என்றால், சொன்னவர் சாதித்தவர் என்பது அனைவருக்கும் தெரிகிறது. எனவே அனைவரையும் தனியாகத் தொழில் செய்வதை நிறுத்தச் சொன்னார். அடுத்த மாதமே அனைவரும் தனியாக தொழிலுக்குச் செல்வதை நிறுத்திவிட்டனர்.

உடனே ஒரு நிறுவனத்தைத் தொடங்கினார். நிறுவனம் என்றால் என்ன? வேறொன்றும் இல்லை, ஒரு சிறிய அறை ஒரு நகரத்தில், அதற்கு ஒரு விலாசம், ஒரு தொலைபேசி எண், அந்த அலுவலகத் தொடர்புக்கு ஒரு ஆள் வேலை செய்ய, அவ்வளவுதான். அதுதான் அவர்களின் அமைப்பு. தன் நிறுவனத்திலிருந்து உத்தரவு வந்தால் வேலைக்குச் செல்வார்கள், தனியே அழைத்தால் அனைவரிடமும் நிறுவனத்தைத் தொடர்பு கொள்ளுங்கள் என்று கூறிவிடுவார்கள். அத்தனை மின் வேலை செய்வோரையும் தன் நிறுவனத்துடன் இணைத்துவிட்டார்.

மின் வேலை பார்ப்பதைத் தங்கள் நிறுவனம் சொன்னால் தான் வேலை பார்ப்பது. அவர்கள் எந்த வீட்டில் வேலை பார்த்தாலும், தங்களுக்கு வரும் சம்பளம் என்பதை தன் நிறுவனம் பெற்றுத் தர வேண்டும் என்ற நியதியை ஏற்படுத்திவிட்டனர். வெளிநாட்டில் வேலை செய்த அனுபவத்தால் வேலைகள், அதற்கான கூலி, இவைகளை இந்தத் தலைவர் எளிதாக நிர்ணயம் செய்துவிட்டார். செய்தது மட்டுமில்லாமல், இதற்கான பட்டியல் போட்டு அவைகளை அச்சடித்து வைத்துக் கொண்டார். தங்களுக்கென்று ஒரு அலுவலகம் ஒரு நகரத்தின் மையப்பகுதியில் உருவாக்கிக் கொண்டுவிட்டார். தாங்கள் வேலை பார்ப்பதற்கு வேலை பார்த்த வீடுகளில் கூலி வாங்குகிறோம் என்ற நிலையிலிருந்து மாதந்தோறும் கம்பெனி நமக்குச் சம்பளம் தருகின்றது என்ற நிலைக்கு வந்துவிட்டதாக அனைவரும் எண்ணத் தொடங்கிவிட்டனர். அந்த அலுவலகத்தை நிர்வகிக்க மூன்று பெண்களை பகலுக்கும், மூன்று ஆண்களை இரவுக்குமாகப் போட்டு, இருபத்தி நான்கு மணி நேரமும் சேவை செய்ய ஆரம்பித்துவிட்டனர். இரவு நேரப் பணிகளுக்குத் தனிக் கட்டணம் போட்டு வசூலித்துவிட்டனர். எந்தப் பணிக்கும் தொடர்பு கொள்ள வேண்டிய எண்கள், அலுவலக எண்கள் மட்டுமே. அச்சடித்த புத்தகத்தில் அலுவலக தொலைபேசி எண் மட்டும்தான் இருக்கும். அலுவலகத்தில் அந்தப் பகுதியின் ஒட்டுமொத்த வரைபடம், அருகாமையில் உள்ள கம்பெனியின் எலக்ட்ரீஷியன் கைபேசி எண்கள் இருக்கும். எனவே, கம்பெனி மட்டும் தான் எலக்ட்ரீஷியனை அழைக்க முடியும். புதிய வீடுகள் கட்டக்கூடியவர்கள் தங்கள் ஒப்பந்தக்காரர் மூலம் இவர்களிடம் தொடர்பு கொள்ள ஆரம்பித்தனர். அதே போல் பழைய வீடுகளில் உள்ள சிறு, சிறு வேலைகளுக்குத் தொலைபேசியில் தொடர்பு கொண்டால், அடுத்த கணம் அவர்கள் வீட்டுக்குச் சென்று தங்கள் வீட்டின் வேலைகள் அனைத்தும் முடிக்கப்பட்டு, ரசீது கொடுத்து, பணம் பெற ஆரம்பித்தனர். எந்த வேலைக்கு எவ்வளவு என்று பட்டியல் உள்ளது. எனவே எந்தவித ஏமாற்றமும் வீட்டுக்காரருக்கும் இல்லை, மின் வேலை செய்கின்ற பணியாளர்களுக்கும் இல்லை. பட்டியலில் உள்ள தொகை மட்டும் தான் ரசீது கொடுத்து பெறப்படும். எனவே ஒட்டுமொத்த தொழில் முறையே மாறிவிட்டது. இந்த நண்பர்கள் தொழிலுக்குச் செல்லும் போது இப்போது புதிய கருவிகளைக் கொண்டு வேலை செய்து கொடுப்பது நேர்த்தியாக இருப்பதால் வீட்டுக்காரர்களுக்கு ஒரு மகிழ்ச்சி. எந்த வேலைக்கு எவ்வளவு கூலி தர வேண்டும் என்று முன்பே தெரிந்து இருப்பதால், வீட்டுக்காரர்களுக்கு நாம் சரியான கூலியைத்தான் தந்துள்ளோம் என்ற மனநிறைவு, வேலை செய்த நண்பர்களுக்கு ஏதோ கூலி வாங்குகின்றோம் என்ற உணர்வில்லாமல், நாம் செய்த வேலைக்கு நம் கம்பெனிக்கு வீட்டுக்காரர்கள் பணம் கட்டுகிறார்கள் என்ற உணர்வு. ஏனென்றால், இவர்கள் மாதந்தோறும் கம்பெனியில் தான் சம்பளம் பெறுகின்றனர். கம்பெனி என்பது அனைவரின் நிறுவனம். எனவே, கம்பெனியை அனைவரும் பாதுகாக்க முனைகின்றனர். எல்லாவற்றிற்கும் மேலாக, எல்லாத் தொழிலாளிகளும் மேலை நாட்டில் தயாரிக்கப்பட்ட கருவிகளை உபயோகப்படுத்தி வேலை செய்ய கற்றுக் கொண்டது தான் இவர்களின் வருமானத்தைக் கூட்டியதற்கான காரணம். அடுத்து இவர்கள் அனைவரும் ஒன்றுபட்டு நிறுவனம் மூலமாக வேலை செய்வது என்பது இவர்களுக்குப் புதிய மரியாதையை ஏற்படுத்தியது.

மூன்றாவது, எங்குச் சென்று இவர்கள் வேலை செய்தாலும் வீட்டுக்காரரின் நிறைவுதான் அடிப்படை என்ற கோணத்தில் இந்தக் கருவிகளுடன் வேலை செய்து வீட்டுக்காரர்களைத் திருப்திப்படுத்துவது இவர்களின் வெற்றிக்கு அடுத்த காரணம். இரு நூற்றுக்கும் மேற்பட்ட இந்தத் தொழில்நுட்ப தொழிலாளர்களை ஒன்றிணைக்க கடினமாக உழைத்தார். அடுத்து, வீட்டுக்காரர்களிடம் எப்படித் தரமான வேலைகளை நிறுவனம் மட்டும்தான் செய்ய முடியும் என நம்ப வைக்கக் கடுமையாக உழைக்க வேண்டி இருந்தது. அடுத்து, என்ன வேலைக்கு என்ன கூலி என்பதை மிகப்பெரிய கள ஆய்வுக்குப் பிறகு அனைவரும் ஏற்றுக்கொள்ளும் நிலைக்கு நிர்ணயம் செய்தார். இந்தச் செயல்பாடுகளில் கீழ்க்கண்டவைகள் அனைவருக்கும் சாதகமானவைகள்:

ஒன்று, எல்லாத் தொழிலாளர்களும் முன்பைவிட கூடுதல் சம்பளம்; இரண்டு, தொழிலாளர்கள் மேற்கத்திய நுண்கருவிகள் கொண்டு நேர்த்தியாக பணிகள் செய்ய கற்றுக்கொண்டு தங்கள் திறமைகளை வளர்த்துக் கொண்டனர்; மூன்று, தங்கள் செயல்பாடுகளில் தங்கள் திறமைகள் நிறுவனம் மூலம் மதிக்கப்படுவதை உணர்ந்து தங்கள் சுயமரியாதையை பாதுகாத்து உயர்த்திக் கொண்டனர்; நான்கு, தங்களுக்கென்று ஒரு நிறுவனம் கட்டி, அதன் மூலம் வீடு வாங்குவதற்கு, பைக் வாங்குவதற்கு, கருவிகள் வாங்குவதற்கு வங்கிகளில் கடன் வாங்கி முன்னேற்றச் செயல்பாடுகளில் ஈடுபட முனைந்துள்ளனர்; ஐந்து, வீடுகளில் பியுஸ் கேரியர் போட்டு, சிறு சிறு பணிகள் செய்து, பல நாட்களில் அந்த வேலையும் இல்லாமல் இருந்தவர்களுக்கு மாதச் சம்பளம் கிடைக்க ஆரம்பித்ததுடன், கூடுதல் சம்பளமும் கிடைக்கிறது, மரியாதையும் கிடைக்கிறது. புதிய பெரிய வீடுகளில், வணிக வளாகங்களில் புதிய வேலைகளில் ஈடுபடுவது அவர்களையே அவர்களால் நம்ப முடியவில்லை; ஆறு, இதுவரை ஆள் தேடி அலைந்து, அரைகுறை வேலை வாங்கி, கூலி கொடுக்கும் போது அவர்களுடன் தகராறு செய்து களைத்துப்போன வீட்டுக்காரர்கள் தொலைபேசியில் பிரச்சனையைச் சொன்னால் உடன் வந்து வேலையை நேர்த்தியாய் செய்து, பட்டியலில் உள்ள கூலியை எந்தத் தகராறும் செய்யாமல் கொடுத்து நிறைவு பெறுகின்றனர். இதன் ஒட்டுமொத்த விளைவு, ஒரு தனி மனிதனின் சிந்தனையில் ஒரு அமைப்பு உருவானது, தொழிலாளர்கள் இணைக்கப்பட்டனர் அமைப்புரீதியாக, அவர்களின் நுட்பத்திறன் வளர்க்கப்பட்டு, சிறப்பான பணிபுரிய வாய்ப்பும் ஏற்படுத்தியது. இதன் பின்னணியில் ஒரு தனி மனிதனின் போராட்டம் நடந்துள்ளது. இதன் விளைவு, எல்லாருக்கும் நன்மை கிடைத்தது. இதைத்தான் "ஜ்ண்ய் ஜ்ண்ய்'' எனக் கூறுகிறோம். எல்லோருக்கும் நன்மை, யாருக்கும் இழப்பில்லை. இதில் நாம் புரிந்து கொள்ள வேண்டிய செய்தி, முன்னேற்றத்திற்கு மாற்றுச் சிந்தனை தேவை, புதிய அமைப்புத் தேவை. அத்துடன், தொழில்நுட்பத்துடன் பணிகள் செய்யும் போது பணி மேன்மைப்பட ஆரம்பிக்கின்றது. ஒரு தனி மனிதனின் சிந்தனை எத்தனை பேருக்கு நன்மை பயக்கின்றது என்பதுதான் நாம் நிதர்சனமாகக் காணும் உண்மை. வெளிநாட்டில் பெற்ற வருமானத்தை நம் நாட்டிலேயே பெற முடியும் என்பதற்கு இது ஒரு எடுத்துக்காட்டு.

ஆளுமைத் திறன்

ஆளுமைத் திறன் என்பது ஒருவனுடைய சிந்தனையால் அல்லது செயலால் பிறரிடம் ஏற்ப்படும் பாதிப்பை குறிக்கிறது. ஆழ்ந்த, தெளிவான மற்றும் கூர்மையான மனநிலை உள்ளவானின் ஆளுமை பிறரிடம் அதிகமான பதிப்பை ஏற்படுத்துகிறது (உதாரனம்: மகாத்மா கந்தி)

தனிமனிதனின் ஆளுமைதிறன் அவன் வாழ்க்கையையே மாற்றி அம்மைக்கிறது. ஒட்டுமொத மக்களின் ஆளுமைதிறன் சமுதாயத்தையே மாற்றியமைக்கிறது.

ஒருவனுடைய ஈர்ப்பும், எர்ப்பும் அவனுடைய ஆளுமைதிறனை பொறுத்தே அமைகிறது.  பொதுவாக பலமான மனநிலை உள்ளவனின் ஆளுமைதிறன் சற்று பலம் பொருந்தியதாகவும், பலவீன மனநிலை உள்ளவனின் ஆளுமைதிறன் சற்று குறைந்தும் காணப்படுகிறது.

தொடர்ச்சியான பழக்கம், சீரான சிந்தனை, ஆழ்ந்த மனநிலை, ஒருவனுடைய ஆளுமைதிறனை அதிகரிக்கிறது. இவை மற்றவரிதமிருந்து சற்று உயர்வான இடத்தில் வைக்கிறது.

“அணைத்து சக்திகளும் உன்னில் உள்ளன; உன்னால் எதையும், எல்லாவற்றையும் சாதிக்க முடியும்; இதில் நம்பிக்கை கொள்ளுங்கள், பலவீனன் என்று ஒரோபோதும் நம்பாதீர்கள். எழுந்திருங்கள், உங்களுள் இறுக்கும் தெய்வீகத்தன்மையை வெளிப்படுத்துங்கள். ”

சுயநலம் எவ்வளவு கொடுமை என்பது அனுபவித்தவர்களுக்கு தெரியும்

சுயநலம் எவ்வளவு கொடுமை என்பது அனுபவித்தவர்களுக்கு தெரியும்

நண்பர்கள் என்றால் நல்லா பேசுவர், நம்முடன் நேரம் செலவழிப்பர்; நம்மிடமிருந்து அனைத்தையும் பகிர்ந்து கொள்வர். ஆனால், சிலர் தனக்ெகன்று ஒரு வேலையோ, வாய்ப்போ, வாழ்க்கையோ வந்து விட்டால், மிக சுயநலமாய், அப்படியே கழட்டிவிட்டுவர். சுயநலம் என்பது எவ்வளவு கொடுமை என்பது, அனுபவித்து பார்த்தவர்களுக்கு தான் தெரியும்.

இவர்கள், நான் உனக்கு இதைச் செய்தால், நீ எனக்கு அதைச் செய் என, ஒப்பந்தத்தை மனதுக்குள் வைத்து கொள்வர். நீ மட்டும் அதைச் செய்தால், நான் உனக்காக இதைச் செய்துவிடுவேன் என, பதிலுக்கு பதில் செய்யத்தான் கணக்கு போடுவர். நட்புகளுக்கு இடையில் மட்டுமல்ல, சொந்தங்களுக்கு, உறவுகளுக்கு இடையிலும் இப்படி நடந்துக் கொள்வோர் இருப்பர்.பிறப்புக்கும், இறப்புக்கும் இடையே, நாம் வாழும் வாழ்வு அர்த்தமானதாக இருக்க வேண்டும். வாழ்ந்தோம் எனும் சொல்லுக்கும், வாழ்வு எனும் சொல்லுக்கும் ஒரு சிறப்பான அர்த்தம் இருக்கிறது. ஏதோ வாழ்ந்தோம் என்றில்லாமல், பலருக்கும் அர்த்தமாக, உதாரணமாக வாழ்ந்தோம் என்று, வாழ்வு இருக்க வேண்டும்.

வெற்றியாளர்களின் பின்னணிசுயநலமாய் நடப்போர் கண்கள், அவர்களின் நலம் வரைதான் கண்டுக் கொள்ளும்படி இருக்கும். அதாவது, சில மிருகங்கள் போல, ஒரு குறிப்பிட்ட தூரத்தை மட்டுமே பார்க்க முடியும். இப்படி சுயநலமாய் நடந்துக் கொள்வோர், அந்த நேரத்து வேலையை மட்டுமே கருத்தில் கொள்வர். சில ஆண்டுகளுக்கு பின், என்ன நடக்கும் என்பதை, அவர்களால் அனுமானிக்க முடியாது. இவர்கள் எப்படியென்றால், தன் நன்மையை மட்டும் நினைக்கும் சுயநலம்.இவர்கள் எவ்வளவு படித்திருந்தாலும், பணம் படைத்தவர்களாய் இருந்தாலும், ஆன்மிகவாதியாக இருந்தாலும் இவர்களுக்கு வாழ்க்கையில் நல்ல விஷயங்கள் நடக்கும் வாய்ப்பு குறைவுதான். வாழ்க்கையில் வெற்றி பெற்ற மனிதர், ஒவ்வொருவர் பின்னணியில் எங்கேயோ அளவற்ற பொதுநலம் இருக்கும். அதற்காக, தன்னலத்தை துறந்தவர்களாய் இருக்கணும் என்று இல்லை. இவர்கள், வாழ்வின் வெற்றியை நோக்கி சென்று கொண்டிருக்கின்றனர் என்று அர்த்தம்.நம்மிடமிருந்தே துவக்கம்சுயநலமாய் இருப்பது, கெட்டதா என்பது தெரியாது. ஆனால், பொதுநலமாய் இருப்பது நல்லது. உலகில் அனைவருமே சுயநலமாய் இருந்துவிட்டால் நாடு எப்படி உருப்படும்? ஆனால், நாம் நம் நிலையை உயர்த்திக் கொள்வதில், சுயநலமாய் இருப்பதில்தான் ஒரு பொதுநலமும் அடங்கியுள்ளது. 

என்னங்க ஒரே குழப்பமாய் இருக்கிறதா?

ஒழுங்கா, ஒழுக்கமாக சம்பாதிச்சா நம்முடைய வீடு, மனைவி, குழந்தைகள் நன்றாக இருப்பர். நம் ஒழுக்கமும், ஒழுங்கும் நம் வீட்டிலும் பிரதிபலிக்கும். அவங்க படிக்கிற படிப்பும், பார்க்கிற வேலையும் நாட்டுக்கு பயன்படுகிற மாதிரி இருந்தால் போதும். அதுவே, பொதுநலமாக மாறிவிடும். வீடும், ஊரும், நாடும் உருப்படும். அதாவது, நம் சுயநலத்தில், பொதுநலமும் கலந்து இருக்கணும்; அப்போ இந்த சுயநலம் தேவைதானே!

இப்போ புரியுதுங்களா?

நம் நலத்தை பேணிக்காக்காதவன், எப்படி பொதுநலம் ஆற்றமுடியும்? செயலின் முடிவு பொதுநலமாக இருந்தால் போதும். அதுவே, தன்னலத்தில் பொதுநலம் கருதும் செயலாக அமைந்துவிடும்.ஆனால், அயோக்கியத்தனமான சுயநலம் அமைந்துவிட்டால் என்ன செய்வது? யாரையும் காயப்படுத்தாத, சுரண்டாத சுயநலம் அனைவருக்கும் தேவைதான். இச்சுயநலம், ஒரு வகையில் கடமையும், பொறுப்பும் ஆகும். எந்தச் செயலும், நம்மிடமிருந்தே தான் துவங்க வேண்டும்; ஆனால், செயலின் முடிவு, பொதுநலமாக இருந்தால் போதும்.’மழை பெய்யணும்னு நினைக்கிறது பொதுநலம் நாம் நனையாம குடை பிடிச்சிக்கிறது சுயநலம்’ சிந்தனையில், பொதுநலம் இருந்தாலே போதும். சின்ன சின்ன செயல்கள் நூறு செய்யலாம். பொது இடங்களை சுத்தமாக வைத்து கொள்வதும், பொது இடங்களில் புகை பிடிக்காமல் இருப்பதும், தண்ணீர், மின்சாரத்தை சேமிப்பது என்று துவங்கி, பலவற்றை பட்டியல் போடலாம். பொதுநல சிந்தனையுடன், என்னவெல்லாம் செய்யலாம், என்னவெல்லாம் செய்யாமல் இருக்கலாம் என்று, முன்னாள் ஜனாதிபதி அப்துல்கலாம் ஒரு புத்தகமே எழுதியுள்ளார். பொதுநல சிந்தனை மனதில் பூக்க இடமளித்தாலே போதும், உங்கள் அறிவு பொதுநல நோக்கில்  என்ன செய்யலாம் என்று, வழிக்காட்டத் துவங்கும்.

பொதுநல சிந்தனையோடு… யார் யாரோ கண்டுபிடித்த பொருட்களையும் பயன்படுத்தி வருகிறோம். யார், யாரோ அமைத்து கொடுத்த, அடிப்படை வசதிகளை அனுபவித்து வருகிறோம். ஆனால், அதே சிந்தனையோடு, அடுத்த தலைமுறைக்காகவும், சக மனிதனுக்காகவும், நாம் செயல்பட தயங்குவதென்பது அநியாயம் தானே?

பெரிய அரசியல் தலைவர்கள், ஞானிகள் போன்றோரால் மட்டும் தான், பொதுநலத்துடன் சிந்திக்க முடியும் என்றும், மற்றபடி சராசரி மனிதர்களுக்கு அதெல்லாம் சாத்தியமில்லாத ஒன்றாகும் எனவும், நம்மில் பலர் நினைக்கிறோம்.

யாருக்கும் எந்த கெடுதல் நினைக்காமலும், செய்யாமலும் என் குடும்பத்தில், எனக்கு இருக்கும் கடமைகளை, எந்தக் குறையும் வைக்காமல் நிறைவேற்றினாலே போதாதா? என்று, ஒரு கேள்வியை கேட்டு, ஒரு வட்டம் போட்டு அதற்குள்ளேயே நின்றுக் கொள்கின்றனர். இன்றைக்கும் பொதுநல சிந்தனையோட, ஈர இதயங்கள் ஆங்காங்கே பலர் இருப்பதால்தான், இந்த சமூகம் வாழ்ந்து கொண்டிருக்கிறது. அன்ன தானம். ரத்த தானம், கண் தானம், உடல் உறுப்புகள் தானம் வரை நடந்துக் கொண்டேயிருக்கிறது.

நாடென்ன செய்தது நமக்கு என கேள்விகள் கேட்பது எதற்கு?

நீ என்ன செய்தாய் அதற்கு என நினைத்தால் நன்மை நமக்கு…

மற்றும் நான் ஏன் பிறந்தேன்… இந்த நாட்டுக்கு நலம் என்ன புரிந்தேன்? இந்த முழு பாடல்களின் அர்த்தம் புரிந்தால் போதும்,நாமும் பொதுநலம் பார்த்து நடக்க ஆரம்பித்து விடுவோம்.

பொறியியல் (Engineering) படிப்பே வேண்டாம்! – மாணவர்கள் ஒதுங்க‌ காரணம்என்ன‍?- ஓர் ஆழமான அலசல்!

பொறியியல் (Engineering) படிப்பே வேண்டாம்! – மாணவர்கள் ஒதுங்க‌  காரணம்என்ன‍?- ஓர் ஆழமான அலசல்!

இந்தியாவிலேயே அதிகமான பொறியியல் கல்லூரிகளைக் கொண்டிருப் பதும் அதிக அளவில் பொறியியலாளர்களை உருவாக்கிக் கொண்டிருப் பதும் தமிழ்நாடுதான். எப்படியாவது தங்கள் வாரிசுகள் பி.இ. படித்து ஒரு நல்ல வேலையில் சேரவேண்டும் என்பது பல தமிழ்க் குடும்பங்களின் கனவு. ஆனால், கடந்த இரண்டு ஆண்டுகளாக வெளிவரும் புள்ளி விவரங் கள் தரும் தகவல்கள் பி.இ. படித்தவர்களுக்கு நல்ல எதிர்காலம் இல்லையோ என்ற அச்சத்தை எழுப்புகிறது.

கடந்த சில ஆண்டுகளைவிட இந்தாண்டில் +2வில் பெரும்பாலான மாணவர்கள் சிறந்த மதிப்பெண்கள் பெற்றிருக்கின்றனர். பள்ளிகள் பெருமிதத்திலும் பெற் றோர்களும் சந்தோஷத்தில் பத்திரிகைகளுக்குப் பேட்டிகள் கொடுத்த னர். தமிழகமே பெருமைப்பட்டது.

ஆனால், அண்ணா பல்கலைக்கழகம் பொறியியல் படிப்புக்கு வந்திருக் கும் விண்ணப்பங்கள் பெருமளவில் குறைந்திருக்கிறது. கடந்த ஆண்டை விட இருபது சதவிகிதம் குறைவு. 2014ஆம் ஆண்டே அதற்கு முந்தைய ஆண்டைவிட பத்து சதவிகிதம் குறைந்திருந் தது. கடந்தாண்டு விற்பனையான விண்ணப்ப ங்கள் 2லட்சத்து 12ஆயிரம். மனுச்செய்தவர்க ள் 1 லட்சத்து 70 ஆயிரம். நிரப்பப்படாமல் இருந்த காலியிடங்கள் 1 லட்சம். இந்த ஆண்டு (2015) விண்ணப்பங்கள் விற்பனை 1 லட்சத்து 90 ஆயிர மாகக் குறைந்தது. மனுச் செய்தி ருப்பவர்கள் 1 லட்சத்து 45 ஆயிரம் மட்டு மே. மனுச்செய்தவர்களில் பலர் கலந்தாய்வில் பங்கேற்பார்களா என்ற கேள்வியும் எழுந்துள்ளது. கலந்தாய்வுக்குப் பின் காலியாக இருக்கப் போகும் இன்ஜினியரிங் சீட்டுகள் 1 லட்சத்து 20 ஆயிரமாக இருக்கலாம் என்பது நிபுணர்களின் கணிப்பு.

பல கோடி ரூபாய் முதலீடு செய்து கல்லூரி வளாகங்களைப் பிரம்மாண்ட மாக உருவாக்கி பல லட்சங்களில் நன்கொடை பெற்று சீட்டுகளை ஒதுக்கிய கல்லூரிகள் இன்று அரசு நிர்ணயித்திருக்கும் கட்டணத்திலேயே மாண வர்களைச் சேர்க்கத் தயாராகக் காத்திருக்கின்றன. ஆனால், மாணவர்கள் சேருவதில்லை

ஏன் இந்த நிலைமை?

நல்ல மதிப்பெண்கள் இருந்து, கலந்தாய்வில் அரசுகோட்டாவில் இடம் கிடைத்தாலும், மாணவர்கள் கணிப்பில் அந்தக் கல்லூரி, நல்ல கல்லூரி இல்லையென்றால் அதில் சேர விரும்புவதில்லை. பொறியியல் கல்வியி ல் உயர்ந்த தரம், கேம்பஸ் தேர்வில் பங்கேற்கவரும் நல்லநிறுவனங்கள் போன்றவற்றினால் மட்டுமே ஒரு பொறியியல் கல்லூரியின் தரம் நிர்ணயிக்கப் படுகிறது.

அதனால்தான் நல்ல மதிப்பெண் பெற்றுள்ள மாணவ ர்கள் கூட, நன்  கொடை கொடுத்து நிர்வாக கோட்டா வில் குறிப்பிட்ட சில கல்லூரிகளில் சேர விரும்புகின் றனர். படிப்புக்குப் பின் நல்ல வேலை என்பதை குறிக்கோளாகக் கொண் டிருக்கும் மாணவர்கள் தங்களின் கட்-ஆஃப் மார்க்கு க்கு கலந்தாய்வில் முதல் தரமான கல்லூரிகளில் அரசுகோட்டாவில் இடம் கிடைக்காது என்பதை கணித்தபின் கலந்தாய்வில் பங்கேற்பது அவசியமில்லை என விட்டு விடுகின்றனர்.

அதாவது எப்படியாவது பி.இ. படித்தாக வேண்டும் என்ற நிலையிலிருந்து நல்ல தரமான கல்விக்கும் வேலைக்கும் வாய்ப்புள்ள கல்லூரியில் இடம் கிடைக்காவிட்டால் பொறியியல் படிப்பே வேண் டாம் என மாணவர்கள் ஒதுங்க ஆரம்பித்திருக்கி றார்கள்.

தமிழகத்தில் 552 பொறியியல் கல்லூரிகள் இருக்கின்றன. கடந்த இரண்டு ஆண்டுகளாக ஆசிரியர்களின் தகுதி, உள்கட்டுமானம், இதர வசதிகள் போன்றவற்றின் அடிப்படையில் தரப்பட்டியலும் இடப்பட்டிருக்கிறது. ஆனால், மாணவர்கள் இதைத் தவிர பல்வேறு அளவுகோல்களை அடிப் படையாகக் கொண்டு ஒரு பட்டியலை வைத்திருக்கிறார்கள். அதில் முதலிடத்தில் இருப்பவை 30 கல்லூரிகளே. இதற்கு அடுத்த கட்டமாக இரண்டாம் நிலையில் 15 கல்லூரிகள். இவற்றில் சேரத்தான் மாணவ ர்கள் விரும்புகிறார்கள்.

கடந்த மூன்று ஆண்டுகளில் அக்கல்லூரிகளில் படித்தவர்களுக்குக் கிடைத்த வேலைவாய்ப்பை வைத்து இப்பட்டியலை உருவாக்கி இருக்கி றார்கள். அதிகாரபூர்வமாக இல்லாவிட்டாலும் சமூக, நட்பு ஊடகங்கள் வழியாக இந்தப் பட்டியல் பகிரப்படுகிறது.

கடந்த இரண்டு ஆண்டுகளாகத் தமிழக த்தின் கல்விச்சூழலில் ஏற்பட்டிரு க்கும் மற்றொரு மாற்றம் அகில இந்திய அளவில் நடைபெறும் பொறியி யல் கல்வி நுழைவுத்தேர்வுகளில் தமிழக மாணவர்கள் முந்தைய ஆண்டுகளைப்போல பெருமளவில் பிரகாசிக்க வில்லை என்பது தான். பிளஸ் டூவுக்குப்பின், தமிழகத்துக்கு வெளியே அகில இந்திய அளவில் பொறியியல் படிக்க வாய்ப்புகள் கொட்டிக் கிடக்கின்றன. அவற்றைப் பயன்படுத்திக்கொள்ள பல நுழைவுத் தேர்வு கள் இருக்கின்றன. அதில் அகில இந்திய அளவில் முதல் 10 இடங்களில் இருக்கும் பொறியியல் கல்லூரிகளில் படிக்க JEE என்ற நுழைவுத்தேர்வு மிக முக்கியமானது. 13 லட்சம் மாணவர்கள் பங்கேற்ற இந்தத் தேர்வில் தேறிய 1.5 லட்சம்பேர் மட்டுமே அடுத் த கட்டத்துக்கு முன்னேறியிரு க்கிறார்கள்.  

இத் தேர்வில் தேர்வுபெற்ற தமிழக மாணவர்க ளின் எண்ணிக்கை கடந்த சில ஆண்டுகளாகக் குறைந்துகொண்டே வருகிறது. கடந்த ஆண்டு தமிழகத்தில் தேர்வுபெற்ற மாணவர்கள் 4000 மட்டுமே. ஆந்திரத்தில் 32 ஆயிரம், கர்நாடகத்தில் இதைவிட அதிகம்.

தமிழ்நாட்டில் ஐந்துவிதமான சிலபஸ்கள் இருக்கின்றன. அண்ணா பல் கலைக்கழகத்துடன் இணைந்தது, தன்னாட்சிப் பெற்றவை, அரசின் கட்டு ப்பாட்டில் இயங்கும் தன்னாட்சிப் பெற்றவை, தனியார் சுயநிதிக் கல்லூரிகள் என பலவகைக் கல்லூரிகள் வெவ்வேறு சிலபஸ்களுடன் இயங் குகின்றன. இதனால் தரம் ஒரே மாதிரியாக இருக்க வாய்ப்பில்லை. இந்த வேறுபாடுகளைக் களைய மத்திய அரசின் கல்வித்துறை முயற்சிகள் எடுத்து NPTEL (National Programme on Technology Enhanced learning) என்ற திட்டத்தை அறிவித்திருக்கிறது. ஆனால் பல கல்லூரிகள் அந்தத் திட்டத்தில் ஆர்வம் காட்டுவதில்லை. இன்னும் சொல்லப் போனால் பல கல்லூரிகளுக்கு இந்தத் திட் டம் பற்றித் தெரியுமா என்பதே சந்தேகமாயிருக்கிறது.  

மேலும் பல கல்லூரிகளில் திறமையான ஆசிரி யர்கள் இல்லை. வேறு வேலை கிடைக்காத தால் ஆசிரியரானவர்களே அதிகம். இவர்கள் பள்ளிகளில் இறுதித்தேர்வுக்கு மாணவர்களை த் தயாரிப்பது போலவே கல்லூரியிலும் செய்கி றார்கள். அதனால் நமது மாணவர்கள் தேர்வுக ளில் பாசானாலும் நிறுவனம் எதிர்நோக்கும் திறன்கள் இல்லாமல், வேலை கிடைக்காமல் இருக்கி றார்கள். அதைப் பார்க்கும் கிராமப்புற இளைஞர்கள் பி.இ.யைப் படிக்கத் தயங்குகிறார்கள்.”

தமிழகத்திலுள்ள பொறியியல் கல்லூரிகள் 552.

ஆண்டுக்கு சராசரியாக வெளிவரும் பொறியாளர்கள் 1.7 லட்சம்.

காம்ப்ஸ் இண்டர்வியூவில் வேலை பெறுபவர்கள் 32 ஆயிரம் பேர்கள்.

வேலையில்லாமல் காத்திருப்போர் 68 ஆயிரம் பேர்கள்.

உங்களது அடையாளமே உங்க ஆளுமைதான்! – உணர வேண்டிய உன்ன‍த வரிகள்!

உங்களது அடையாளமே உங்க ஆளுமைதான்! – உணர வேண்டிய உன்ன‍த வரிகள்!

ஆளுமை தரும் அடையாளம்! ஆளுமை… நாம் நம்மி டையே காண்பது சுயதோற்றம். பிறர் நம்மிடையே பார்ப்பதுதான் ஆளுமை. பெர்சனாலிட்டி (personality) என்ற ஆங்கிலச் சொல்லை அடிக்கடி இன்று கேட்கின் றோம். யாரை எப்படி எப்படிக் கையாளுவது என்பதில்தான் ஆளுமைஅடங்கியிருக்கின்றது உங்களிடம் வெளிப்படும் சிந்த னை, செயல், எண்ணம், மொழி, மனம், ஒழுக்கம், சமூக உறவு போன்றவைதான்உங்களுடை ய ஆளுமைப் பண்புகளையும் வெளிப்படுத்தும். பிறருக்கு உங்களை அடையாளப்படு த்தும்!

1. மற்றவரிடம் பேசும்போது, கைகளை கட்டிக் கொள் ளாதீர்கள். அது உங்களை பல வீனமானவராக காட்டும்.

2.மற்றவரின் கண்களை நேரா கப் பார்த்து பேசவும். அது உங் களை நேர்மையானவராகக் காட்டும்.

3.நீங்கள்பேசுவதை மற்றவர் கேட்க வேண்டுமானால் அவர் முகத்தைப் பார்த்து பேசவும்.

4. நேராக அமர்ந்து அல்லது நின்று பேசவும். கூன் போட்டு அமர்ந்தால் மற்றவர் உங்களை சோம்பேரி என நினைக்கக்கூடும்.

5. பேசும்போது முடியை கோதிக் கொள்வதையோ அல்லது அடிக்கடி உடைகளை சரிப்படுத்துவதையோ தவிர்க்கவும். அது உங்களை நம்பி க்கையற்றவராகக் காட்டும்.

6. நகத்தையோ, பென்சில் / பேனா முனையையோ கடி ப்பதை தவிர்க்கவும். அது உங்களை பயந்த வராக காட் டக்கூடும்.

7. நம்பிக்கையோடு கூடிய புன்னகை, நீங்கள் சொல்வ தை கேட்க விரும்பாதவரையும் கேட்க வைக்கும்.

8.உங்கள் பேச்சைவிளக்குவதற்கு, உங்க ள் கைகளையும் பயன்படுத்தவும். சைகை கள் நீங்கள் சொல்வதை மேலும் விவரிக் கும். 

தந்திரோபாயம் - தத்துவங்கள் (Tricks in Tamil)

தந்திரோபாயம் - தத்துவங்கள் (Tricks in Tamil)

தந்திரோபாயம்  என்பது ஏதோ ஒருவிதத்தில் இன்னெருவரை ஏமாற்றுதல்,நம்பிக்கை துரோகம்,பழிவாங்குதல் போன்ற செயல்களுக்கு தன்னில் எந்தவெரு குற்றமும் நேரடியாக தாக்காத வண்ணம் (கு‌ழந்தைத் தனமாக,மொக்குத் தனமாக ) இருக்கதக்கதாக செயல்படும் செயல் முறையாகும்.

வாழ்க்கையில் தந்திரோபாயம் இடம்பெறும் சந்தர்ப்பங்கள்

1. அரசியல்-நாம் கண்கூடாக ஒவ்வொரு நாளும் பார்த்து தேர்தல் காலத்தில் பலியிடல்
2. சினிமா-வியக்கவைக்கும் காட்சிகள்
3. வியாபாரம்-விளம்பரங்கள்,கண்ணைக்கவரும் விதத்தில் பொருட்களை உற்பத்தி செய்தல்
4. சமூக வலைத்தளங்கள்-நேரத்தை வீணடித்தல், வியாபார நோக்கம் (எமக்கில்லை வலைதளத்தின் சொந்தக்காரருக்கு)
5. மந்திர ஜாலம் , மாஜா ஜாலம் -குறுகிய நோரத்திற்குள் எம்மை ஏமாற்றுத் வித்தை
6. கணினி-சில மென்பொருட்களின் உதவியால் செய்யப்படுகிறது
7. கணிதம்-சில சிக்கலான வற்றை கணீத சமன்பாடுகள் மூலம் தீர்வுகாணல்
8. இயல்,இசை,நாடகம்-சில அசைவுகள் ,சத்தங்களை அடிப்படையாகக் கொண்டவை
9. விளையாட்டு-வெற்றியை தனதாக்கி கொள்ள செயல்படும் குறுக்கு வழிகள்
10. மருத்துவம்-மருந்துகள்,வேதியல் முறை மூலம் நோயை குணப்பபடுத்துதல்
11. புகைப்படத்துறை-சொல்லத்தேவையில்லை அன்றாடம் கேள்விப்படும் விடயம்

இராமாயனத்தில் தந்திரோபாயம்

இராமாயனப் போர் முடிவுற்று சில காலங்களின் பின் சீதை தனது கற்பை நிரூபிப்பதற்கு  தீ குளித்தால் என்று கேள்விப்பட்டிருப்பீர்கள்.

இதற்கு யாரின்  பழிவாங்கும் தந்திரோபாயமாக இருக்கலாம்.

உங்களுக்கு விடை தெரியுமா?

எனக்குத் தெரிந்த விடை என்னவெனில் 

இராமாயணப் போரில் இராவணன் வீர மரணம் அடைந்த பிற்பாடு இராவணனின் தங்கை சூர்ப்பனகை முடிவெடுத்தால் சீதையை எப்ப‌டியும் பழிவாங்க வேண்டும் மென்று.அவள் போட்ட நாடகத்தில் (தந்திரோபாயம்) சீதை பலியானால் எப்படி என்றால்?.

ஒரு நாள் அழகிய நங்கையாக உருமாற்றம் பெற்று சீதையின்  நட்பும் ,நம்பிக்கையும் நெடுநாட்களாக பெற்றுக்கொண்ட பிற்பாடு.

ஒரு மாறுவேடத்திலுள்ள சூர்ப்பனகை சீதையிடம் கேட்டால் எனக்கு இராவணணின் உருவத்தை வரைந்து தரும்ப‌‌டி (சீதை ஓவியம் வரைவதில் நிகரானவள்) சீதை அதை மறுத்தாள்  ,பின் சூர்ப்பனகை  தனது சுயரூபத்தை காண்பித்துக்கேட்டால் நான் கேட்பது எனது அண்ணணின் உருவத்தை ,இவ்வுலகில் இராவணன் தனது சுயரூபத்தை  உனக்கு மட்டுமே காண்பித்தான் அதைவிட நீ நல்ல ஓவியக்காரி எனக்கு தயவு செய்து அண்ணனின் உருவத்தை வரைந்து தரும்படியும் இல்லாவிடில் இவ்விடத்தில் தற்‌கொலை செய்வதாகவும் ‌சொன்னால்,பின் சீதை இராவணனின் உருவ‌த்தை வரையத் தொடங்கினாள்.

வரைந்து கொண்டிருக்கையில் இராமன் சீதையை கூப்பிட்டார் ,சீதை தான் வரைந்து கொண்டிருந்த இராவணனின் ஓவியத்தை தனது தலையணையின் கீழே வைத்து விட்டு இராமர் நோக்கிச் சென்றால். இதற்கிடையில் சூர்ப்பனகை போட்டுவாங்கிவிட்டல் .

இராமரின் கேள்விக்கு மறுப்பு தெரிவிக்காமல் தான் வரைந்து கொண்டிருந்த இராவணனின் ஓவியம் தனது தலையணையின் கீழ் உள்ளதை ஒப்புக்கொண்டாள்,

இராமன் தன் கற்பின் மீது சந்தேக்ப்பட்ட காரணத்தினால்

சந்தேகத்தை நிவர்த்தி செய்வதற்காக தீ குளித்தால் என்றும் அவள் மீண்டும் தனது தாயுடன் அக்கியமானால் என்றும் ‌இராமாயணக்கதை ஒன்று உள்ளது.

இதில் இருந்து தனது தந்ரோபாயத்தினால் சீதையின் நட்புக்கு ,நம்பிக்கைக்கு சூர்ப்பனகை குற்றம் இ‌ழைத்தாள்

ஏன் பாரதக் கதையிலும் கூட பல தந்திரோபாயங்கள் இடம்பெற்றுள்ளதை அறியமுடிகிறது

கோச்சடையான் திரைப்படத்தில் கூட தந்திரோபாயத்தினால் தான் கோச்சடைன் ரணதீரன் இலட்சியத்தை நிறைவேற்றயதை அறியலாம்

விடாமுயற்சி தத்துவங்கள்

விடாமுயற்சி தத்துவங்கள்

விடாமுயற்சி எனும் செயலின் இறுதிவடிவம் வெற்றியாகும்.இவ் வெற்றிக்கனியை அடைவதற்கு இலட்சியம் எனும் ஒளி எவ்வித தடையுமின்றி பிரகாசமாக இருத்தல் மிக மிக அவசியமானதாகும்.

ஆனால் விடாமுயற்சியானது இவ்வுலகில் வாழும் உயிருள்ள அனைத்திற்கும் பொதுவானதாகும்.(சில உயிரற்றவற்றுக்கும் பொருந்தும்)

இதற்கு சில உதாரணங்கள் சில

1. தேனீகளின் தேன் சேகரிக்கும் விடாமுயற்சி
2. கடலலையின் விடாமுயற்சி
3. தாவித் தாவி வளரும் கொடிவகைகள்(வெற்றிலை,பாகற்கொடி.....)
4. புற்று கட்டுவதில் கறையானின் விடாமுயற்சி.
5. அறிவாற்றலை பெருக்குவதை விடாமுயற்சியாகக்கொண்டு பல கண்டுபிடிப்புக்களை உலகிற்கு வழங்கியவர்கள்(தோமஸ் அல்வா எடிசன், ஜன்ஸ்டைன்....)
6. மனதை கூர்மையாக்குவதை விடாமுயற்சியாக மேற்கொண்டு பல சூட்மங்களுக்கு விடை கண்டுபிடிக்கப்பட்டமை (யோகா)

இப்படியாக இறந்தகாலத்தில் நடந்தவற்றை உதாரணமாகக் கொண்டு விடாமுயற்சிக்கு விளக்கங்கள் கொடுக்கலாம் இதனால் என்ன பயன் இருக்கிறது,? 

உதாரணமாக மனிதனை எடுத்துக்கொண்டால் ஒவ்வொருவருக்கும் வித்தியாசமான  இலட்சியங்கள் உள்ளன ஒரு சிலரே மாத்திரம் இலட்சியத்தை விடாமுயற்சி மூலம் வெற்றியடைகின்றனர் மற்றவர்கள் தோல்வியை சந்திக்கின்றனர். ஒரு கேள்வி ஏன்? இவர்களும் விடாமுயற்சியினால் வெற்றியடையலாமே?

தேடிப்பார்த்ததில் சில காரணங்கள் தெளிவாகப்பட்டது அவை.....

1. ஒருவருடைய ஜாதகப்பலன்-கிரகமாற்றங்களின் விளைவுகள் (விஞ்ஞானத்தில் எடுபடாதவை)
2. அனுபவம் இல்லாமை
3. வறுமை
4. தோல்வி மனப்பான்மை.
5. சேம்பேறித்தனமான உழைப்பு.
6. இலட்சிய ஒளி பிரகாசிக்காமை.
7. திறமையான ஆசிரியர்கள் வளம் இல்லாமை.
8. சூழ்நிலைகள்
9. நேரத்தின் வலிமை தெரியாமை
10. புகழ்ச்சிக்கு அடிமையாதல்

இப்படியாக பல காரணங்கள் உள்ளன .

விடாமுயற்சியின் கணித சமன்பாடு

பயிற்சி+விடாமுயற்சி =வெற்றி

எப்படி இருப்பினும் விடாமுயற்சியினால் அனைவரும் வெற்றியடைந்தால் ????? 

விடாமுயற்சி

விடாமுயற்சியும் உடலுறுதியும் உறுதியாக இருந்தால் ஏணியில் ஏறுவதும் இறங்குவதும் இலகுவாகும்

முள்ளுக்கும் திறமை உண்டு…

முள்ளுக்கும் திறமை உண்டு…

விவசாயி ஒருவருக்கு மலை அருகே தோட்ட்மிருந்தது. அதில் துளசி பயிர் செய்து இருந்தார். துளசி செடிகளுக்கு இடையே முளைக்கும் களைகள், முட்செடிகள் அகியவற்றை பிடுங்கி எடுத்து துளசி செடிகைள கண்ணும் கருத்துக பாதுகாத்து வளர்த்து வந்தார்.

ஒரு நாள் துளசி செடிக்கு இடைேய வள்ர்ந்து இருந்த‌ ஒரு முட்செடி செடி ஒன்றை பிடுங்கி எறிந்தார். உடனே அந்த‌ முட்செடி கண்ணீர் விட்டு அழுதது.விவசாயி அந்த‌ முட்செடியிடம் சென்டற போது அது சொன்னது ” நான் தான் யாருக்குமே பயன்பட‌ போவதில்லையே. எந்த‌ திற்மையும் இல்லாத‌ என்னை ஏன் கடவுள் படைத்தார்.” என‌ வருத்தப்பட்டது.

‘கடவுள் யாரையும் காரணம் இல்லாமல் படைப்பதில்லை.எலோருக்கும் திற்மையும், பலத்தையும் கொடுத்து இருக்கிறார். அதை நாம் தான் கண்டுபிடித்து ப‌யன் படுத்த‌ வேண்டும்’ என்று விவாசயி சொல்ல..’என்ன‌ திறமை இருக்க‌ போகிறது எங்கிட்ட‌, நானோ முட்செடி பிற்ரை காயபடுத்துவேனோ   தவிர‌, வேரு யாருக்கும் உதவியாக‌ இருக்க‌ மாட்டேன்’ என்று தன்னை இழிவாக பேசியது.

மறுநாள் விவசாயி தன் தோட்டைத்திலிருந்தது பிடுங்கி எறிந்த‌ முட்செடிகளை எல்லாம் ஒன்று சேர்த்து  தோட்டைத்தை சுற்றி  வேலி அமைத்தார்.

பின்பு அந்த‌ முட்செடியிட்ம் சென்று, ” நீ முட்செடி தான்  பிறறை காயப்படுத்துபவன் தான். ஆனால் உன்னிடமும் திறமை இருக்கிறது பலமும் இருக்கிறது. அதனால் தான்  இன்று இந்த‌ தோட்டைத்தையே பாதுகாக்கும் காவல்கார வேலியாக உயர்ந்துவிட்டாய்” என்று விவசாயி சொல்ல..

கடவுள் படைத்த எல்லா உயிர்களுக்குமே  திறமையும் பலமும்  உண்டு என்பதை உணர்ந்தது முட்செடி .

பணத்தைத் தாண்டிய முதலீடுகள்

பணத்தைத் தாண்டிய முதலீடுகள்

தொழில்  செய்ய  துடிக்கும்  பெருபாலானோர் ஒரு பிரச்சனையாக கருதுவது அதற்கான  முதலீடு என்னிடம் இல்லை என்பதுதான் .  இங்கு முதலீடு  என்று நாம் பெரும்பாலும் நினைத்து கொண்டிருப்பது பணத்தை பற்றிதான் .நாம் மற்றவர்களிடம் தொழில் செய்ய ஆசையில்லையா என்று கேட்டால் அவர்களிடமிருந்து வரும் பதில் அதற்கான முதலீடு  - என்னிடம் இல்லை !

பெருபாலானோர் என்ன செய்வது என்று தெரியாமல் முடங்கி நிற்ப்பதற்கு காரணம், முதலீடு  என்பதை முழுக்க முழுக்க பணத்தோடு பொருத்தி பார்ப்பதுதான்.

பணம் மட்டும் தான் முதலீடு என்றால் பரம்பரை பணக்கார வாரிசுகள் மட்டுமே தொழில் செய்திருக்க முடியும் . இன்றைக்கு நாம் காணும் மிகப் பெரிய தொழில் சாம்ராஜியங்கள் உருவானதிற்கு காரணம் பணம் மட்டுமல்ல .தங்கள் திறன் எதுவென்று அறிந்து, அதை தங்கள் தொழில் முதலீடு செய்ததன் விளைவாகத்தான் அவர்கள் மிகப்பெரிய தொழில் சாம்ராஜியத்தை படைத்திருக்கிறார்கள் .

நமக்குள்ளேயும் நம்மை சார்ந்தும் பல திறன்கள்  நம்மிடம் இருக்கிறது. அது  உழைக்கும் ஆற்றலாக இருக்கலாம் , மூளையாக   இருக்கலாம், உலகஞானம்,தொ ழி ல்நுட்ப  அறிவு , தலைமை  பண்பு, வித்தியாசமாக சிந்திக்கின்ற அறிவு ,கற்பனை திறன் ,நேரம் காலம் பார்க்காமல் நினைத்ததை  அடைய துடிக்கும் உழைப்பு ,விடா முயற்சி, நட்பு வட்டாரம் ,தொழில் வல்லுநர்களின் தொடர்பு, பேச்சுதிறமை , தேடிக்கொண்டே இருக்கும் மனம் , பேரார்வம ,பற்றி எரிகிற ஆசை (Burning Desire), திறமை ,தன்னம்பிக்கை ,தைரியம் ,நிர்வாகதிறமை ,தெளிவான குறிக்கோள்,எல்லாவற்றிடமும் கற்றுக்கொள்ளும் மனப்பான்மை ….இப்படி இது போன்ற பல திறன்களும் முதலீடுதான்.

நீங்கள் செய்ய துடிக்கும் வியாபாரத்தில் எது உங்களிடம் அதிகமாக இருக்கிறது என்று நீங்கள் நம்புகிறிர்களோ அதை முதலீடு  செய்யுங்கள் . தொழில் தொடங்கவும் ,வெற்றி பெறவும்  மிக முக்கியமானது  அதுதான்.

உங்களிடம் பணம் அதிகமாக இருந்தால் பணத்தை முதலீடு செய்யுங்கள் ,அறிவு அதிகமாக இருந்தால் அறிவை  முதலீடு செய்யுங்கள் , இவை  இரண்டையும் விட உழைக்கும் ஆற்றல்  அதிகமாக இருந்தால் உழைப்பை  முதலீடு செய்யுங்கள்.

எது உங்களிடம் அதிகமாக இருக்கிறதோ அதை முதலீடு செய்யுங்கள் .

சாதனை படைக்க‍ நமக்குத் தேவையான அவசியமான விசேஷ குணங்கள்

சாதனை படைக்க‍ நமக்குத் தேவையான அவசியமான விசேஷ குணங்கள்

சாதனையாளர்களிடம் காணப்ப டும் சிறப்பு குணங்களும் கூட‌ ஒருமனிதன் வெற்றியடையத் துணைபுரிவது அவனது குணங்களே என்று சொல்லப்படுகிறது. சாதனையா ளர்களின் குணங்கள் மற்றவர்க ளைவிட சற்று வேறுபட்டே இரு க்கின்றதுஎன்பதுதான் உண்மை. அப்படி இருக்கையில் வெற்றி மனிதர்களிடம் காணப்படும் விசேஷ குணங்கள்தான் என்ன என்பதைச் சற்று ஆராய்ந்துப் பார்ப்போம்.

சாதனையாளர்கள் உணர்வுக்குக் கட்டுப்பட்டவர்கள் உணர்வுக்குக் கட்டுப்படும் இவர்களது முதல் குணமே மற்றவர்களை விட இவர்க ள் வேறுப்பட்டிருக்கக் கார ணமாய் உள்ளது. அவர்க ளைப் பொருத்த வரை ஒரு காரியத்தில் ஈடுபட அதனை உணர்வுப்பூர்வமாக அணு குவது, அறிவுப்பூர்வமாக அணுகுவதைவிட முக்கிய மானது. இதனால்,வெற்றி மனிதர் கள் ஒருகாரியத்தில் ஈடுபடுகை யில் அதை முழுமையாக விரும் பிச் செய்வார்கள். சால்ஸ் டார்வி ன், ஆல்பெர்ட் என்ஸ்டைன்போன் ற பல சாதனை மனிதர்கள் அவர்க ளது இளமை பருவத்தில் படிப்பில் பின் தங்கியவர்க ளாகவே இருந்தனர் என்பது குறிப்பிடத் தக்கது.

சாதனையாளர்கள் மற்றவர்கள் என்ன நினைக்கிறார்கள் என்பதை ப்பற்றிக்கவலை கொள்வதில்லை சாதனையாளர்கள் எப்பொழுதுமே தங்களுக்கும் மற்றவர்களுக்கும் உள்ள உறவின் எல்லையை நன்கு அறி ந்தவர்களாக இருப்பர். அவர்கள் மற்றவர்களின் கருத்தைக் கேட்பார்களேத் தவிர, மற்றவர்களை முடி வெடுக்கவிட மாட்டார்கள். தாங்கள் விரும்பும் தொழிலி ன் முன்னேற்றத்திலேயே அ வர்களது கவனம் இருக்கும். மற்றவர்களின் தேவையில் லா விமர்சனத்தில் நேரத்தை வீணடிக்க மாட்டார்கள்.

சாதனையாளர்கள் தங்கள் செயல் திறனை வளர்த்துக் கொண்டே இருப்பார்கள்

ஒருமனிதன் தன் வெற்றியைத் தக்க வைத்துக்கொள்ள, அவன து படைப்பாற்றல், செயல்திற ன் ஆகியவற்றை வளர்த்துக் கொண்டே இருத்தல் அவசியம். இதைத்தான் சாதனை மனிதர்க ள் செய்கின்றனர். அவர்கள் சற்று சோர்ந்து போகும் போதெல்லாம் தங்கள் ஆற்றலை மேம்படுத்தும் பலவித நடவடிக் கைகளில் ஈடுபடுகின்றனர். அது அவர்களின் தொழில் சம்பந்தப்ப ட்டதாக இருக்க வேண்டிய அவசி யம் இல்லை. ஆனால், அவர்களு க்குப் பிடித்ததாய் இருத்தலே அவசியம்.

சாதனையாளர்களுக்குத் தங்களின் தனியுரிமையைத் தற்காத்துக் கொள்ள முடியும் இந்நவீன காலக்கட்டத்தில் கை தொலைப்பேசியின் பயன்பாடு அதிகரித்துக்கொண்டே இருக்கி ன்றது. நமக்குஉதவியாக இரு க்  கவேண்டிய இத்தொலைப்பே சி, நமக்குச் சில சமயங்களில் அதிகத் தொல்லைத் தரும் ஒன்றாக அமைந்து, நம் வேலையையும் பாதிக்கின்றது. இதனால்தான், சாத னைமனிதர்கள் பலர்வேலை நேரங்களின்போது தங்களது தொலைப்பேசியை அடைத்து விடுகின்றனர். இவர்களில் சிலர் ஸ்மார்ட்போன் போன்ற நவீனக் கைத்தொலைப் பேசி யைப் பயன்படுத்துவதில்லை . இருப்பினும், அவர்களுக்கும் வெளியுலகத் தொடர் புக்கும் எப்பொழுதுமே துண்டிப்பு வந்ததில்லை.

சாதனையாளர்கள் கவனம் சிதறா மல் இருப்பார்கள் சாதனை மனிதர்கள் எப்பொழுதும் எதையாவது செய்துக் கொண்டே இருப்பார்கள். இதற்கு அவர்களது கவனம் முகவும் முக்கியப் பங்களி க்கிறது. தங்களது கவனம் சிதறா மளிருக்க, தனி அறையில் வேலைசெய்தல், தியானித் தல் போன்ற பல வழிகளைப் பின்பற்றுவர். எதற்குமே அதிகம் உணர்ச்சிவசப்பட மாட்டார்கள். அவர்களின் எண்ணம் முழுக்கத் தாங் கள் ஈடுப்படும் தொழிலைப் பற்றியே இருக்கும்.

சாதனையாளர்கள் தங்கள் முதல் வெற் றியில் நிலை த்திருக்க மாட்டார்கள்

சாதனையாளர்கள் ஒவ்வொரு நாளும் சாதித்திக் கொ ண்டே இருப்பார்கள். அவர்கள் தங்கள் முதல் வெற்றி க்குப்பிறகு ஓய்ந்துவிட மாட்டா ர்கள். வெற்றிப் பாதையை நோ க்கி ஓடிக் கொண்டேயிருக்கும் இவர்கள், புதுப்புது காரியங்களி லும் ஈடுப்படுவார்கள். இதற்கும் மேலாக, அவர்கள் வெற்றிக்கா க எந்தவித சவாலையும் எதிர்க் கொள்ளத் தயாராக இருப்பார்கள்.

மேற்கூறிய குணங்கள் உங்களிடமும் உள்ளதா? அப்படியென்றால் நீங்களும் ஒரு வெற்றியாளர்தான்!!

உங்கள் வாழ்க்கையின் முன்னேற்றத்திற்கு உங்கள் மனதை மாற்றுங்கள்...

உங்கள் வாழ்க்கையின் முன்னேற்றத்திற்கு உங்கள் மனதை மாற்றுங்கள்...

இந்த உலகில் வெற்றியை நோக்கி வாழ்க்கையில் முன்னேறுவதற்கு ஒவ்வொருவருக்கும் ஒவ்வொரு விதத்தில் சோதனைகள் ஏற்படும். அப்படி சோதனை செய்வதில் முக்கியமான ஒன்று தான், மனம். ஏனெனில் அந்த மனம் எப்போதுமே முதலில் நெகட்டிவ்வைத் தான் நினைக்கும். அவ்வாறு நினைப்பதால், யாராலும் வாழ்வில் நிச்சயம் முன்னேற முடியாது.

எப்போதும் மனதில் பாசிட்டிவ்வாக யோசித்தால், எந்த ஒரு செயலையும் துணிந்து செய்யலாம். உதாரணமாக, நமது மனம் நெகட்டிவ்வாக நினைக்கும் போது, ஏதாவது ஒரு தோல்வி நடந்தாலும் அதை அவ்வளவு சீக்கிரம் மறக்காமல் இருக்கும். இதனால் எந்த செயலை செய்யும் போதும் எங்கு தோல்வி கிடைக்குமோ என்று பயந்து ஈஸியானவற்றைக் கூட இழக்க நேரிடுகிறது. ஆகவே வாழ்வில் வெற்றியை நோக்கி முன்னேற என்னவெல்லாம் செய்ய வேண்டும் என்று படித்து தெரிந்து கொள்ளுங்களேன்...

வாழ்வில் முன்னேறும் போது நிறைய பேர் என்னென்னவோ சொல்வார்கள். இதில் அதிகம் நம்மைப் பற்றி சொல்பவர்கள் யார் என்று பார்த்தால், குடும்பம், நண்பர்கள், உறவினர்கள், பக்கத்து வீட்டுக்காரர்கள் அல்லது ஆசிரியர்கள் தான். இவர்கள் சொல்வது நமது நலத்திற்காகவே இருக்கட்டும். ஏன் நாம் எதை விருப்பப்பட்டு செய்தாலும் மூக்கை அறுப்பது போல் நிறைய தடைகளை சந்திக்க நேரிடும். இந்த நேரத்தில் மனதை தளர விடாமல், தன் எண்ணத்தில் மட்டும் முழு கவனத்தைக் கொண்டு வாழ்வை மேற்கொண்டால், வெற்றியை நிச்சயம் அடையலாம்.

எப்போதும் மற்றவர்கள் கூறுவதை கேட்காமல், உங்கள் உள்ளம் சொல்வதைக் கேளுங்கள். உங்கள் உள்ளம் என்ன சொல்கிறதோ, அதை செய்யுங்கள். மற்றவர்கள் சொல்வதைக் கேட்டு நடப்பதால், வெற்றியை அடைய முடியாது. ஆகவே உங்கள் மனம் சொல்லும் வார்த்தைகளைக் கேட்டு, அதன் படி நடக்க வேண்டும். உதாரணமாக, உங்களுக்கு ஏதேனும் ஒரு புதிய விஷயங்களை செய்யும் போது, மற்றவர்கள் முடியாது என்று நினைப்பதை கூட, நீங்கள் முழு கவனத்தோடு, செய்து முடிப்பீர்கள்.

எந்த நேரத்திலும் நீங்களே முடிவெடுங்கள். இதுவரை சிறுவயதில் உங்களுக்கு உங்கள் வீட்டில் இருக்கும் பெற்றோர்கள் முடிவெடுப்பார்கள். இப்போது நீங்கள் வளர்ந்து விட்டீர்கள். இந்த நேரம் தான் நீங்கள் சுயமாக உங்கள் முடிவுகளை எடுக்க வேண்டிய தருணம். எப்போதும் எதையும் செய்ய முடியவில்லை என்று மற்றவர்களிடம் மன்னிப்பு கேட்காமல், பொறுப்புணர்வோடு இருக்க வேண்டும். வாழ்க்கையில் முன்னேற வேண்டுமென்றால், நினைத்தால் மட்டும் போதாது, சுயமாக முடிவு எடுக்க தெரிந்திருக்க வேண்டும்.

இது தான் மிகவும் முக்கியமான ஒன்று. மேலே சொன்னது போல், வாழ்க்கையில் முன்னேறும் போது தோல்விகளை சந்தித்து தான் ஆக வேண்டும். அதற்காக அந்த தோல்விகளையே மனதில் வைத்துக் கொண்டு வாழ்க்கையில் இருக்க கூடாது. "தோல்வி தான் வெற்றியின் முதல் படி". தோல்விகளை சந்திக்க சந்திக்க தான் மனம் தெம்பாக, அனைத்தையும் எதிர்த்து நின்று, தைரியமாக செல்ல முடியும். இதனால் வெற்றியையும் எளிதில் அடைய முடியும். * இன்றைய காலத்தில் நிறைய மக்கள் சோம்பேறித்தனத்துடன், கவனகுறைவோடு, எதைப் பற்றியும் கவலை இல்லாமல் இருக்கின்றனர். ஏனெனில் அவர்களுக்கு எந்த ஒரு நினைப்பும் இல்லை. இதனால் அவர்கள் எந்த ஒரு பெரிய பாராட்டையும் பெறப் போவதில்லை. ஆனால் தோல்வியடைந்து விட்டால் மட்டும், அதை நினைத்து மனதை தளரவிட்டு, வாழ்க்கையை வீணாக்குவது. ஆகவே அவ்வாறு இல்லாமல், மனதை எப்போதும் சுறுசுறுப்பாக வைப்பதோடு, அடைய வேண்டிய இலக்கை மனத்தில் கொண்டு சுறுசுறுப்பாக செயல் பட வேண்டும்.

மேற்கூறியவாறெல்லாம் நடந்து வந்தால், வாழ்க்கையில் பெரிய வெற்றியை அடைவதோடு, வாழ்வில் ஒரு நல்ல நிலைக்கும் வரலாம்.

சுயமுன்னேற்ற நூல்களை படிப்பதன் மூலம் சுயமுன்னேற்றம் ஏற்படுமா?

சுயமுன்னேற்ற நூல்களை படிப்பதன் மூலம் சுயமுன்னேற்றம் ஏற்படுமா?

சுயமுன்னேற்ற நூல்களை படிப்பதன் மூலம் சுயமுன்னேற்றம் வருமா என யாராவது கேட்டால் என்னத்த கன்னையா பாணியில் "வரும்..ஆனா வராது.." என்று என் நண்பன் சொல்லுவான்.

நீங்கள் கவனித்தது உண்டா? - படிக்கும் போது உங்களுக்கு அந்த நூலில் சொல்லப் பட்ட விஷயங்கள் மிகுந்த உத்வேகத்தை ஏற்படுத்தும்.

" பொறுத்திருந்தது போதும்..இனி தூள் கிளப்பி விட வேண்டியது தான்.." என்று தீர்மானிப்பீர்கள்.

ஆனால் காலம் ஓடும் போது அந்த பழைய வேகம் இருக்காது. மீண்டும் பழைய ஆளாக மாறி விடுவீர்கள்.

ஏனென்றால் நம் மனம் கடந்த காலம் எனும் இருளில் மூழ்கி உள்ளது.

சுய முன்னேற்ற நூல்களில் உள்ள நல்ல கருத்துக்கள் நம் மனதில் ஷண நேர வெளிச்சத்தை ஏற்படுத்துகின்றன.

வெளிச்சத்தின் ஆற்றல் குறைய குறைய மீண்டும் இருள் வந்து சூழ்ந்து விடுகிறது. நமது நம்பிக்கை தளர்கிறது.   

இதற்கு காரணம் நமது மூளையின் நியூரல் நெட்வொர்க் தான் என்றால் மிகையாகாது. நமது எண்ணங்கள் எப்போதும் பழகிய பாதையிலே தான் செல்லும்.

மனிதன் பழக்கத்திற்கு அடிமையாவது இதனால் தான்.

வெளி நாட்டு விஞ்ஞானி ஒருவர் ஒரு சோதனையை செய்து பார்த்ததாக கேள்விப்பட்டுள்ளேன்.

அவர் தினமும் தனது நாய்க்கு உணவிடுவதற்கு முன்பு மணியை அடித்து ஓசை எழுப்புவார்.

இது தினமும் தொடர்ந்தது.

சில நாட்களுக்கு பிறகு கவனித்தார். சும்மாவேனும் மணி ஓசையை கேட்டதுமே நாயின் நாக்கில் நீர் சுரக்க ஆரம்பித்தது!

ஏனென்றால் நாயின் மூளையின் நியூரல் நெட்வொர்க்கில் மணி ஓசை கேட்டதும் சாப்பாடு கிடைக்கும் என்பது பதிவாகி நாக்கில் நீரை சுரக்க வைத்தது.

நிலத்தில் ஒடும் தண்ணீர் எப்படி ஏற்கனவே உள்ள வழியில் ஓடி ஓடி தனது பாதையை பெரிதாக்குகிறதோ அவ்வாறே மூளையில் எண்ணங்களும் ஏற்கனவே அமைத்த பாதையில் தான் செல்லும்.

எவ்வளவுக்கு எவ்வளவு அதிக காலம் அந்த எண்ணங்களை எண்ணுகிறோமோ அந்த அளவுக்கு மூளையில் அதன் பாதை அழுத்தமாக பதிகிறது.

நீங்கள் சுய முன்னேற்ற நூல்களை படித்து உங்கள் பழைய எண்ண ஓட்டத்திற்கு குறுக்கே கட்டும் அணையினால் சிறிது காலம் வெள்ளம் வேறு திசையில் ஓடும்.

ஆனால் உங்கள் கடந்த கால எண்ணங்கள் மிக பலமானவை. சீக்கிரமே அணைக்கட்டை உடைத்து விடுகிறது.

பழைய பாதையிலே எண்ணங்கள் செல்லத் தொடங்குகின்றன. இது நமது மனதின் 'டகால்டி' வேலை தான்!

சரி இதற்கு வழியே இல்லையா? நாம் புதிய மனிதராக மாற முடியாதா என்று கேட்டால் கண்டிப்பாக முடியும் என்று தான் சொல்ல வேண்டும்.

அந்த சுய முன்னேற்ற நூல்களின் கருத்துக்கள் நம் மனதில் ஆழமாக செல்ல வேண்டும்.

தவறு நூல்களில் இல்லை. நம் மனதில் உள்ளது.

நமது அடி ஆழ எண்ண அமைப்பை மாற்ற வேண்டும்.

அதற்கான எளிய வழியை பிறிதொரு சமயம் பார்ப்போம்.

இந்த கட்டுரை உங்களுக்கு உற்சாகத்தை தந்ததோ இல்லையோ நீங்கள் செய்யும் தமிழ்மண பரிந்துரையும் (மேலே), தமிலிஷ் (கீழே) ஓட்டும் மற்றும் உங்கள் மேலான பின்னூட்டமும் மேற்கொண்டு இது போன்ற கட்டுரைகளை தொடர எனக்கு உற்சாகத்தை ஏற்படுத்தும் என்பது உண்மை.

STRESS MANAGEMENT நெருக்கடியை சமாளிப்பது எப்படி?

STRESS MANAGEMENT : நெருக்கடியை சமாளிப்பது எப்படி?

STRESS என்றால் என்ன? அதற்கு பொருத்தமான தமிழ் வார்த்தை என்ன?என்று தேடி தவித்து கொண்டு இருக்கும் பொது உதவிக்கு ஓடி வந்தார் வள்ளுவர்

      இடுக்கண் வருங்கால் நகுக என்று நமட்டு சிரிப்போடு சொன்னார் அவர் உடனே கவிஞரோ அட போயா, பாம்பு வந்து கடிக்கையில்,பாழும் உயிர் துடிக்கையில் யார் முகத்தில் பொங்கி வரும் சிரிப்பு என்று சுய அனுபவத்தை புலம்பினார்.

      

stress என்றால் distress என்று சொல்லலாம். நிகழ்ந்த,நிகழ்கின்ற,அல்லது நிகழப் போகின்ற ஒரு நிகழ்வோ சம்பவமோ நமது உடல்,உயிர்,மற்றும் மனதுக்கு துயரையோ, நெருக்கடியையோ கொடுத்தால் அதை இருக்கண்,இடும்பை என்று சொல்லலாம்.

       

எதிர்பார்த்து ஏமாற்றம் அடைந்தாலும் சரி அல்லது எதிர்பாராத ஏமாற்றம் அடைந்தாலும் சரி அல்லது எதிர்பாராத ஏமாற்றம் வந்தாலும் சரி மனம் நெருக்கடிக்கு ஆளாகிறது.

    

ஆனால் நடைமுறையில் வாழ்வின் எல்லா மட்டங்களில் உள்ள எல்லா மனிதருக்கும் நெருக்கடி என்பது நொடிக்கு நொடி அடிக்கடி சந்திக்க கூடிய,சந்திக்க வேண்டிய ஒரு இயல்பான நிகழ்வாகும்.

    

துயரம்,துன்பம் வரும் போது துக்கமும்,சோர்வும் வருவதுதானே இயல்பு.அதனால் என்ன தவறு?இடுக்கண் வரும் போது சிரிக்க முடியுமா?யாராலும் முடியாது என்பது இயல்பு.

     

பிறகு ஏன் வள்ளுவர் அப்படி சொன்னார்?துயரம் வரும் போது சிரித்தால் எல்லாரும் பைத்யம் என்றல்லவா சொல்வார்கள்?

    

ஆனால் நன்றாக சிந்தித்து பார்ப்போம் சிரிக்கவா சொல்கிறார் நுணுக்கமாக அழாதே தைர்யமாக இரு அப்போது தான் கலங்காமல் அதை எதிர்த்து போராடி வெற்றி காணமுடியும் என்றல்லவா சொல்ல பார்க்கிறார்.

   

நாம் வழக்கம் போல துன்பம் வரும் பொது அழகிறோம்,சோர்வடைகிறோம்.

தூசு போல வெள்ளம் நம்மை இழுத்து கொள்ளும்.எதிர்ப்பும் உறுதியும் இல்லை என்றல் இன்னும் சுலபமாக வீழ்வோம் தூசும் துரும்பும் போல.

    

ஆகவே துன்பம் என்பது வலி போல இயல்பாக வேதனையும் சோர்வும் தரும் அது எதற்காக?அப்போது தான் நாம் அந்த செயலை எதிர்காலத்தில் தவிர்க்க வேண்டும் என்ற நடத்தை உருவாவதற்காக.

     

ஆனால் நடைமுறையில் மனிதனில் சமூக பரிணாம வளர்ச்சியில் இது பல மாற்றங்களை அடைந்தது.உணவு,உறவு,உறக்கம் மட்டும் மிருகத்துக்கு போதுமானது ஆனால் மனிதனான சமூக மிருகத்துக்கு அதை தாண்டி பணம்,பதவி,புகழ் என்ற பல பகட்டான பாக்கள் தேவைப்பட ஆரம்பித்தது.

    

எனவே அவனுடைய தேவையின் எல்லைகள் விரிவடைய உணவு,உறவு,உறக்கத்தை கூட துறக்கவும் தியாகம் செய்யும் உயிரையே கூட விருப்பத்துடன் பலியிடவும் தன்னை தயார்படுத்தி கொள்ள வேண்டிவந்தது.

   

இந்த கட்டத்தில் விரக்தியை,தோல்வியை,துயரை,னெருக்கடியை தாங்கி,சமாளித்து, நின்று நிலைத்து  எதிர்த்து போராட வேண்டிவந்தது.

அப்போதுதான்  தகுதியுள்ளவரே உயிர் வாழ்வார் புகழ்பெறுவார் என்ற தத்துவம் வலுபெற்றது.

      

எவரொருவர் நெருக்கடியை சுலபமாக எதிர் கொள்ளும் மன உறுதி உடையவரோ அவருக்கு எல்லா வெற்றிகளும் என்பது நடைமுறையில் நிரூபிக்கபட்டது.

    

எனவே தான் இடுக்கண் வருங்கால் நகுக என்ற தத்துவம் போதிக்கபட்டது.அது வாழ்வில் வெற்றி பெற அவசியமான அத்யாவசயமான அடிப்படை கொள்கையாக அறிவுறுத்தப்பட்டது.

   

இதை நம் வாழ்வியல் நிகழ்வுகளோடு ஒப்பிட்டு பார்ப்போம்.

ஒவ்வொரு வயதின் பயணத்திலும் மனிதன் நேர்கொள்ள வேண்டிய நெருக்கடிகள்தான் எத்தனை.

  

20 வயதுக்குள்ளாக பெற்றோரில் யாராவது  ஒருவர் குறிப்பாக தந்தை பிரியும் போதோ,மரணமடையும் போது நிச்சயமாக ஒரு பெரும் நெருக்கடி உருவாகிறது.சாதராணமாக எல்லா குழந்தைகளும் இந்த துயரினால்உடைந்துநொறுங்கி,படிப்பில் ,பொருளாதாரம்,வேலை,

சுறுசுறுப்பு,உற்சாகம் போன்ற பல செயல்களில் பின் தங்கி இருப்பதை நடைமுறையில் பார்க்கிறோம்.

   

ஆனால் இந்த போராட்டமான வாழ்வினில் வெற்றி பெற்றவர்களே இன்று உலகில் முன்னணியில் வாழ்கின்றனர்.

    

எனவே நெருக்கடிகளை சமாளிக்க அதை வருமுன்னரே காக்க அதை பற்றிய முழமையான விழிப்புணர்வும் போராடக்கூடிய முன் பயிற்சியும் மிக அவசியமாகிறது.

    

வாழ்வின் நெருக்கடிகளை மூன்று வகைகளாக பிரிக்கலாம்.

ஒன்று தனிப்பட்ட மனிதனுக்கே சொந்தமான பிரச்சனைகள்.

இரண்டு நட்பு,உறவு,குடும்பம் போன்ற நெருங்கிய மனிதரால் வரும் பிரச்சனைகள்.

மூன்றாவது வேலை,அயலார்,தொழில்,சமூகம்,அதிகாரிகளால் வரும் பிரச்சனைகள் இதை personal/interpersonal/occupational/socialstresses என்று பகுக்கலாம்.

   

நெருக்கடிகள் ஒன்று உடல் ந‌லம் மற்றது மன நலத்தை பாதிக்கும் அல்லது இரண்டையும் பாதிக்கும். நேரம்,பொருளாதாரம் வலி,துன்பம்,தோல்வி,அவமானம்,இழப்பு போன்ற பல்வேறு வகையான விளைவுகள் நெருக்கடியை தோற்றுவிக்கின்றன.

       

இதை வாழ்வின் நெருக்கடியை தரக்கூடிய துன்ப இயல் சம்பவங்கள் என பட்டியலிட்டனர்.அதை எந்த நிகழ்வு மிக துயரமானது என மதிப்பெண் போட்டு வரிசையும் படுத்தினர்.குறைந்த பட்சம் 50 முதல் அதிகபட்சம் 100 வரை உள்ள இந்த நிகழ்வுகளின் பட்டியல் உலகில் உள்ள எல்லா வயதினருக்கும் ஆண்கள் பெண்களுக்கும் பொருந்தும்.

       

அறிவியல் ஆன்மீகம்,இலக்கியம்,தத்துவம்,மனோத்துவம் போன்ற அறிவுகளில் தெளிவான ஈடுபாடு உள்வர்களுக்கு அவர்களது சொந்த வாழ்வில் துயரம் வருவதற்கு முன்பாகவே இந்த நெருக்கடிகளை பற்றிய விழிப்புணர்வு இருக்கிறது.

       

அதை ஏற்று கொள்லும் மனபக்குவம் உள்ளவர்களுக்கு நெருக்கடிகள் குறைந்த பட்ச துன்பமே தருகிறது .அதுமட்டுமல்ல மனதளவில் நெருக்கடிகளை சமாளிக்க கூடிய முன்னறிவும் மன நல பயிற்சிகளும் அவர்களுக்கு படகு போல உதவியாய் இருக்கின்றன.

பொறுமையாக அமைதியாக இருந்து நெருக்கடி தீறும் என்ற நம்பிக்கையுடன் அதை எதிர்த்து போராடி வெல்கிறார்கள்.பல நேரங்களில் தெளிவாக தவிக்காமல் தளராமல் உறுதியாக இருந்தால் கொத்த வந்த பாம்பு கூட திரும்பி போகிறது 

கொதித்து வந்த வெள்ளமும்

நெருப்பும் கூட த‌ணிந்து போகிறது.

       

நவீன வாழ்விலே கருவறையிலிருந்து கல்லறை வரை ஒவ்வொரு மனித உயிரும் கணக்கில் அடங்காத பல நூறு நெருக்கடிகளை சமாளிக்க வேண்டியுள்ளது.

கருவில் இருக்கும் போதே இன்று உயிர்களுக்கு தாயின் உடல் நல மன நல துயரங்கள் அவள் சாப்பிடும் மருந்து மாத்திரைகள் அவளோடு சேர்ந்து அதன் பயணங்கள் என்று பல துயர்கள் பல நேரங்களில் கருவுக்கே அறுவை சிகிச்சை நடைபெறுகிறது.

பெண்குழந்தையாய் இருந்தால் கருவிலேயே உயிருக்கு பாதுகாப்பில்லை.இறுதியில் உயிர் இறந்து கல்லறைக்கு போனாலும் எரிப்பதோ புதைப்பதோ என போராட்டத்தில் பிணத்துக்கு கூட stress

விட்டு வுடுவதில்லை.

      

பிரசவமாகி வளர்வதற்குள் பெற்றோரது வாதங்கள் யுத்தங்கள் பிரிவுகள்,முறிவுகள்,உதைபடும் கால் பந்து போல பல பிஞ்சு உள்ளங்கள் வளர்கின்றன.

கல்விச் சாலைகள் ஒரு புதிய வாழ்வு 

ஆனால் சில ஆண்டுகளிலேயே புத்தக மூட்டை சுமை,வீட்டுபாடம்,முதல் இடம் என்ற போட்டியால் குழந்தைகள் கூன் விழுந்து நரை போடாததுதான் மிச்சம் 

அணுசக்தி ஆராய்ச்சி பற்றி ஜஸ்கிரீம் குழந்தைகள் மனப்பாடம்.

படி இல்லையென்றால் அடி 

பாலூட்ட வேண்டிய தாய் மார்கள் கைத்தடியுடன் 

ஆசிரியர்களோ குழந்தைகளுக்கு அரக்கர் போல தோன்றுகிறார்கள்.

       

பயணம் செய்ய நெருக்கடி,பள்ளியில் இடம் கிடைக்க நெருக்கடி படிப்பிலே போட்டி,ஆலையிட்ட கரும்பு போல சக்கையாய் வந்து சேரும் வாலிபம்.

பாலுணர்வு உந்த படிப்பிலே கவனம் சிதற பழக்கங்கள் தீமையாகி வாழ்வே நரகமாகிறது.தட்டு தடுமாறி பட்டம் படித்து ஏறி இறங்கி வேலை வாங்கி எப்படியோ திருமணமாகி உட்கார்ந்ததும் 

அடுத்தது குடும்ப சண்டை,பங்காளிதகராறு ,மாமியார்ப்மருமகள் யுத்தம்,தனிக்குடித்தனம் என்று தொடர்கிறது துயரம்.       

கணவன்,மனைவி யுத்தம், நோய்பட்ட குழந்தைகள்,குறைந்த வருமானம் நிறைய வேலை அவமானம் ஆத்திரம் என தொடர்கிறது வாழ்வு.

     

நிறைய எதிர்ப்பார்ப்புகள் நிறைய ஏமாற்றங்கள் 

சரிக்கட்ட கடன்கள் சமாளிக்க முடியாத சவால்கள்.

உருண்டு புரண்டு எழுந்து நிமிர்ந்து புதல்வர்களை முதல்வராகளாக்கி ஆயிரம் பொய் சொல்லி அவரை  படிக்க வைக்க வேலை வாங்க,காதலை தடுத்து,கண்ணீரோடு போராடி எதிர்த்து பேசி தீய பழக்கங்களுக்கு வருந்தி அவரை திருத்தி மனிதனாக்கி புனிதனாக்குவதற்குபடுவது பெரும் பாடு.மாலை போட்டு ஒய்வு வாங்கி உபயோகமில்லாது வீட்டில் முடங்கி கடனை கட்டி காசை இழ்ந்து மறுபடி வறுமை.

   

இறகு முளைத்த கிளிகள்  பறந்து போக தனிமையில் ஏங்கி முதுமையில் தளர்ந்து எப்போது வருவாய் எமனே என அழைத்து வரும் மரணத்திலும் துயரம் 

இறந்த உடலின் முன்பு பங்காளி சண்டை பாகப்பிரிவினைகள் முரண்பட்டதோளில் சுமந்து எரிப்பதா புதைப்பதா என்ற வாதம்.

இறந்த பின்னும் தீராது துயரம் திதிக்கு ஏங்கும் ஆவிகள் ஆசைகள் தீராது உலாவி வரும் உயிர்கள்.

    

இத்தனை துயரையும் எண்ணிபார்த்தால் வாழ முடியுமா?

ஆனால் அவை யாவும் துயர்களா விரும்பி ஏற்று கொண்ட சுமைகளா? 

இல்லை நாம் ரசித்து நாமே நடிக்கும் நாடகம்.

இன்பமும் துன்பமும் வாழ்வின் இருபக்கங்கள் துயரம் என்பது வாழ்விலே நொடித்து ஓடக்கூடிய தறி நூல் 

அப்போதைக்கு அப்போது இடை இடையே வரும் குறுக்கு நூல்களே இன்பங்கள்.

அவற்றை ரசித்து கொண்டே துயர நூல் எல்லாவற்றையும் தாங்கி கொள்கிறது.

       

சரி ஆனால் துயரத்தை துடைப்பதே எப்படி அது தானே கேள்வி.

துயரத்தை தடுக்க முடியாது ஆனால் மறுக்கலாமே.

    

இந்த துன்பங்கள் பிறந்து இறந்த அத்தனை உயிருக்கும் பொது தானே நமக்கு மட்டுமே உரிமையில்லையே.துயரத்தை துயரோடு சுமக்கிறவன் தானே துயரடைகிறான்.குழப்பமாக இருக்கிறதா?

     

சுமையை சுமையாக சுமப்பவன்தானே சுமையால் அழுகிறான்.தோளிலே இரு கிலோ அரிசி மூட்டை சுமை.ஆனால் வயிற்றிலே 2 கிலோ குழந்தை இனிமைதானே தாய்க்கு தோளிலே 10 கிலோ குழந்தைய்ம் இன்பம்தானே தந்தைக்கு.

       

லட்சலட்சமாய் பணத்துக்காக திரையிலே அழும் நடிகருக்கும் இதயத்திலே இன்பம்தான்.

ஆடிக்கொண்டே பாடிக்கொண்டே படகோட்டும் உழைப்பாளிக்கும் உழவனுக்கும் கூட உலகம் சுமையாக தெரியவில்லையே.

    

ஒரு துளி தங்கத்துக்காக ஒரு மலையளவு மணலை சலிப்பில்லாமல் சலித்தெடுக்கிறோமே.

எனவே வாழ்வு 

துயரமானது,

துன்பமானது,

சுமையானது, 

நெருக்கடியானது,

கடினமானது,

போராட்டமானதென்பது 

என்று சொல்வது பயமுறுத்துவதற்காக அல்ல 

அதை அப்படியே ஏற்று கொள்ள வேண்டும் 

என்று புரிய வவைப்பதற்குதான் 

அதைவிட அதற்காக நமது உடலையும் மனதையும் தயார்படுத்தி கொள்வதற்காகத்தான்.

   

மன நல பயிற்சிகளாலும்,முயற்சிகள் பண்படுத்தபடுகிறது.

முன்னறிவு மன உறுதி தருகிறது 

வாழ்வை ஒரு விளையாட்டு போட்டியாக பாவித்து மகிழ்ச்சியுடன் விளையாடும் மனோபாவத்துடன் வாழ கற்று கொள்வதே விவேகமாகும் 

இதை மனோபவம் அதாவது நம்பிக்கையுடன் எதிர் நோக்கும் சந்திக்கும் சுபாவம் இருந்தால் சுமையான வாழ்வு கூட சுமையாகும்.

  

எப்படி ஒரு விளையாட்டு வீரன் 

முதல் நாள் தோல்வியை கனவு போல் உதறிவிட்டு 

மறு நாள் புதிய உற்சாகத்துடன்,

உத்வேகத்துடன் விளையாடுகிறானோ 

அது போல நாமும் வாழ வேண்டும்.

அப்போது நெருக்கடிகளை சவால்களாக ஏற்கும் மனோபவம் வந்து விடும் மேலும் பெரிய சவால்களை, மனம் விரும்பி வரவேற்கும் 

ஒன்றில் வெற்றி பெற்றதும் ஓயாமல் மற்றதற்கு விரும்பி விரும்பி ஏற்கும் அப்போது தான் அந்த மனிதன் மாமனிதனாவதற்கு வழி பிறக்கும் எந்த துறையில் இருந்தாலும் அதன் சிகரத்தை எட்டுவதற்கு அவனுக்கு வாய்ப்புகள் குவியும் சாதனைகள் உயரும்.

      

ஒரு இரும்பு துண்டை எஃகாக மாற்ற என்ன செய்கிறார்கள் அதற்கு மீண்டும் மீண்டும் ‘stress’ கொடுக்கிறார்கள் எப்படி அதீதமான குளிரிலும் வெப்பத்திலும் மாற்றி மாற்றி வதைக்கிறார்கள்.

     

அது போலவே துரும்பாக இருக்கும் மனிதன் இதய்ம் இரும்பாவதற்கு செய்யப்படும் சோதனைகள் வாழ்வு நமக்கு கொடுக்கும் நெருக்கடிகள் இந்த சோதனைகள் யாவும் நீ சாதனையாளன் ஆவதற்கு தகுதி உடையவன் தானா என்பதற்காக நடத்தப்படும் பரீட்சைகள் தானே 

தகுதியுள்ளவை மட்டுமே தொடரும் என்பது தானே உயிரின் பரிணாம தத்துவம்.

   

எனவே நெருக்கடிகளை கொசுக்கடிகள் போல உதாசினம் செய்து பழக வேண்டும்.

இடுக்கண் வரும் போது நடுக்கம் எடுக்க கூடாது 

துன்பம் வரும் பொது நடுக்கம் எடுக்க கூடாது 

துன்பம் வரும் போது துவள கூடாது.

அமைதியாக பதட்டபடாமல்  தயங்காது தளராது 

போராட்ட மனோபாவத்துடன் சந்திக்க வேண்டும்.

காலப்போக்கில் நெருக்கடி தரும் சம்பவங்கள் கூட பழகிப் போய்விடும்.

வானமே நம் எல்லை

வானமே நம் எல்லை

கடையை விரித்துள்ளோம் கொண்டு பயன் பெறுக...

இந்த உலகில் யானை, புலி, சிங்கம் என்று மனிதனை விட ஆற்றல் மிக்க விலங்கினங்கள் எத்தனையோ உள்ளன. ஆனால் அவற்றில் எதுவும் மனிதனை வெற்றி கொள்ள முடியவில்லை. இந்த உலகின் ஆதிக்கம் மனித இனத்தின் கையில் உள்ளது.

காரணம், உயிரினங்களுக்கு வாய்க்கும் அறிவு இரண்டு வகை 1. மரபு வழி வாய்க்கும் இயற்கையான அறிவு - Genetic Knowledge. 2. தம் அனுபவங்களைப் பகிர்ந்து கொள்வதால் வளர்க்கும் செயற்கை அறிவு - Somatic knowledge.

விலங்கினங்கள் இயற்கையாய் வாய்த்த முதல் வகை அறிவோடு நின்று விட்டன. Only Genetic knowledge.

ஒலி - ஒலியை ஒழுங்குபடுத்தி மொழி மொழியின் வடிவமாய்ச் சித்திரங்கள் எழுத்துகள் எழுத்துகளின் வழியே கருத்துகள் கருத்துகளைத் தாங்கி நிற்கும் நூல்கள்.

இப்படிப் பரம்பரை பரம்பரையாய் அறிவைப் பகிர்ந்து கொண்டு வளர்ந்து கொண்டே வந்ததால் மனித இனம் மட்டும் உயர்ந்தது. மற்ற உயிரினங்களை வெற்றி கண்டது.

மனித இனத்திலும் க்ல்வியின் வழி அறிவையும், அறிவின் வழி விழிப்புணர்வையும் தொடர்ந்து வளர்த்துக் கொண்ட நாடுகள் மட்டுமே உலகில் இன்று செல்வாக்குள்ள நாடுகளாய்த் திகழ்கின்றன. அமெரிக்கா, கனடா, ஐரோப்பிய நாடுகள், ஜப்பான், மலேசியா, சிங்கப்பூர், ஆஸ்திரேலியா போன்றவை இந்த வரிசையில் உள்ளன.

அவ்வாறு அறிவையும் விழிப்புணர்வையும் வளர்த்துக் கொள்ளாத நாடுகள் அனைத்தும் தொடர்ந்து வறுமையில் வாடும் ஏழை நாடுகளாய் உள்ளன. அந்த வரிசையில் முதல் உடத்தில் இருப்பது நம் இந்தியா. நம்மைச் சுற்றியுள்ள பாகிஸ்தான், ஆஃப்கானிஸ்தான், வங்காள தேசம், இலங்கை போன்ற நாடுகள் இந்த வரிசையில் அடுத்தடுத்து நிற்கின்றன.

ஒரு காலத்தில் எல்லோரும் உள்ளே வர ஆசைப்பட்ட புண்ணிய பூமியாக நம் தமிழ்நாடும் இந்தியாவும் இருந்திருக்கலாம். இன்று அப்படியல்ல. அப்பட்டமாய்ச் சொன்னால் வளர்ந்த நாடுகள் அருவருப்பாய்ப் பார்க்கும் பாவப்பட்ட பூமியாய் நம் நாடு இருக்கிறது என்பதுதான் உண்மை.

இந்தப் பாவப்பட்ட நாடுகளின் மக்களை செல்வாக்குள்ள நாடுகள் மதிப்பதே இல்லை. சில நாடுகள் நம்மை உள்ளே அனமதிப்பது கூட இல்லை.

வாழத் தெரியாதவர்கள் வாழும் நாட்டில், அளத் தெரியாதவர்கள் ஆட்சிக்கு வருவார்கள் என்கிறார், யோகிராஜ் வேதாத்திரி மகரிஷி.

தேர்ந்தெடுக்கப்பட்டவன் அயாக்கியன் என்றால், தேர்ந்தெடுத்தவன் முட்டாள் என்று அர்த்தம் என்றார் பகுத்த்றிவுப் பகலவன் தந்தை பெரியார்.

மறைந் தனித்தமிழ் அரிமா பாவலரேறு பெருஞ்சித்திரனார் அவர்கள் நம் உலகச் சுற்றுப் பயணத்தை முடித்துவிட்டு நம் மண்ணில் காலடி வைத்ததும் சொன்ன கருத்து இது இறைவன் என்ற ஓவியன், தன் தூரிகையை வண்ணங்களில் ‍தோய்த்து ஆசை ஆசையாய் வரைந்த அழகிய வண்ண ஓவியங்களே ஐரோப்பா, அமெரிக்கா, மலேசியா, சிங்கப்பூர், போன்ற நாடுகள். வரைந்து களைத்த நிலையில் கிண்ணத்தில் மீந்திருந்த வண்ணங்களைக் கழுவிக் கொட்டியதில் படிந்த தறைகள்தான் நம் நாடு.

ஏன் இந்த இழிநிலை என்ன இல்லை நம்மிடம்

1. தெளிந்த அறிவில்லை - Lack of wisdom.

2. பொறுப்புணர்வில்லை - Lack of responsibility.

3. விழிப்புணர்வில்லை - Lack of awareness.

வெட்கத்துடன் நாம் ஒப்புக் கொள்ள வேண்டிய உண்மை நிலை இது.

எனவ இந்த மண்ணில் நாம் இழுந்த பெருமையை மீட்க வேண்டுமென்றால், வரக்கூடிய தலைமுறைக்காவத அறிவையும் பொறுப்புணர்வையும் விழிப்புணர்வையும் ஊட்ட வேண்டியது மிக மிகத் தெவையான பணியாகும்.

என் தந்தை திருக்குறள் பெ. இராமையா அவர்கள் விட்டுச் சென்ற திருக்குறள் பணியைத் தொடர வேண்டி இலக்கிய வீதி இனியவன் அவர்களால் தூண்டப் பெற்று பதினாறு கவனகம் (சோடச அவதானம்) என்கிற நினைவாற்றல் கலை நிகழ்ச்சியை நடத்தத் தொடங்கினேன்.

இந்நிலையில் நாற்பது நாள் மலேசியப் பயணம் வாய்த்தது. அருமைச் சகோதரர் இலக்கிய வீதி இனியவன் அவர்கள் தன்னம்பிக்கை பாலசுப்பிரமணியம் அவர்கள் மூலம் இந்த நல்வாய்ப்பை உருவாக்கி உதவினார்.

மலேசிய மண்ணில் தன்னம்பிக்கைப் பயிற்சி வகுப்புகள் நடத்தி, தமிழ் மக்கள் பலரைக் கோடீசுவரர்கள் ஆக்கிய பெருமைக்குரியவர், தன்னம்பிக்கை பாலசுப்பிரமணியம் அவர்கள். உலகில் உள்ள தமிழர்கள் அனைவரையும் பணக்காரர்களாக்க வே்ணடும் என்பது இவரது கணவு. தன்னம்பிக்கை பாலா அவர்களின் இந்தக் கனவை நனவாக்க வேண்டி அவருடன் இணைந்து www.intamm.com என்று உலகில் உள்ள தமிழர்களுக்காக ஒரு கணிணி இணையத்தை (Web Site) உருவாக்கி மிகப்பெரிய அறிவுப் புரட்சியை நிகழ்த்தி வருபவர், மாணவர் நகலகம் திரு. சா. அ. சவுரிராசன்.

மனமே மாபெரும் ஆற்றல் என்கிற என்னுடைய பயிற்சி வகுப்பை, அழகாக வடிவமைத்துக் கொடுத்த பெருமை இவர்களுக்கே உரியது.

நீடித்த வாழ்க்கை Living Longer.

நலம்மிக்க வாழ்க்கை Living Healthier

மகிழ்ச்சியான வாழ்க்கை Living Happier

அறிவும் விழிப்புணர்வும் உள்ள வாழ்க்கை Living with wisdom and awareness.

என்ற நான்கு நோக்கங்களை மையமாக வைத்து நடத்தப்பெறும் பயிற்சி வகுப்பு இது. இந்த நூலும் இந்த நோக்கங்களை மையமாக வைத்தே வடிவமைக்கப் பெற்றது.

ஏற்கனவே பயிற்சி வகுப்பில் கலந்து கொண்டவர்களுக்கு இந்நூல் வழிகாட்டும் கையேடாக அமையும். மற்றவர்களுக்கு வாழ்ககை ப்றிறய விழிப்புணர்வை ஊட்டும் தூண்டுகோலாக அமையும்.

கடையை விரித்துள்ளோம். கொண்டு பயன் பெறுக.

முன்னேற விரும்புவோர்க்கு

முன்னேற விரும்புவோர்க்கு 

நாட்டை அறிவாளிகள் ஆட்சி செய்ய வேண்டும். 

இது கனடா நாட்டில் தங்கியிருந்த போது எழுதிய நூல். 

தூய பொதுத் தொண்டரும், மொழி - இன உணர்வாளரும், வாழ்வில் மறக்கவியலாத நண்பரும், மாந்த நேய உணர்வாளருமாகிய திரு. எஸ் இராசரத்னம் அவர்களது விருப்பப்படி எழுதப் பெற்ற நூல். 

வறுமையில் செம்மை என்ற இலக்கணத்திற்கு ஓர் இலக்கியமாய்த் திகழ்பவர் அன்னாரது துணைவியார் அருமைச் சகோதரி திருமதி. பவாணி இராசரத்னம் அவர்கள். 

இவர்களது அன்பான விருந்தோம்பலில் நானும் என் துணைவியாரும் மகிழ்ந்திருந்தபோது ஓர் நல்ல ஆட்சியாளன் எப்படி இருக்கவேண்டும். நாட்டை முன்னேற்ற விரும்புவோர் எத்தகைய பண்புகள் பெற்றிருக்க வேண்டும் என்பன போன்ற கருத்துக்களைத் திருக்குறள் - பொருட்பாலில் வள்ளுவப் பெருந்தகை வழியில் விளக்கி ஒரு நூல் எழுதித்தாருங்கள். எங்கள் மாணவர்களுக்குப் பாடமாக வைக்கிறோம் என்ற ஐயா இராசரத்னம் தெரிவித்தார். 

உடன் பொருட்பாலில் ஓர் அதிகாரத்திற்கு ஒரு குறளாகத் தோவு செய்து அதற்கு விளக்கம் அளிக்கும் வகையில் இந்த நூலை அணியம் செய்தேன். 

தற்போது தமிழகத்திலும் அரசியல் உலகம் அறிவுப்பூர்வமாக இல்லை போதுமான முன்னேற்றத்தை நாடு பெறவும் இல்லை 

சட்டமன்ற உறுப்பினர்கள் என்போர் மக்களின் பிரதிநிதிகள் என்பதில் ஐயமில்லை. ஆனால் மக்களில் பெரும்பாலோர் மடையர்களாக இருந்தால் மக்களின் பிரதிநிதிகள் மடையர்களின் பிரதிநிதிகளாகத்தானே இருக்க முடியும்? 

அதுதான் இன்றையத் தமிழகத்தின் அரசியல் நிலை. ஆக்கம் கெட்ட நாடு அடிமை மந்திரிகள் 

கல்லார் பிணிக்கும் கடுங்கோல் அதுவல்லது 

இல்லை நிலக்குப் பொறை - 570 

என்கிறது ஒரு குறள். இதன் பொருள் 

முட்டாள்களால் தேர்ந்தெடுக்கப்பெற்று மூடர்களால் ஆளப்படும் ஓர் அரசாங்கத்தைப் போல் நிலத்தின் பொறுமையைச் சோதிக்கும் கொடுமையான செயல் வேறில்லை என்பதாகும். 

பொறுமை இழந்த பூமி குலுங்காமல் என்ன செய்யும்? 

சென்னையில் பூமி அதிர்ச்சி என்ற செய்தியால் திருக்குறளை உணர்ந்தவனுக்கு வியப்போ அதிர்ச்சியோ என்படி ஏற்படும்? 

உப்பைத் தின்றவன் தண்ணீர் குடிக்கத்தான் வேண்டும். நஞ்சை உண்டவன் சாகத்தான் வேண்டும். தவறான முடிவெடுத்தவன் தண்டனை அனுபவிக்கத்தான் வேண்டும். 

மனத்தது மாசாக மாண்டார்நீர் ஆடி 

மறைந்தொழுகும் மாந்தர் பலர் - 278 

என்பது ஒரு குறள். இதன் பொருள் 

மனத்தில் உள்ள அழுக்கை நீக்கினால் மட்டுமே பாவம் நீங்கி இறை அருளையோ, இறை அனுபவத்தையோ பெற முடியும். அதை விட்டுவிட்டு கங்கை, பம்பை, மகாமகக் குளம் போன்று புண்ணியத் துறைகளில் நீராடினால் பாவம் போகும் என்று எண்ணி வீணாகும் பேதையர் உலகில் ஏராளம் என்பதாகும். 

இதையே 

கங்கை ஆடிலென் காவிரி ஆடிலென் 

பொங்கு தண்குமரிப்பெருந்துறை ஆடிலென் 

ஒங்கு மாகடல் ஓதநீர் ஆடிலென் 

எங்கும் ஈசன் எனாதவர்க்கு இல்லையே 

என்கிறது தேவாரம். 

தமிழ்நாட்டிலோ, அமைச்சர் பொறுப்பில் இருப்பவர்களே மகாமகக் குளத்தில் நீராடி மக்ககளைச் சாகடிக்கிறார்கள். மண்சோறு உண்பது, வேப்பிலை கட்டி ஆடுவது, குருவாயூரப்பனுக்கு யானை, வக்ரகாளிக்கு ரத்தம் என்பது போல் அருவருப்பான மூடிச்சடங்குகள் செய்வதில் முன்னோடியாய்த் திகழ்கிறார்கள். 

மன்னன் எவ்வழி, அவ்வழி மக்கள அறிந்தோ அறியாமலோ ஆட்சியாளர்கள் மக்களுக்கு முன்மாதிரியாகத் திகழ்சிறார்கள். 

எனவே ஓர் அறிவுப்பூர்வமான ஆட்சியாளன் எப்படி இருக்கவேண்டும் என்பதை முதலில் நன்கு தெரிந்து கொள்ளவேண்டம். அதையே இந்த நூலில திருக்குறளின் வழி விளக்கியுள்றோம். 

மக்களாட்சித் தத்துவத்தில் யார் வேண்டுமானாலும் ஆட்சியாளனாய் மாறலாம். எனவே எல்லோரும் இதைப் படித்துப் பார்த்துத் தங்களை அணியம் செய்து கொள்ள வேண்டும். நாட்டை அறிவாளிகள் ஆட்சி செய்ய வேண்டும். அதுவே இந்த நூலின் வழி நாம் தெரிவிக்க விரும்பும் செய்தி. 

ந்ன்றியுடன்.