எப்போதும் மகிழ்ச்சியாய் இருப்பது எப்படி?

காலையில் கண் விழிக்கும்போது மலர்ந்த புன்னகையுடன், "இறைவனே உன்னை வணங்குகிறேன்! இன்று முழுவதும் நான் செய்யும் செயல்கள் யாவும் உனக்கே அர்ப்பணம்" என மனதாரச் சொல்லுங்கள்! உங்கள் முகத்தில் எப்போதும் புன்னகையை அணிந்து கொள்ளுங்கள்!

மகாத்மா காந்தி சொன்னார், "உங்கள் முகத்தில் புன்னகை இல்லையென்றால் நீங்கள் முழுவதும் ஆடை அணிந்ததாக ஆகாது, ஆகவே புன்னகை புரியுங்கள்!" என்று. புன்னகையால் நண்பர்களை வெல்லுங்கள்! புன்னகையற்ற முகத்தில் விரைவில் சுருக்கங்கள் விழுகின்றன. உங்கள் புன்னகை இனிமையாக ஒளிரட்டும்!

ஒரு நாளைக்கு மூன்று முறையாவது மனமாரச் சிரிக்க வேண்டும். காலை, மதிய, இரவு உணவுகளுக்குப் பின்பு. இப்படிச் சிரிப்பது சிரமமாக இருந்தால் கண்ணாடி முன் நின்று கொண்டு உங்கள் முகத்தை விதம் விதமாக ‘அழகு காட்டிக்’ கொண்டு பாருங்களேன்!

நல்ல நகைச்சுவை உணர்ச்சியை வளர்த்துக் கொள்ளுங்கள்! உங்களைப் பார்த்தே சிரிக்கக் கற்றுக்கொள்ளுங்கள்! நாம் எவ்வளவோ சமயங்களில் பிறருடைய பலவீனங்களை, குறைபாடுகளை, வினோத நடவடிக்கைகளைப் பார்த்துக் கேலி செய்கிறோம். மாறாக, நாம் நம்மைப் பார்த்தே நகைக்கக் கற்றுகொள்ள வேண்டும். வாழ்க்கையின் பிரகாசமான பகுதிகளையே எப்போதும் பார்க்க வேண்டும்!

ஒருமுறை அரசன் ஒருவன் தன் பற்கள் அனைத்தும் விழுந்து விட்டது போலக் கனவு கண்டான். அந்தக் கனவுக்கு விளக்கம் அறிய விரும்பினான். கனவுகளுக்குப் பலன் கூறும் ஒருவர் சொன்னார்: "இது மிகவும் துரதிருஷ்டமான கனவு! உங்களுக்கு மிகவும் வேண்டிய ஒருவர் – மகனோ, மனைவியோ – எவரோ ஒருவர் இறந்து விடுவார்" என்று கூறினார். அரசன் துக்கத்தில் ஆழ்ந்தான்.

இன்னொருவர் வந்தார். அவர் சொன்னார்: "அரசே! உங்கள் மனைவி, மக்கள் யாவரையும் விட நீங்கள் அதிக நாட்கள் வாழ்வீர்கள் என்பதுதான் அதன் பலன்" என்றார். அரசன் மகிழ்ச்சி அடைந்தான். சொன்னது ஒரே விஷயம்தான்! சொன்ன விதம்தான் வேறு!

இறைவனே இந்த அகிலம் அனைத்துக்கும் அதிபதி. நம் விதிகள், வினைகள் யாவும் அவன் கண்காணிப்பில்தான் இருக்கின்றன என்கிற அசையாத நம்பிக்கையுடன் இருங்கள்! இந்த நம்பிக்கை, நமக்கு எதையும் எதிர்கொள்ளும் மன திடத்தைத் தருகிறது.

பின்னால் ஒதுங்கி ஒதுங்கிப் போகாதீர்கள்! எப்போதும் வாகனத்தை ஓட்டுபவராகவே இருங்கள்! சிலர் உங்களை அவமதிக்கும்படி நடந்து கொள்ளக்கூடும். அதற்கு முக்கியத்துவம் கொடுத்து, தளர்ந்து போய் அவர்கள் வாகனத்துக்கு நீங்கள் ஓட்டுநராகி விடாதீர்கள்! நீங்கள் மகிழ்ச்சியாக இருந்தால் உங்களைச் சார்ந்தவர்கள் அனைவருமே மகிழ்ச்சியாக இருப்பார்கள்.

துயரம் என்பது நமக்கு என்ன நேர்ந்தது என்பதனால் இல்லை; நமக்குள் என்ன நேர்கிறது என்பதனால்தான்!

உலகில் மகிழ்ச்சி தரக்கூடியது எது?

உலகில் மகிழ்ச்சி தரக்கூடியது எது? நிரஞ்சனா தஞ்சையை ஆண்ட மன்னர் இராஜராஜ சோழனுக்கு ஒரு சந்தேகம் எழுந்தது உலகில் அனைவருக்கும் மகிழ்ச்சியை தரக்கூடியது எது? என்பதே மன்னரின் சந்தேகம்.  அரசரின் சந்தேகத்திற்கான பதிலை சிற்பி ஒருவர், ஒரு சிலையின் மூலமாக விளக்கினார். அதை கேட்டு இராஜராஜ சோழன் மகிழ்ந்து, ஆயிரம் பொன் பரிசு தந்து, தஞ்சை பெரிய கோவிலுக்கான சிற்ப வேலைகளுக்கான பொறுப்புகளையும் அந்த சிற்பிக்கே தந்தார். இராஜராஜ சோழனின் கேள்விக்கு விடை தந்த சிற்பி வடித்த சிலை என்ன என்பதை தெரிந்துக்கொண்டால் உலகில் அனைவருக்கும் மகிழ்ச்சியை தரக்கூடியது எது? என்ற கேள்விக்கு விடை கிடைத்து விடும். ஆயிரம் பொன் பரிசு மன்னர் இராஜராஜ சோழனுக்கு ஒரு கேள்வி எழுந்தது. உலகில் அனைவருக்கும் மகிழ்ச்சியை தரக்கூடிய பொருள் எது என்பதே அவர் கேள்வி.    “மன்னரின் கேள்விக்கான சரியான விளக்கத்தை அறிஞர்கள் மட்டுமல்லாமல் மக்களும் அளிக்கலாம். அனைவரையும் மகிழ்விக்கும் பொருளை அரண்மனையில் இருக்கும் கொலுமண்டபத்தில் வைத்து விடுங்கள், யாருடைய பொருள் அரசருடைய சந்தேகத்திற்கு சரியான விடை தருகிறதோ அவருக்கு ஆயிரம் பொற்காசுகள் பரிசு.” என அறிவிக்கப்பட்டது. மக்களும் யோசித்து, அவர்களுக்கு தெரிந்து மகிழ்ச்சியை தரும் பொருட்கள் எவையோ அவற்றை கொண்டு வந்து அரண்மனை கொலு மண்டபத்தில் வைத்துவிட்டு ஆயிரம் பொற்காசுகள் பரிசுக்காக காத்திருந்தார்கள். மறுநாள், மன்னர் ராஜராஜ சோழர் கொலு மண்டபத்திற்கு வந்து பார்த்தார். மக்கள் வைத்த பொருட்கள் மண்டபத்தில் நிரம்பி இருந்தது. ஒவ்வொரு பொருட்களாக அரசர் பார்த்துக் கொண்டே வந்தார். முதலில், சிறிய அளவு பொன் இருந்தது. அதன் கீழே, “செல்வமே மகிழ்ச்சி தரக்கூடியது” என எழுதப்பட்டிருந்தது. ஆனால், “செல்வந்தர்களுக்கும், நோயாளிகளுக்கும் செல்வம் எப்படி மகிழ்ச்சியை தரும்?” அதனால் இது சரியான விளக்கம் அல்ல.” என அதை நிராகரித்தார் மன்னர். அடுத்ததாக, இசை கருவி இருந்தது. அதன் கீழே, “இசையே மகிழ்ச்சி தரக்கூடியது” என எழுதப்பட்டிருந்தது. ஆனால், “காது கேட்காதவர்களுக்கு இந்த இசை எப்படி மகிழ்ச்சியை தர முடியும்? இதையும் ஏற்றுக்கொள்ள முடியாது.” என நிராகரித்தார். அடுத்து, அழகான மலர்கள் இருந்தன. “இவை, கண் தெரியாதவர்களுக்கு எப்படி மகிழ்ச்சியை தர முடியும்?. அதனால் இதையும் ஏற்றுக்கொள்ள முடியாது” அடுத்து, இனிப்பான பலகாரங்கள் இருந்தது. “நோயாளிகளுக்கு  எப்படி இனிப்பு மகிழ்ச்சியை தரும்?” என்று கூறி அதனையும் நிராகரித்த மன்னர் இராஜராஜ சோழர், அடுத்தாக ஒரு பெரிய சிவலிங்கத்தின் அருகில் வந்தார். அந்த சிவலிங்கத்தின் கீழே ஒரு சிற்பம். அதில் ஒரு தாய், பசியில் இருக்கும் ஒரு சிறுவனுக்கு உணவு தருவது போல அந்த சிற்பம் வடிவமைக்கப்பட்டிருந்தது. அந்த சிற்பத்தின் கீழே “அன்பே சிவம்” என்று எழுதப்பட்டிருந்தது. இந்த சிலையை வைத்த சிற்பியை அழைத்து வாருங்கள் என்றார் மன்னர். வறுமை தின்ற உடலுடன் ஒரு ஏழை சிற்பி, மன்னரின் முன் அழைத்து வரப்பட்டார். “நீங்கள்தான் இந்த சிலையை இங்கு வைத்தீரா? இதன் பொருள் என்ன என்பதை விளக்கமாக சொல்லுங்கள்.” என்றார் மன்னர் அந்த சிற்பியிடம். “அரசே நான் ஒரு சிற்பி, இந்த சிலையை வடிவமைத்தது அடியேன்தான். சிவலிங்கத்தின் கீழே ஒரு பெண்மணி அன்போடு ஒரு சிறுவனுக்கு உணவு தருகிறாள். இந்த உலகில் அன்பை மட்டும்தான், கண் தெரியாதவர்ளும், காது கேட்காதவர்களும், வாய் பேச முடியாதவர்களும் உணர முடியும். அதேபோல் உடல்நலம் இல்லாதவர்களும் அன்பைதான் எதிர்பார்க்கிறார்கள். அன்பு மட்டுமே உலகில் சிறந்தது. அன்பிருந்தால் எதிரியையும் நண்பனாக்கும். அன்பு இல்லையெனில் நண்பனையும் எதிரியாக்கும். உலகில் சிறந்ததும், அனைத்து ஜீவராசிகளுக்கும் மகிழ்ச்சியை தரக்கூடியதும்  அன்பு. அன்புதான் இறைவன். அதனால்தான் சிவலிங்கத்தின் கீழே தாயன்பு கொண்ட ஒரு பெண்மணியை வடிவமைத்து, ”அன்பே சிவம்” என்று எழுதி வைத்தேன்.” என விளக்கினார் சிற்பி. இதை கேட்ட அரசர் மிகவும் மகிழ்ந்தார். “உலகத்திலேயே அனைவருக்கும் மகிழ்ச்சி தரக்கூடியது எது என்ற  என் சந்தேகத்திற்கு அற்புதமான விளக்கம். நீங்கள் ஒரு சிற்பி என்பதால் நான் கட்டும் தஞ்சை கோவிலுக்கு நீங்களே சிற்ப வேலையை செய்யுங்கள்.” என்று கூறி ஆயிரம் பொன்னையும் பரிசாக சிற்பிக்கு தந்து, ஏழை சிற்பியின் வாழ்க்கை தரத்தை உயர்த்தினார் அரசர். அன்புக்கு கட்டுப்படாதவர்கள் இந்த உலகத்தில் யார் இருக்கிறார்கள்?. அன்புதான் அனைத்து ஜீவராசிகளுக்கும் மகிழ்ச்சியை தரக்கூடியது. அன்பே சிவம்.!

அத்தனைக்கும் ஆசைப்படு

அத்தனைக்கும் ஆசைப்படு
 

ஆசை இல்லையெனில் வாழ்க்கையில் முன்னேற்றம் இல்லை. முதலில் ஆசைப்பட வேண்டும். பின்னர் அதனை அடைய முயற்சி செய்ய வேண்டும்.

ஒரு பெண்ணைப் பார்த்து ஆசைப்படுகிறோம். அவளிடம் விருப்பத்தைக்கூற வேண்டும். அவளோடு சேர்ந்து வாழ வேண்டும். அவளை சந்தோஷமாக வைத்துக் காப்பாற்ற வேண்டும். அதற்கு நிறைய சம்பாதிக்க வேண்டும். நன்றாக சம்பாதிக்க நல்ல வேலை வேண்டும். நல்ல வாழ்க்கை அமைய ஆசை.இந்த ஆசையை அடைய நிறைய பணம், முயற்சி எடுப்பதற்கு நேரம், இவை இரண்டும் முக்கியமானவை.

நேரம்

‘நேரம்’ என்பது நமது கையில் உள்ளது என்பதற்கு உதாரணங்களைப் பார்ப்போம். ஒரு ‘Software Engineer’-ஐ எடுத்துக் கொள்வோம்.
காலை 8 மணிக்கு அலாரம் வைத்து 9 மணிக்கு எழுவார். அவசரமாகக் குளித்து, அரைகுறையாகச் சாப்பிட்டும் சாப்பிடாமலும் 10.30 மணிக்கு ஆபீஸிற்குச் செல்வார். மதியம் 3 அல்லது 4 மணிக்கு வேண்டாத எதையாவது சாப்பிடுவார். இரவு 8 மணிக்கு வீடு திரும்புவார். 9 மணிக்கு சாப்பிடுவார் பிறகு 11 மணி வரை டி.வி. அல்லது படம் பார்ப்பார். பிறகு 1 மணிவரை இண்டர்நெட்.

இவர் சரியாக சாப்பிடுவது இல்லை. யாருடனும் சரியாக பேசுவது இல்லை. ஆபிஸ் வேலையே கதி என்று இருப்பார். இதனால் பல உடல் உபாதைகள் ஏற்படுகிறது. நேரமின்மையால் தன்னுடைய மனைவியுடனும், குழந்தையுடனும் நேரம் செலவிட முடிவதில்லை.

இப்படி ஒரு வாழ்க்கை அவசியமா?

ஒரு வருடத்தின் பயனை, அந்த வருடம் தோல்வி அடைந்த மாணவனிடம் கேட்க வேண்டும்.
ஒரு மாதத்தின் பயனை குறை மாதக் குழந்தையைப் பெற்ற தாயிடம் கேட்க வேண்டும்.
ஒரு வாரத்தின் பயனை ஒரு வார இதழின் ஆசிரியரிடம் கேட்க வேண்டும்.
ஒரு மணி நேரத்தின் பயனை காத்திருந்த காதலியிடம் கேட்க வேண்டும்.
ஒரு நிமிடத்தின் பயனை விமானத்தைத் தவறவிட்டவனிடம் கேட்க வேண்டும்.
ஒரு நொடியின் பயனை விபத்தில் உயிர் பிழைத்தவனிடம் கேட்க வேண்டும்.
ஒரு மில்லி செகன்டின் பயனை ஒலிம்பிக்கில் தங்கப் பதக்கத்தை வென்றவனிடம் கேட்க வேண்டும்.

அம்பானிக்கும் ஒரு நாளைக்கு 24 மணி நேரம் தான், டாடாவிற்கும் 24 மணி நேரம்தான், நாட்டின் பிரதமருக்கும் 24 மணிநேரம் தான். ஒரு சிலரால் மட்டும்தான் அவர்களது ஆசையை நிறைவேற்ற முடிகிறது.
அந்த ஒரு சிலர் நேரத்தை சரியாக பயன்படுத்துவதால் அவர்களால் வெற்றி அடைய முடிகிறது.

செந்திலும், அவருடைய மனைவி கீதாவும் இன்று இரவு அவர்களுடைய சொந்த ஊரான கோயமுத்தூருக்குக் கிளம்புகிறார்கள். காலையில் சாப்பிடும்போது கீதா கூறுகிறார், ‘டிக்கெட் இன்டெர்நெட்டில் இருக்கிறது, பிரிண்ட் அவுட் எடுத்துவரவும்’ என்று. அதே சமயம் மேனேஜர் தொலைபேசியில் அழைத்து ‘Promotion Recommendation List’-ஐ, மூன்று நாட்களாக கேட்கிறேன். இன்று கட்டாயம் அனுப்பு’ என்று கூறுகிறார்.

செந்தில் காரில் போகும்போதுதான் ஞாபகம் வருகிறது. Mobile Bill இன்றும் கட்டவில்லை என்று. காரில் சென்று கொண்டிருக்கும்போதே மனைவி கீதா அலைபேசியில் அழைத்துக் கூறுகிறார். குழந்தைக்கு School Fees கட்ட இன்று கடைசிநாள், நான்கு நாட்களுக்கு முன்பே கூறினேனே என்று சொல்கிறாள். இதற்கிடையில் நண்பன் அழைத்து மதியம் வெளியில் சாப்பிடப் போவோம் என்று சொல்கிறான்.
இவை அனைத்தையும் எப்படிச் செய்யப் போகிறோம் என்ற யோசனையில் காரை ஓட்டியதால் Accident நடக்கிறது. கையில் காயம் ஏற்பட்டு ஆஸ்பத்திரியில் சேர்க்கப்படுகிறான் செந்தில்.
இவை அனைத்திற்கும் காரணம் என்ன? செந்தில் தனது நேரத்தைச் சரியான முறையில் கையாளத் தெரியாததால் நடந்தவை.
‘Time Management’ அதாவது நேரத்தை திட்டமிடுதல் என்பது மிகவும் முக்கியம்.

1. அவசியம், அவசரம்
2. அவசியம், அவசரம் இல்லை
3. அவசியம் இல்லை, அவசரம்
4. அவசியம் இல்லை, அவசரம் இல்லை

காரியங்களை மேற்கூரிய நான்கு பிரிவுகளுக்குள் கொண்டு வந்து அதை நிறைவேற்ற வேண்டும்.

உதாரணத்திற்கு, உடம்பு சரியில்லை ஆஸ்பத்திரி செல்ல வேண்டும். வெளியில் கிளம்பும்போது Car Repair, முதலாளி கூறும் அவசர வேலை போன்றவை அவசியமானது, அவசரமானது.

தினமும் உடற்பயிற்சி, குழந்தைகளோடு நேரம் செலவிடுவது, Health Checkup செய்வது, Passport போன்றவை எடுப்பது போன்றவை அவசியமானது, அவரசம் இல்லாதது.

நண்பனிடம் பேசுவது, டி.வி.யில் நல்ல படம் பார்ப்பது, நண்பன் படத்திற்கு டிக்கெட் எடுத்துவிட்டு அழைப்பது போன்றவை அவசரமானது, அவசியமில்லாதது.

டி.வி.யில் சீரியல் பார்ப்பது, ஒரு படத்தை பல தடவை பார்ப்பது, யாரென்றே தெரியாதவர்களிடம் வெட்டி அரட்டை அடிப்பது, பகல் தூக்கம் போன்றவை அவசியமும் இல்லை. அவசரமும் இல்லை.

இதுபோல நம் காரியங்களை அட்டவணைப்படுத்தி எதை முதலில் செய்ய வேண்டும். எதைக் கடைசியாக செய்ய வேண்டும் என்று தீர்மானித்துச் செய்தால் நாம் ஆசைப்பட்டதை சுலபமாக அடையலாம்.
செந்திலின் விசயத்தை எடுத்துக் கொள்ளுங்கள். குழந்தைக்கு Fees கட்டுவது, Mobile Bill கட்டுவது போன்றவை நான்கு நாட்களுக்கு முன்னால் அவசியம், அவசரம் இல்லை என்ற நிலையிலேயே செய்திருந்தால் அது அவசியம், அவசரம் என்ற நிலைக்கு வந்திருக்காது.

மேல் கூறிய அட்டவணைப்படி நம் காரியங்களை செயல்படுத்தினால்,
வெற்றி நிச்சயம், இது வேத சத்தியம்.

மகிழ்வோடு வாழ்வதே என் குறிக்கோள்!

மகிழ்வோடு வாழ்வதே என் குறிக்கோள்!
நமது மகிழ்ச்சிக்கு மாபெரும் தடையாக இருப்பது நமது கடந்த காலம் பற்றிய சிந்தனைகளே! அவற்றை மூட்டையாகக் கட்டி நம் மேல் ஏற்றிக் கொண்டு, இறக்கி வைக்கமுடியாமல் இம்சைக்கு உள்ளாகிறோம்.
 

நண்பர் ஒருவர் நம்மைப் பார்த்துப் புன்னகைக்கும்போதுகூட, 'நேற்று இவர் நம்மிடம் எரிச்சலுடன் நடந்துகொண்டாரே?' என்ற கடந்த கால நினைவு, கதவைத் திறந்துகொண்டு உள்ளே வருகிறது. அவரோடு நம்மால் சகஜமாகப் பழகமுடிவதில்லை. செயற்கையான பிளாஸ்டிக் புன்னகையுடன் மனிதர்கள் வாழ ஆரம்பித்தால், வாழ்க்கை வறண்டு விடும்.

மகிழ்ச்சியுடன் மனிதன் வாழ வேண்டும் என்பதற்காகவே, மறதியை நமக்கு வரமாக அளித்திருக்கிறது இயற்கை.

ஆனால், நினைவாற்றலை மேம்படுத்தும் முயற்சிகளில் அந்த வரத்தைத் தொலைத்துவிட்டு, தேவையானவற்றை வழியவிட்டு, தகுதியற்றவற்றைத் தக்கவைத்துக் கொள்கிறோம். விலங்குகள் எப்போதும் மகிழ்ச்சியுடன் விளையாட காரணம், அவை நிகழ்காலத்தில் மட்டுமே நீடித்திருக்கின்றன. நாம் நம்மைச் சுற்றியுள்ளவர்களிடம் ஏற்படுத்திக்கொள்கிற இணக்கமே, நமது மகிழ்ச்சியை மெருகேற்றுகிறது.

வன்மம் நிறைந்த மனத்துடன் இருப்பவர்கள், மாநகராட்சி குப்பைகளைக் கொட்டும் இடத்தில் இருப்பதைப் போன்ற மனநிலையுடன் இருப்பார்கள்.

சூழலைச் சுகந்தமாக்குபவர்களால் மட்டுமே வாழ்க்கையை வசந்தமாக்கிக் கொள்ளமுடியும். 'நேற்று நம்மிடம் கோபப்பட்ட மனிதன் வேறு; அவனிடம் வருத்தத்தை வரவு வைத்த மனிதன் வேறு' என்கிற புரிதல் வந்தால், மகிழ்ச்சி மட்டுப்படுவ தில்லை. வருத்தம் வரும்போதெல்லாம்,

 உடனே அதை வடிகாலாக்குகிற வாழ்க்கை முறை முன்பு இருந்தது. குடும்பம் அதற்கு வழிவகுத்தது. யாரிடமாவது பகிர்ந்துகொண்டால், நமது சோகங்கள் பஸ்பமாகிவிடும் அனுசரணை இருந்தது. ஆனால், இன்றைய பரபரப்பான வாழ்வில் பகிர்தல் குறைவு. 'உனது சோகம் உன்னுடன்! என்னுடையதை நான் பார்த்துக்கொள்கிறேன்' என்பதே இன்றைக்கு உறவுகளுக்குள் இருக்கும் மேம்போக்கான, மிக மெல்லிய உறவு இழைகள். எப்போது வேண்டுமானாலும் இற்றுப் போகிற நிலையில் ஊசலாடும் உறவுகளில், உண்மை ஊஞ்சலாட மறுக்கிறது. இன்றைக்கு எல்லாக் கதவுகளும் சாத்தப்பட்டே இருக்கின்றன.
 

நமது உலகே சுருங்கிப்போன சூழலில், கடந்த காலத்தை ஊதி ஊதிப் பெரிதாக்கி, இறக்கி வைக்க முடியாமல் தவிக்கின்ற மனநிலையில், ஆனந்தக் குழந்தைகள் ஓடிவரும்போது, அவற்றை அள்ளி எடுத்து அரவணைக்க முடியவில்லை.

நான் படித்த ஒரு சம்பவம் : 

அரண்மனையையட்டி வசித்த பிச்சைக்காரன் ஒருவன், அந்த அரண்மனைக் கதவில் ஒட்டப்பட்டிருந்த அறிவிப்பைக் கண்டான். அதில், மன்னர் விருந்தளிக்கப் போவதாகவும், அரச உடை அணிந்து வருவோர் மட்டுமே அனுமதிக்கப்படுவர் என்றும் குறிப்பிடப்பட்டிருந்தது.

பிச்சைக்காரன், தான் அணிந்திருந்த கந்தல் உடைகளை ஒருமுறை ஏற இறங்கப் பார்த்துக்கொண்டான். நிச்சயமாக அரசரும், அவருடைய குடும்பத்தினரும் மட்டுமே ராஜ உடை உடுத்தியிருக்க முடியும் என எண்ணினான்.

திடீரென அவனுக்குள் ஓர் எண்ணம்... அந்த மாதிரி எண்ணுகிற அளவுக்குத் தனக்குள் ஏற்பட்ட துணிச்சலைப் பற்றி யோசித்த போதே, அவனுக்குள் நடுக்கம் ஏற்பட்டது. இருந்தாலும், தைரியத்தை வரவழைத்துக் கொண்டு, அரண்மனை வாசலை அடைந்தான்.

வாயிற்காவலனிடம், ''ராஜாவைப் பார்க்க வேண்டும்'' என்றான். அந்தக் காவலன், அரசரிடம் அனுமதி வாங்கி வந்தான். உள்ளே வந்த பிச்சைக்காரனிடம், ''என்னைப் பார்க்கவேண்டும் என்றாயாமே?'' என்றார் அரசர். ''ஆமாம்! நீங்கள் அளிக்கும் விருந்தில் கலந்துகொள்ள எனக்கும் ஆசை. ஆனால், என்னிடம் ராஜ உடைகள் இல்லை. என்னை அதிகப்பிரசங்கி என நினைக்காவிட்டால், உங்களது பழைய ஆடையை அளித்து உதவினால், அதனை அணிந்துகொண்டு விருந் துக்கு வருவேன்'' என்றான் மிகவும் பவ்வியமாக.

அதே நேரம், மன்னர் என்ன சொல்வாரோ என நடுங்கியபடி, அவரையே பார்த்துக் கொண்டிருந்தான். ஆனால் மன்னர், அவனுக்கு ராஜ உடை ஒன்றை வழங்கினார். அந்த உடையை உடுத்திக்கொண்டவன், கண்ணாடி முன் நின்று கவனித்தான்; தோற்றத்தில் கம்பீரம் மிளிர்வதைக் கண்டு வியந்தான்!

அப்போது மன்னர் அவனிடம், ''விருந்தில் கலந்து கொள்வதற்குத் தகுதி உடையவனாகி விட்டாய். அதைவிட, முக்கியமான ஒன்று... இனி உனக்கு வேறெந்த உடையும் தேவைப் படாது. உன் ஆயுள் முழுவதும் இந்த உடை அப்படியே இருக்கும். துவைக்கவோ தூய்மைப் படுத்தவோ அவசியம் இருக்காது'' என்றார். கண்ணீர்மல்க, மன்னருக்கு நன்றி கூறி விட்டுக் கிளம்ப யத்தனித்தவன்,

மூலையில் கிடந்த தனது பழைய ஆடைகளைக் கவனித்தான். அவனது மனம் சற்றே சலனப்பட்டது. 'ஒருவேளை, அரசர் கூறியது தவறாக இருந்து, இந்த உடைகள் கிழிந்துவிட்டால்... அப்போது நமக்குப் பழைய உடைகள் தேவைப்படுமே?!' என யோசித்தவன், சட்டெனச் சென்று தன் பழைய உடைகளை வாரிக்கொண்டான்.
 

வீடு வாசல் இல்லாத அவனால் பழைய துணிகளை எங்கேயும் வைக்க முடியவில்லை; எங்கே போனாலும் பழைய ஆடைகளையும் சுமந்தே திரிந்தான். மன்னர் அளித்த இரவு விருந்தையும் அவனால் மகிழ்ச்சியாக ஏற்க முடியவில்லை. அடிக்கடி கீழே விழுந்துவிடும் பழைய துணிகளைச் சேகரிக்கும் மும்முரத்தில், பரிமாறப்பட்ட பதார்த்தங்களைச் சரிவர ருசிக்க முடியவில்லை. அரசர் சொன்னது உண்மை என்பது நாளடைவில் அவனுக்குப் புரிந்தது.

அவர் கொடுத்த ஆடை அழுக்காகவோ, கிழியவோ இல்லை. ஆனாலும், அந்த யாசகனுக்குப் பழைய உடைகள் மீது நாளுக்கு நாள் பிடிப்பு அதிகமானது. மக்களும் அவனது ராஜ உடையைக் கவனிக்காமல், அந்த கந்தல் மூட்டையையே பார்த்தனர். அவனைக் 'கந்தல் பொதி கிழவன்' என்றே அழைத்தனர். இறக்கும் தருணத்தில் இருந்த அவனைப் பார்க்க, அரசர் வந்தார். அவனது தலைமாட்டில் இருந்த கந்தல் மூட்டையைப் பார்த்து, அரசரின் முகம் சோகமாவதைக் கண்டான்.

ஆரம்பத்திலேயே அரசர் சொன்ன செய்தி நினைவுக்கு வந்தது. பழைய துணி மூட்டை, அவனது வாழ்நாளின் மொத்த மகிழ்ச்சியையுமே பறித்து விட்டது. அந்த யாசகனிடம் மட்டுமல்ல, நம் எல்லோரிடமும் அப்படியரு மூட்டை இருக்கிறது.

அதனுள் விரோதம், கோபம், கவலை, சோகம், பகைமை... எனப் பல பெயர்களில் வேண்டாத பொருட்கள் இருக்கின்றன. அவற்றைப் பாதுகாப்பதிலேயே கவனம் செலுத்துவதால், நமது வாழ்வில் வீசுகின்ற மகிழ்ச்சித் தென்றலை நுகர முடியாமல் இருக்கிறோம். நம்முடைய தீராத கோபம், எத்தனை இன்பம் வந்தாலும், அதை ஏற்றுக் கொண்டு ஆனந்தப்பட முடியாமல் செய்துவிடுகிறது.

அரண்மனைகளில்கூட, இன்றும் பலர் பிச்சைக்காரர்களாகவே வாழ்கின்றனர். அனாதை ஆஸ்ரமங்களில் அரசர்களாக வாழ்வோரும் உண்டு.

மனதில் இருக்கிறது மகிழ்ச்சி. வாழ்க்கை தினமும் நமக்கு புதுத் துணிகளை நெய்து தருகிறது. நமக்கோ, பழைய துணிகளில் ஒரு நூலைத் தூக்கி எறியவும் மனமில்லை. நம் வீடுகளில், என்றோ வாங்கிய பல பொருள்கள் நிரம்பி இருக்கின்றன.

அவற்றால் எந்தப் பயனும் இல்லாவிட்டாலும், தூக்கி எறிய மனமில்லை. வீடையே குடோனுக்கு இணையாக மாற்றிக் குடித்தனம் நடத்துபவர்களும் இருக்கின்றனர்.

இல்லத்தை மட்டுமல்ல, உள்ளத்தையும் குடோனாக்கி பழைய சரக்குகளைப் பத்திரப்படுத்தினால், அவற்றின் அழுகல் நாற்றம் உதடுகளின் வழியே சொற்களாகவும் கரங்களின் வழியே செயல்களாகவும் வெளிப்பட்டு வேதனையையே விநியோகிக்கும்; வெளிச்சத்தை வழங்காது.

மகிழ்ச்சியாக இருப்பதற்குக் காரணங்கள் தேவையே இல்லை. மகிழ்ச்சியாக இருப்போம்; அப்போது காரணங்கள், தாமாகத் தோன்றி தோரணங்களாகித் துணை நிற்கும்.

சந்தோஷத்திற்கான 7 ரகசியங்கள்!

சந்தோஷத்திற்கான 7 ரகசியங்கள்! 

இன்றைய நவீன மயமான உலகிற்கேற்றவாறு தன்னை மாற்றிக் கொண்டு வாழ்வதற்கு கற்றுக்கொண்ட மனிதன் அந்த வாழ்க்கையை எவ்வாறு மகிழ்ச்சியாக வாழ்வது என்பதற்கு மட்டும் விடை தேடிக்கொண்டிருக்கிறான்.
இந்த உலகமானது ஒவ்வொரு மனிதனும் சந்தோஷமாக வாழ்வதற்கு படைக்கப்பட்டதே தவிர கவலைப்படுவதற்காக படைக்கப்படவில்லை.

ஆனால் ஒரே மாதிரியான செயல்களாலும், அனுபவங்களாலும் வாழ்க்கை சலிப்படைந்து விடாமல் இருக்க ஒவ்வொரு நாளும் ஒவ்வொரு விதமான அனுபவங்களை உருவாக்கிக் கொள்ளுங்கள்.

•உங்களது அன்றாட நிகழ்வுகளைக்கூட சிற்சில மாறுதல்களுடன் வெவ்வேறு விதமாக பதிவு செய்யுங்கள்.

• எப்பொழுதும் சுறுசுறுப்பாக எதாவது ஒரு செயலைச் செய்து கொண்டிருங்கள். அந்தப் பழக்கம் உங்களை சலிப்படையாமல் இருக்கச் செய்யும்.

• ஒரெ மாதிரியான செயல்கள் உங்களை போரடிக்கச் செய்யாமல் இருக்க இடையிடையே வெவ்வேறு வேலைகளின் பக்கமும் கவனம் செலுத்துங்கள்.

• நகைச்சுவை நிகழ்ச்சிகளை ரசியுங்கள்.

• நகைச்சுவை உணர்வுடன் சந்தோஷமாகப் பேசுங்கள்.

• நல்ல நகைச்சுவைப் புத்தகங்களைப் படித்து மனம் விட்டுச் சிரியுங்கள்.

• மன இறுக்கத்தையும் சோர்வினையும் மாற்றிக்கொள்ளுங்கள். மகிழ்ச்சி உங்கள் வசமாகும்.

உள்ளத்தை பக்குவப்படுத்திக்கொண்டுபொறாமைகளை அறவே ஒழித்தெறிந்து, இருப்பதையும், கிடைத்ததையும் வைத்துஆசைகளை கைவிட்டு வாழ்ந்து கொண்டே போனால் இளமையுடனும், அமைதியுடன் சந்தோசமாய் வாழமுடியும்.

மகிழ்ச்சி… மகிழ்ச்சி… மகிழ்ச்சிக்காகத்தானே?

மகிழ்ச்சி… மகிழ்ச்சி… மகிழ்ச்சிக்காகத்தானே?

மகிழ்ச்சியான வாழ்க்கையை வாழத்தான் அனைவரும் விரும்புகிறோம். கலைகள் முதல் காதல் வரை, சாமி முதல் சாராயம் வரை மனிதன் தேடித் தேடி ஓடுகிறான். ஏன்? மகிழ்ச்சி… மகிழ்ச்சி… மகிழ்ச்சிக்காகத்தானே?

மகிழ்ச்சியான வாழ்க்கை அமைய என்ன செய்வது? நம் சூழலிலும் அன்றாட வாழ்விலும் அது எளிமையாகக் கிடைக்க வழி இருக்கிறதா? நிச்சயம் இருக்கிறது. நம் வாழ்க்கைமுறையில் சிறுசிறு மாற்றங்களைச் செய்தாலே போதும்… மகிழ்ச்சியைப் பரிசாகப் பெற முடியும். ஆனந்தமான வாழ்வே ஆரோக்கியத்தின் ஆணிவேர். இனி மகிழ்ச்சியில் திளைக்க சில மகத்தான வழிமுறைகள்…

ஸ்மைல் ப்ளீஸ்!
புன்னனகைக்கும்போது, முகத்தில் இருக்கும் தசைகள் தளர்வடைகின்றன. மூளையில், எண்டார்பின் (Endorphin) எனும் ஹார்மோன் சுரக்கிறது. இது மன அழுத்தத்தைக் குறைத்து மகிழ்ச்சியைத் தருகிறது.  மூளைக்குச் சந்தோஷமான சூழல் எனும் செய்தியை அனுப்பி, நல்ல மனநிலையை உருவாக்கித் தருகிறது.புன்னகை நிறைந்த முகம், இனிய சூழலை உருவாக்கும் மோன மந்திரம்.

அதிகாலை தரும் ஆனந்தம்!
அதிகாலை, சூரியன் உதயமாகும் நேரத்தில் மாடியில் இருக்கப் பழகிக்கொள்ளுங்கள். அதிகாலை காற்றும் வெளிச்சமும் நல்ல மனநிலையைத் தருபவை. எண்டார்பின் சுரந்து, உங்கள் மனதையும் உடலையும் உற்சாகமாக்கும். ஒரு நாளைக்குத் தேவையான வைட்டமின் டி-யை நம் உடல் எடுத்துக்கொள்ள முடியும். அதிகாலைக் காற்று அந்த நாளையே புத்துணர்ச்சியாக்கும். சோகம், கவலை ஆழ்மனதைத் தாக்காமல் பார்த்துக்கொள்ளும்.

காற்றும் வெளிச்சமும் நிரம்பட்டும்!
இருளான அறையில் இருக்கும்போது, மனத்தளர்ச்சி ஏற்படும். சோகம், கவலை போன்ற எதிர்மறை எண்ணங்கள் உதயமாகும். வெளிச்சமான அறை, பிரகாசமான சித்திரங்கள் வரைந்த அறை, விளக்குகள் ஏற்றப்பட்ட அறைகளில் நேரத்தைச் செலவழிக்கும்போது உற்சாகம் பிறக்கும். அதோடு காற்றோட்டம் நிறைந்த அறையில் இருப்பது மிகவும் முக்கியம். தேவையான ஆக்சிஜன் நமக்குக் கிடைக்கும்போது, கவலைக்கு இடம் இருக்காது.

பணியிடமும் வீடும் இரண்டு கண்கள்!
வேலையையும் வீட்டையும் சம முக்கியத்துவத்துடன் கையாள வேண்டும். இரண்டையும் ஒன்றை ஒன்று பாதிக்காமல் பார்த்துக்கொள்வது நல்லது. அன்றைய வேலையை அன்றைகே முடித்துவிட்டால் தேவையில்லாத டென்ஷன், பதற்றம் ஏற்படாது. வேலையைத் தள்ளிப்போடும்போது, ஏதாவது ஒரு சூழ்நிலை நம்மை சரிவர இயங்க விடாமல் தடை செய்துவிடும்.

ஆரோக்கியமான உறவுகள்!
‘எனக்கு இவர்களைப் பிடிக்காது; இவர்களைக் கண்டாலே ஆகாது’ எனப் பல முரண்பாடுகளை மனதில் வைத்திருப்போம். இதையெல்லாம் ஒருபுறம் தள்ளிவைத்துவிட்டு, யாராக இருந்தாலும் சின்னப் புன்னகை புரிந்து, ஒரு வணக்கம் சொல்லி வருவது நல்ல உறவுக்கான அடித்தளம். குடும்பத்துடன் தினமும் ஒரு வேளையும்,   நண்பர்களுடன் வாரம் ஒருநாளும் உணவைச் சேர்ந்து சாப்பிடுவது, உரையாடுவது போன்ற பழக்கங்களைக் கட்டாயமாக்குங்கள். ஒவ்வொரு மனிதருக்கும் தேவைப்படும் எனர்ஜி பூஸ்டர் இதுதான்.

இசையோடு இணைவோம்!
இசை ஓர் அற்புதமான ‘மூட் எலிவேட்டர்’. உணர்வை மேம்படுத்தும் டானிக்கும் இதுவே. ஒவ்வொருவரின் விருப்பத்தைப் பொறுத்து அவர்களுக்கான இசை வகைகள் மாறுபடும். திரை இசை, மெல்லிசை, கர்நாடக சங்கீதம் என மனதை மயக்கும் பாடல்களை அரை மணி நேராமாவது கேட்டு ரசியுங்கள். நீங்கள் பாத்ரூம் சிங்கராகவும் மாறலாம். உங்களை நீங்களே புதுப்பித்துக்கொள்ள இசைக்கு முதல் இடம் கொடுங்கள். இசை உங்களை மாற்றும் திசையாக இருப்பின், மனத்தளர்ச்சி, அழுத்தம் போன்றவை வலுவிழப்பது உறுதி.

சிரிப்பு டானிக்!
நகைச்சுவையான டி.வி நிகழ்ச்சிகள்,  வீடியோக்களை தினமும் 45 நிமிடங்களுக்கு ரசிப்பது நல்லது. இது ஒரு வகையில் ‘ஸ்ட்ரெஸ் ரிலீஃபிங் பயிற்சி’. தசைகள் ஓய்வாக இருக்கும். டென்ஷன், மன அழுத்தம் பறந்து போகும். எதிர்ப்புத்திறன் செல்களை அதிகப்படுத்தும். ‘கார்டிசோல்’ போன்ற ஸ்ட்ரெஸ் ஹார்மோன் அளவு குறைந்து, உடலுக்கு நலம் சேர்க்கும். சீரான ரத்தஓட்டம் நிகழ்ந்து, இதயம் ஆரோக்கியம் பெறும். குறைந்தது 20 நிமிடங்களுக்காவது நகைச்சுவைக் காட்சிகளைக் கண்டு, வாய்விட்டு சிரிப்பது நல்ல மனநிலைக்குக் கொண்டுசெல்லும்.

உடற்பயிற்சி தரும் உற்சாகம்!
உடற்பயிற்சி செய்யும்போது எண்ணங்கள் சிதறாமல், உடலின் மீது கவனம் குவிக்கப்படுவதால், மனம் அமைதி அடைகிறது. அந்த நேரத்தில் எண்டார்பின் சுரப்பு நடைபெற்று, உடல் உறுதியாகிறது. இதனுடன், யோகா, தியானம் செய்வதால் கூடுதல் பலன்களைப் பெற முடியும்.

நேர்மறை எண்ணங்கள்… வெற்றியின் வாசல்!
எந்த நிகழ்விலும் அதில் இருக்கக்கூடிய நன்மைகளை மட்டுமே எடுத்துக்கொள்வது ‘ஆப்டிமிஸ்டிக்’. இந்தக் குணம் நம்மைப் பலப்படுத்தும். பல மைல்கற்களை எளிதாகக் கடக்கவைக்கும். தோல்வியில்கூட நன்மையைக் கண்டுபிடித்து, அடுத்த முயற்சியில் ஈடுபடும் பக்குவம், மகிழ்ச்சியான வாழ்க்கைக்கு அடிப்படை. ‘எல்லாம் நன்மைக்கே’ எனக் கடந்து போகும்போது, கவலையை மறக்கும் வாய்ப்புகள் அதிகமாகும்.

நறுமணங்கள் தரும் நற்பயன்கள்!
மனதுக்கு இனிய நறுமணங்களை முகர்தலும் நல்ல தெரப்பியே. மனம், உடல் இரண்டும் ஒரே சமயம் புத்துணர்வு பெற நறுமணங்கள் உதவும். லாவண்டர், வெனிலா போன்றவை மனநிலையை ஊக்கப்படுத்தும். உணவு, தூக்கம், குளியல், ஓய்வு  நேரங்களில் நறுமணங்களை முகர்வது மகிழ்ச்சியான உணர்வை ஏற்படுத்தும். செரடோனின், எண்டார்பின் போன்ற நல்ல ரசாயனங்கள் சுரக்கத் தொடங்கும்.

அழுகை நல்லது!
எந்த உணர்வையும் அடக்கிவைத்தால், பிரச்னைதான். அழுகை வரும்போது அழுதுவிடுவது தவறு இல்லை. இது மனநிலையை அமைதிப்படுத்தும்.  மூளையில் உள்ள ரசாயனங்களை ஒருமுறை ஃப்ளஷ்அவுட் செய்வது போன்ற செயல் நடைபெற்று, உற்சாகமாக இருக்க உடல் தயாராகும். அழுகை ஒரு ரீசெட் பட்டன் போல. நம்மை ஒருமுறை புதுப்பித்துக்கொள்ள முடியும்.

தூக்கம் எனும் ரீசார்ஜ்!
அமைதியான அறையில் ஆழ்ந்து உறங்குவதைப் போன்ற ஒரு வரம் கிடையாது. உடலுக்கான ஓய்வு, மனதுக்கான ஓய்வு இரண்டும் கிடைக்கும். சீரான தூக்கத்தை மேற்கொள்பவர்கள் எந்த நேரமும் ஃபிரெஷ்ஷாக இருப்பார்கள். ஒவ்வொரு நாளின் சுமைகளுக்கும் கொடுக்கும் இளைப்பாறுதல் தூக்கமே. மெலடோனின் என்ற ஹார்மோன் சுரந்து, புற்றுநோய் போன்ற நோய்கள் வராமல் காக்கும் அருமருந்து தூக்கம்.

இயற்கையின் மடியில்…
மாதம் ஒருநாள் இயற்கையுடன் செலவழிக்கலாம். வெறும் கால்களில் புல், தரை, மண், நீர் போன்றவற்றில் நடக்கலாம்; விளையாடலாம். இதனால், உடலில் நியூரோ கெமிக்கல்கள் சுரக்கும். சுற்றுலா செல்ல முடியாதவர்கள் அருகில் இருக்கும் இயற்கையான சூழலில், ஒருநாளில் சிறிது நேரத்்தைச் செலவழிக்கலாம். மாதம் ஒருநாள் மகிழ்ச்சியுடன் இணைவது அனைவருக்கும் சாத்தியமே. மண் மரம், செடி, பறவைகள் எனப் பல்லுயிர் நிறைந்த சூழலில் ஒன்று கூடுங்கள். இயற்கையின் ஒரு பகுதியாக நம்மை உணரும்போது ஏற்படும் ஆனந்தம் அற்புதமானது.

சந்தோசமாக இருக்க சில வழிகள்...

சந்தோசமாக இருக்க சில வழிகள்...

சந்தோஷம்தான் நமது இலக்கு. நாம் செய்யும் செயல்கள் எல்லாம் சந்தோஷத்துக்காகத்தான், வாழ்க்கையை சந்தோஷமாக்கிக் கொள்ள சில விஷயங்களை நாம் கட்டாயம் செய்தாக வேண்டும். தேவையற்ற ஒன்றை சேர்த்திருப்பது அல்லது தேவையான ஒன்று இல்லாமல் இருப்பதே மகிழ்ச்சி குறைப்பாட்டுக்கு காரணமாக இருக்கும். எனவே தேவையானதைத் தேட வேண்டும், தேவையற்றதை தள்ளியாக வேண்டும்.

நிம்மதியான உறக்கம் சந்தோஷமான வாழ்க்கைக்கு முக்கியமான வழி. உடலுக்கு ஆரோக்கியமும், உற்சாகமும் தருவது தூக்கம். எந்தக் காரணத்தைக் கொண்டும் தூக்கத்தை குறைத்துக் கொள்ளக்கூடாது. தூங்கி எழுந்தால் துக்கம் கூட மாறிவிடும்.

குழப்பங்களும் நீங்கிவிடும் அந்த அளவுக்கு நல்ல விஷயங்கள் தூங்கும் நேரத்தில் உடலில் நடைபெறுகிறது. இரைச்சல் இல்லாத, வெளிச்சம் புகாத அமைதியான அறையில் நிம்மதியாக உறங்குங்கள், ஒவ்வொரு நாளும் புத்துணர்ச்சியுடன் எழுவீர்கள், வாழ்வீர்கள் என்பது நிச்சயம்.

வேலையில் மெனக்கெடாதீர் சிலர் வேலை வேலையென்றும், பணம், பணமென்றும் திரிவார்கள். இதனால் மன அழுத்தம்தான் மிஞ்சும். வேலை என்பது வாழ்க்கைக்கு அவசியமான ஒன்றுதான். அது உங்கள் மகிழ்ச்சிக்கு உதவுவதாக இருக்க வேண்டும்.

வேலையில் தொடர்ந்து நெருக்கடி இருந்து வாழ்க்கையை அனுபவிக்க முடியாமல் இருந்தால் அது வேலையல்ல ‘கஷ்டம்’ தினமும் 8மணி நேரம் உழைக்க செலவிட்டால் 8 மணி நேரம் ஆயாசமாக இருங்கள். 8 மணி நேரம் உறங்குங்கள்.

துன்பம் வந்துவிட்டால் எல்லோரும் துவண்டு போய் விடுவார்கள். உலகையே சிரிக்க வைத்த சார்லி சாப்ளின் சந்திக்காத துன்பமே இல்லை. அவரிடம் ஒருமுறை, ‘நீங்கள் இவ்வளவு துன்பத்துக்கிடையிலும் பெருமளவு சாதித்திருக்கிaர்களே எப்படி?’ என்று கேட்டார்கள்.

அப்போது அவர் ‘எந்த துன்பமும் மாறிவிடும்’ என்று பதிலளித்தார். அதுதான் நிஜயம் எல்லாமே மாறிக் கொண்டிருக்கிறது என்பதுதான் இயல்பு வாழ்வில் இன்பம், துன்பம் எல்லாம் மாறிமாறி வரும் பணமும், புகழும் அப்படித்தான்.

தேவையை நிறைவேற்றிக் கொள்ள நீங்களே களம் இறங்குங்கள். உதாரணமாக உங்களுக்கு தேவையானதை மற்றவர்களிடம் சொல்லி வாங்கிவரச் சொல்ல வேண்டாம். இப்படிச் செய்வது சுலபம் என்று பலரும் எண்ணுவது உண்டு. ஆனால் அவர்கள் வாங்கி வந்த பிறகு அதில் குறைகள் இருந்தால் உங்களுக்குத்தான் இழப்பு.

அதற்காக கோபப்பட்டால் உங்கள் உறவும் கூட பாதிக்கும். எனவே உங்கள் தேவையை நிறைவேற்ற நீங்களே செயல்படுங்கள். விரும்பியதை வாங்குங்கள், செய்யுங்கள், சாப்பிடுங்கள் மகிழ்ச்சி என்றும் நிலைக்கும்.

வற்புறுத்தலுக்கு இணங்க வேண்டாம். நண்பகர்களுடன் கலந்து கொள்ளும் விழாக்களில் மதுப்பழக்கத்தை கற்றவர்கள்தான் ஏராளம். உங்கள் நண்பர்களும் அதுபோல ‘சும்மா சாப்பிடு’ என்று கூறி வற்புறுத்தலாம். ‘வா சினிமாவுக்கு போகலாம்’, ‘ஜாலியாக இருக்கலாம்’ என்று உங்கள் நேரத்தை வீணடிக்கலாம்.

எனக்காக இதைச் செய்து கொடு என்று அலைக்ககழிக்கலாம். அவை அனாவிசயம் என்று உங்களுக்குத் தோன்றினால் கண்டிப்பாக மறுத்துவிடுங்கள். அதுதான் உங்கள் மகிழ்ச்சிக்கு உத்தரவாதம்.

உணவுப் பழக்க வழக்கத்தில் ஒழுங்கு முறையை கடைபிடியுங்கள். உணவுக் கட்டுப்பாடு நல்லது. சத்து நிறைந்த உணவை உண்பது உடலுக்கு நலம் சேர்க்கும். கண்டதையும் சாப்பிட்டு உடம்பைக் கெடுத்துக் கொள்ளாதீர்கள். நலமாக இருந்தால் சந்தோஷமாகவும் இருக்கலாம்.

ஒவ்வொரு வேலைக்கும் நேரம் ஒதுக்கி செயல்படுங்கள். அதேபோல இரு வேலைக்கு இடையே சிறிது ஓய்வெடுங்கள். காலை மாலை நேரங்களில் பார்க், பீச்சில் உலாவி வாருங்கள்.

குடும்பத்தினருடனும் நேரம் செலவிடுங்கள். மகிழ்ச்சிக்கும் பாதுகாப்புக்கும்தான் மனிதன் குடும்பமாக வாழ ஆரம்பித்தான். தேவைக்காக மட்டும் சகோதரர்களை நாடுவதும், ஆசைக்காக மட்டும் மனைவியை நாடுவது உங்களின் தரத்தை நீங்களே தாழ்த்திக் கொள்வதாகும்.

உறவுகளிடம் இனிமையாகப் பழகுங்கள். மனைவி, குழந்தைகளை அவ்வப்போது மகிழ்ச்சிப்படுத்துங்கள். சினிமா, சுற்றுலா என்று இன்ப உலா செல்லுங்கள். விளையாட்டு மகிழ்ச்சி என்று சந்தோஷமாக இருங்கள். வாழ்வே வசந்தமாக தோன்றும்.

ஒரு போதும் விரக்தியாக இருக்காதீர்கள். எனக்கேன் இந்த சோதனை, நான் ஏன் இவ்வளவு துன்பப்படுகிறேன், செத்துவிடலாம் போலிருக்கு என்று விரக்தி புலம்பல்களை வெளியிடாதீர்கள். நெருக்கடி வரும் போது சிறிது நேரம் எந்தவித முடிவும் எடுக்காமல் அமைதியாக இருங்கள். காலம் சூழலை மாற்றி நிம்மதியை திரும்பச் செய்யும் என்று நம்புங்கள்.

நெருக்கடி நேரத்தில் பெரியவர்களின் வழிகாட்டுதல்களை பின்பற்றுங்கள். நல்ல புத்தகங்களைப் படியுங்கள். நெருங்கிய நண்பர்களிடம் பேசுங்கள் நகைச்சுவை நிகழ்ச்சிகளை கண்டுகளியுங்கள்.

நல்ல மனம் வாழ்க!

நல்ல மனம் வாழ்க!

* பிறருடைய பசியைப் போக்குவதோடு நமது கடமை முடிந்து விடுவதில்லை. அவர்களின் துன்பத்தையும் களைய முயற்சிக்க வேண்டும்.

* அரிதான மானிட தேகம் எல்லா உயிர்களுக்கும் கிடைப்பதில்லை. இதைப் பாதுகாத்து திடமாக வைத்துக் கொள்வது நம் கடமை

* கற்பனை அனைத்தையும் கடந்தவன் இறைவன். அவனை நம் கற்பனை எல்லைக்குள் கொண்டு வர இயலாது.

* அம்பை ஏவி விட்டவனுக்குப் பதிலாக, அம்பையோ, அம்பு செய்து கொடுத்தவனையோ நொந்து கொள்வதால் ஒருபயனும் இல்லை.

* உத்தமர் தம் உள்ளத்தில் கடவுள் பிரணவ ஒளியாக வீற்றிருப்பார். அவர் எண்ணம், சொல், செயல் அனைத்தும் புனிதமானதாக இருக்கும்.

* பிறர் தயவை நாடாமல் மனிதன் வாழ வேண்டும். தன்னை நாடி வருபவர்களுக்கு அள்ளி வழங்கும் நல்ல மனம் பெற்றிருக்க வேண்டும்.

*ஒருமையுடன் நினது திரு மலரடி நினைக்கேன்ற உத்தமர் தம் உறவு வேண்டும் ,

உள்ளொன்று வைத்து புறம் ஒன்று பேசுவோர் உறவு கலவாமை வேண்டும்

அருட்பெரும் ஜோதி, தனிப்பெரும் கருணை!

– வள்ளலார்

சந்தோஷத்தின் வழி!!!

சந்தோஷத்தின் வழி!!!

ஒருவர் எப்போதுமே மனது கஷ்டத்துடன் வாழ்ந்து வந்தார். ஒரு நேரத்தில் அவரால், மனக்கஷ்டத்தை தாங்க முடியவில்லை.

அதனால் அவர் ஒரு ஜென் துறவியை நாடி, அதற்கான காரணத்தை அறிய வேண்டும் என்று முடிவெடுத்து, துறவியைப் பார்க்க புறப்பட்டார்.

துறவி ஒரு மரத்தின் அடியில் தியானம் செய்து கொண்டிருந்தார். அவரிடம் அருகில் சென்று “குருவே! எனக்கு எப்போதுமே மனம் கஷ்டமாக உள்ளது. அதை எப்படி போக்குவது?” என்று கேட்டார்.

அதற்கு குரு அவரிடம், “ஒவ்வொரு நாளும் காலையில் எழும் போது நீ என்ன நினைப்பாய்?” என்று கேட்டார்.

அதற்கு வந்தவர், “இன்றும் மனம் கஷ்டமாக இருக்குமோ! என்று நினைத்து எழுவேன்” என்றார்.

அப்போது குரு “இது தான் தவறு. நீ உன் மனம் கஷ்டமாக இருப்பதற்கு நீ தான் காரணம்.

காலையில் எழும் போது நான் சந்தோஷமாக இருக்கிறேன் என்று மனதில் நீயாகவே நினைத்தால், கண்டிப்பாக நீ சந்தோஷத்தை உணர்வாய்.

கஷ்டம் என்று நினைத்தால் கஷ்டத்தை தான் உணர்வாய்” என்று கூறினார்.

ஆகவே எதுவுமே, அவரவர் மனநிலையைப் பொறுத்தே உள்ளது என்பதை இந்த கதை நன்கு தெளிவாக கூறுகிறது.

விடியும்பொழுது நல்ல பொழுதாக விடியட்டும் …….

மகிழ்ச்சியான வாழ்க்கைக்கு மிகச் சிறந்த வழி….

மகிழ்ச்சியான வாழ்க்கைக்கு மிகச் சிறந்த வழி….

உண்மையைச் செய்ய முயற்சி செய். அப்பொழுது

உன் தகுதியை உடனே அறிந்து கொள்வாய்.

-கதே

பிறருடைய பழிச்சொல்லுக்கு விடையளிக்க வேண்டுமா?

ஆம் எனில் உன் கடமையைச் செய்துவிட்டு மௌனமாய்

இருந்துவிடு, அதைவிடச் சிறந்த விடை கிடையாது.

-வாஷிங்டன்

செய்து முடிக்கப்பட்ட கடமை, நம்பிக்கைக்குத் தெளிவையும்

உறுதியையும் அளிக்கவல்லது. ஆகவே நம்பிக்கைக்கு பலம்

அளிப்பது கடமையே.

-ட்ரைடன் எட்வர்ட்ஸ்

தீமைகளை விலக்குவது என்பதைக் கடமையாகக்

கொள்ளுதல் நன்மைகளைச் செய்வதற்குச் சமம்.

-காந்தியடிகள்

கடமையைச் செய்ய நேரத்தைக் கடத்தாதே.

அரிய வாய்ப்பு பறந்துவிடும்.

-லாங்ஃபெல்லோ

கடமை ஆற்றும்போது குறுக்கிடும் உன் விருப்பத்தைக்

கூடத் தியாகம் செய்.

-எச். மூர்

சிறு கடமையில் கூடக் கருத்தாயிருத்தல் மகிழ்ச்சியான

வாழ்க்கைக்கு மிகச் சிறந்த வழி.

-ஃபேபர்

கடமைகளை எந்த ஓர் ஆணும், பெண்ணும் தேர்ந்தெடுக்க

முடியாது. ஏனெனில் அவர்களால் அவர்களது தாய் தந்தையரையும்

தேர்ந்தெடுக்க முடியாது.

-ஜி.எலியட்

நம்மால் புறக்கணிக்கப்படும் ஒவ்வொரு கடமையும் நாம்

தெரிந்துகொள்ளத் தவறிய ஓர் உண்மையைப் புலப்படுத்தும்.

-ரஸ்கின்

உன் முன் தோன்றும் முதல் கடமையை உடனே செய்.

அடுத்து நீ செய்ய வேண்டிய கடமை உனக்குத் தெளிவாகப்

புலப்படும்.

-கார்லைல்

மகிழ்ச்சிக்கு 8

மகிழ்ச்சிக்கு 8

உங்களின் வேலை, `வீட்டு பக்கம்’ பாதிப்பை ஏற்படுத்துகிறதா? அப்படியானால் நீங்கள் மனபூர்வ மாக நேசிக்கும் விஷயங்களுக்கு அதிக நேரம் ஒதுக்க ஆரம்பிங்கள். அது உங்களுக்கு புத்துயிர்பையும், புத்துணர்வையும் ஊட்டும். வாழ்க் கையில் எது முக்கியம், எது உங்களின் நேரத்தையும், சக்தியையும் உறிஞ்சுகிறது என்று பிரித்து பார்த்து, முக்கிய மானவற்றில் அதிக கவனம் செலுத்த கற்றுக் கொள்ளுங் கள். அதன்பின், அலுப்பூட்டும் வாழ் க்கை ஆனந்தமய மாக மாறிவிடும்.

நீங்கள் கவனம் செலுத்த வேண்டிய விஷயங்கள் இங்கே…

1.சரியான சாப்பாட்டு நேரம்

ஒழுங்கற்ற உணவு வேளைகள் உங்களின் ஆரோக்கியத்தை பாதிக்கும். தினமும் ஒரே குறிப்பிட்ட நேரத்தில் சாப்பிட முயலுங்கள்.

2.போதுமான உறக்கம்

தினசரி உங்களுக்கு எவ்வளவு நேர உறக்கம் தே வை என்று வரையறுத்துக் கொள்ளுங்கள். அந்த அளவின்படி தினமும் இரவு தூங்க முயலுங்கள்.

3.தூய்மை நேரம்

தினமும் நன்றாகக் குளிப்பதற்கு, புனித நீராடுவதற்கு, அழகு நிலையம் செல்வதற்கு, `மசாஜ் தெரபிகள்’ மேற்கொள்வதற்கு, இவை போன்ற தூய்மை பணிகளுக்கு திட்டமிட்டு நேரம் ஒதுக் குங்கள்.

4.அன்றாட வேலைகள்

அன்றாட சின்னச்சின்ன வேலைகள் தவிர்க்க முடி யாதவை. ஆனால் உங்களின் பணி அட்டவணையை பாதிக்காத வகையில் அவை `அட்ஜஸ்ட்’ செய்யபட வேண்டும்.

5.உங்கள் விருப்பத்துக்கு…

நீங்கள் ரசித்து அனுபவிக்கும் விஷயத்துக்கு வாரம் ஒரு மாலை வேளையையாவது ஒதுக்குங்கள். அப்போது செல்போனை அணைத்து விடுங்கள், கம்ப்யூட்டர் உறங்கட்டும். நீங்கள் உங்களுக்கு பிரியமான விஷயத்திலேயே ழுழ்கி போய் விடுங்கள்.

6.ஆதரவுக் கரங்கள்

நீங்கள் நெருக்கடிக்கு உள்ளாகும்போது உங்களுக்கு ஆதரவாக இருக்கும் வகையில் ஒன்றிரண்டு பேராவது இருக்கட்டும். அவர்கள், தேவைப்படும்போது உதவி செய்யும் உறவினர் களாக இருக்கலாம், நீங்கள் வெளியூர் செல்லும் போது வீட்டைக் கவனித்துக்கொள்ளும் அண்டை வீட்டாராக இருக்கலாம்.

7.தனிப்பட்ட நேரம்

உங்களுக்கும், உங்கள் குடும்பத்துக்குமான தனிபட்ட நேரத்துக்கு முக்கியத்துவமும், மதிப்பும் அளியுங்கள். அந்த நேரத்தில் வேறு வேலைகளோ, திசைதிருப்பும் விஷயங்களோ குறுக்கிட அனுமதிக்காதீர்கள்.

8.இந்தக் கணம் முக்கியம்

நீங்கள் அலுவலக வேலை பார்க்கிறீர்கள் என் றால், அந்நேரத்தில் அந்த மனநிலைக்கு மாறி விடுங்கள். அலுவலகத்தில் இருக்கும்போது வீட்டை பற்றியோ, வீட்டில் இருக்கும்போது அலுவலகத்தை பற்றியோ சிந்திக்கக் கூடாது.

மகிழ்ச்சி நமக்கு எங்கே இருக்கிறது?

மகிழ்ச்சி நமக்கு எங்கே இருக்கிறது?

ஒன்றை இழந்துதான் மற்றொன்றை பெற வேண்டும். தன்னுடைய இளம்பருவத்தை வறுமையில் கழித்தவர்கள் வசதிக்காக ஏங்குகிறார்கள். எந்த பணம் அவர்களைத் துன்பத்திலும், சோதனையிலும் தவிக்கவிட்டு வேடிக்கை பார்த்ததோ, அந்த பணத்தை திகட்டுமளவு சம்பாதிக்கும் ஆசை அவர்களுக்கு வந்து விடுகிறது. தங்கள் தூக்கத்தை இழந்து, ஓய்வை இழந்து, பல இனிய அனுபவங்களை இழந்து பணத்தை குவிக்கிறார்கள்.

எண்ணம் சக்தி வாய்ந்தது. ஆயுதத்தை விட மதிப்பு மிக்கது. எண்ணத்தில் இருந்தே செயலுக்கான தூண்டுதலை நாம் பெறுகிறோம். நல்ல எண்ணங்கள், நல்ல விளைவுகளைம், தீய எண்ணங்கள் தீய விளைவுகளையும் தத்தம் செயலின் வழியே கொண்டிருக்கும். எண்ணமே வாழ்க்கையை

வடிவமைக்கிறது.பணத்தின் மீது விருப்பம் இருக்கலாம், ஆசை இருக்கலாம். ஆனால் அதுவே வெறியாகி விடக் கூடாது.

நீங்கள் எதை வேண்டுமானாலும் அடுத்தவர் தலையில் கட்டிவிட முடியும். ஆனால் உங்கள் கவலையை அவர்கள் மீது சுமத்த முடியாது.

மனிதர்கள் இரண்டு வகை. எதற்குமே கவலை படாதவர்கள், எடுத்ததற்கெல்லாம் கவலைபடுகிறவர்கள் என இரண்டு வகை. நியாயமான கவலைகள் மனித இயல்பு. நேற்று வரை தொலைந்து போன பணத்துக்காகக் கவலைபடுவதும், அடுத்து தொலைத்ததை விட பணக்கார உறவினர் முலமாக அதிகபணம் ஈட்டிவிட முடிமா என்ற எதிர்பார்ப்பதும் எப்படி நியாயமான கவலையாகும்?

வாங்கிய கடனை எப்படிக் கொடுப்பது? கொடுத்த கடன் திரும்ப வருமா? பைக்கில் சென்ற கணவன் பத்திரமாக வீடு திரும்புவானா? இப்படி கணக்கில்லாத கவலைகளும் சிலருக்கு எட்டிபார்க்கும்.

கவலைகள் காளான்களாய் முளைக்கும். விட்டு வைத்தால் மலையாக மாறி நம்மை மலைக்கச் செய்யும்.

அனாவசியக் கவலைகளுக்கு இடமளிக்க வேண்டாம். அவை உங்கள் கனவுகளின் வண்ணங்களை இழக்கச் செய்யும். கவலை உங்களுடைய ஊக்கத்தை நலியச் செய்து விடும். ஊக்கத்தை இழந்தால் நீங்கள் வெற்றியில் இருந்து வெகுதூரம் விலகி நிற்கும்படியாகி விடும்.

இதை புரிந்து கொள்கிறவரை வாழ்க்கையில் உண்மையான எதிர்பார்ப்பு மற்றும் திருப்தி எது என்பதை நாம் உணர முடிவதில்லை.

நமக்கு மகிழ்ச்சி என்பது பொருட்களில் இல்லை. அவற்றை பெறுவதில் இருக்கிறது. அதனால் தான் நாம் கடைகடையாக ஏறி, நமக்கு பிடித்தமானதை வாங்குகிறோம். மகிழ்ச்சி எங்கெல்லாம் இருக்கிறது? ஒலிக்கின்ற அருவியில், உலவுகின்ற காற்றில், அழகு பூக்களில், கவலை சிறிதுமில்லாத குழந்தையின் முகத்தில்… இப்படி எண்ணற்ற இடங்களில் மகிழ்ச்சி பரவிக் கிடக்கிறது.

சவால் என்பது சாதாரணமல்ல… ஒரு சவாலை நீங்கள் எதிர்கொள்கிற போது அது உள்ளடக்கிய அநேக பிரச்சினைகளையும் எதிர்கொள்ள வேண்டியிருக்கிறது. சவால்கள் வளர்ச்சிக்கு அவசியம். அவற்றை வெல்கிறபோது நீங்கள் வளர்ச்சி அடைகிறீர்கள் என்று அர்த்தம்..

நம்முடைய ஆற்றலை உறுதியான முறையில் பயன்படுத்துகிறபோது, நமது வாழ்விலும் அற்புதங்கள் நிகழும்.

ங்கள் எப்படி சிந்திக்கிறீர்கள், எப்படி உணர்கிறீர்கள், நம்புகிறீர்கள் என்பதை பொறுத்தே உங்களுடைய வெற்றி நிர்ணயிக்கபடுகிறது. உங்களுடைய வழக்கமான சிந்திக்கும் முறைதான் வெற்றி அல்லது தோல்விக்கான விதையை உங்கள் மனதில் ஊன்றுகிறது.

வாழ்க்கையில் வளர்ச்சி ஏற்படுவதற்கு, உங்களுக்குள் ஏராளமான திறன்கள் காத்திருக்கின்றன என்றாலும் அதை கண்டுகொள்ள வேண்டும், அதை கருத்தாய் வளர்க்க வேண்டும். நம்முடைய திறமையைக் கொண்டு பல உன்னதங்களை நாம் நிகழ்த்த முடியும் என்று நம்புங்கள்.

எதுவுமே இல்லாதிருப்பதை விட ஏதாவது ஒன்றை பெற்றிருபது மேலானது என்பார்கள். நம்பிக்கை என்பது விரும்பிய விதத்தில் எண்ணமிடுவது அல்ல, ஒன்றைத் திடமாக நம்புவது.

ஒரு எண்ணத்தை, ஒரு திட்டத்தை, ஒரு செயலால் உங்களால் உருவாக்க முடியும். பின்னணியில் வலுவான நம்பிக்கை இருந்தால் எதுவும் சாத்தியம்.

ஒரு விதையளவு நம்பிக்கை இருந்தால் போதும். சிறிய விதைதான்… ஆனால் அது விதைக்கபட்டு விடுகிறபோது… அது செல்வத்தையும், ஆரோக்கியத்தையும், மகிழ்ச்சியைம் கொண்டுவந்து விடுகிறது.

மற்றவர்கள் உங்களை விரும்பசெய்வது எப்படி?

மற்றவர்கள் உங்களை விரும்பசெய்வது எப்படி?

இந்த உலகத்தில் வெற்றி பெற்றவர்களின் சுய சரிதையை படித்தோம் என்றால் அவர்களிடத்தில் ego என்ற குணமே இருக்காது. தன்னை விட வயதில் சிறியவர்களாக இருந்தாலும் சரி அல்லது வயதில் பெரியவர்களாக இருந்தாலும் சரி உரியவர்களுக்கு உரிய மரியாதை தருவதில் தயங்கமாட்டார்கள்.

"நிலை உயரும் போது பணிவு கொண்டால் உயிர்கள் உன்னை வணங்கும்

உண்மை என்பது அன்பாகும் ‍ பெரும் பணிவு என்பது பண்பாகும்" என்ற  பழைய திரைப்பட பாடலுக்கு ஏற்ப ஒருவர் தன்னை மாற்றி கொள்ள வேண்டும்.    

தற்பெருமை என்பது ஒருவரை மற்றவர்கள் அருவருக்க செய்து விடும். தற்பெருமை பேசும் ஒருவரை கண்டாலே தலை தெறிக்க ஓடி விடுவார்கள். சிலர் பார்த்தீர்கள் என்றால் வாயை திறந்தாலே தன்னை பற்றியே பேசி கொண்டு இருப்பார்கள். எதிரில் உட்கார்ந்து இருப்பவர் நெளிந்து கொண்டு இருப்பதை கூட புரிந்து கொள்ளாமால் அவர் பாட்டுக்கு தன்னுடைய சுய புராணத்தை பாடி கொண்டு இருப்பார். தற்பெருமை பேசும் ஒருவரை மற்றவர்கள் விரும்ப மாட்டார்கள்.

தெரியாத விஷயத்தை அடக்கத்துடன் தெரிந்து கொள்ளுங்கள். வயது வித்தியாசம் பார்க்காதீர்கள். இவன் என்ன பெரிய ஆள் இவனிடம் நாம் ஏன் தெரிந்து கொள்ளவேண்டும் என நினைக்காதீர்கள். உங்களது அடக்கம் மற்றவர்கள் உங்களை நேசிக்க செய்யும்.

மற்றவர்களிடம் பழகும்போது எந்த வித சுய நலத்துடனும் பழகாதீர்கள். பின்னால் உங்களுக்கு ஆகவேண்டிய காரியத்திற்காக மற்றவர்களிடம் போலியாக பழகாதீர்கள்.

சுயநலமில்லாத உங்களது பழக்கம் மற்றவர்களிடத்து  உங்களை பெரிதும் விரும்பசெய்யும்.

நட்புக்கு முக்கியத்துவம் கொடுங்கள். கள்ளம் கபடமில்லாத நட்புடன் பழகுங்கள். அதே சமயத்தில் உங்கள் நட்பை மற்றவர்கள் அவர்களுடைய சுயநலத்திற்காக பயன் படுத்த நினைக்கும்போது நாசூக்காக அந்த நட்பை அவர்கள் மனம் கோணாதபடி ஒதுங்கி கொள்ளுங்கள்.

நல்லவர்களுடைய நட்பு கிடைக்கும்போது உங்கள் நட்பு கிடைத்தமைக்கு அவர்கள் பெருமை படும்படி உங்கள் பழக்க வழக்கங்கள் எந்த வித சுயநலமும் இல்லாமல் இருக்க பார்த்து கொள்ளுங்கள்.

உங்களிடம் உள்ள சில பிடிக்காத குணங்களை தவிர்த்து விடுங்கள். உதாரணமாக கோபம்,

ego போன்றவற்றை அடியோடு ஒழித்து விடுங்கள். ஏனென்றால் கோபம், ego போன்ற மனப்பான்மை உள்ளவர்களை பொதுவாக மற்றவர்கள் நேசிக்கமாட்டர்கள். பல நல்லவர்களின் நடப்பை இது போன்ற குணங்கள் இருந்தால் நீங்கள் இழக்க வேண்டி வரும்.

எல்லோரையும் விரும்ப கற்று கொள்ளுங்கள். யாரையும் வெறுக்க கூடாது. மற்றவர்களிடம் உங்களுக்கு பிடிக்க தகாத விசயங்கள் இருந்தால் அவர்கள் மாற்றி கொள்ளும் மன நிலையில் இல்லாமல் இருந்தால், அவர்கள் மனம் புண்படாதபடி நாசூக்காக ஒதுங்கி கொள்ளுங்கள்.

மற்றவர்களை மனம் திறந்து பாராட்ட கற்று கொள்ளுங்கள். உங்களிடம் ஒருவர் பேசும்போது அவருடைய பேச்சில் தெரியும் நல்ல பண்புகளை செயல்களை குணங்களை

மனம் திறந்து பாராட்டுங்கள். உங்கள் பாராட்டின் மூலமாக ஒருவருக்கு அங்கீகாரம் கிடைக்கின்றபோது அவர் உங்களை பன்மடங்கு விரும்புவார்.

மற்றவர்களின் துன்பத்திலும் துக்கத்திலும் பங்கு கொண்டு அவர்களுக்கு ஆறுதல் வார்த்தை கூறுங்கள். உங்களுடைய ஆறுதல் வார்த்தைகள் உங்களைப்பற்றி ஒரு உயர்வான எண்ணம் அவர் மனதில் எப்போதும் நிலைத்து இருக்கும்.

சரி, மேலே கூறிய பண்புகளை மற்றவர்கள் விரும்ப வேண்டும் என்றால் கடை பிடிக்க முடியுமா?

சற்று சந்தேகம்தான். ஏனென்றால் ஒவ்வொருவருடைய வேலை, தொழில், குடும்ப சூழ்நிலை போன்ற காரணங்களினால் நல்ல பண்புகளாக இருந்தாலும் கடை பிடிக்க முடியாத சூழ்நிலை இருக்கும். அதனால் மற்றவர்கள் வெறுக்கும் நிலையிலோ அல்லது விரும்பாத சூழ்நிலையோ இருக்கலாம்.

அப்படி என்றால் இதற்க்கு என்னதான் தீர்வு? உங்கள் மனதுதான் அதற்கு சரியான தீர்வு அல்லது வழியை காட்டும். உங்கள் மனது சரியான தீர்வு அல்லது வழியை கட்ட தியானத்தின் துணையை நாடலாம்.

தியானம் பழகும்போது நட்பு மனப்பான்மை பெருகும். நட்பு மனப்பான்மை பெருகுகின்ற போது மற்றவர்கள் உங்களை அதிகம் நேசிக்க தொடங்கி விடுவார்கள். தியானத்தின் மூலம் interpersonal relationship அதிக அளவில் வளர்கின்றது என பல ஆராய்சிகள் தெரிவிக்கின்றன. தியானத்தின் மூலம் கோபம், ego, கள்ளம், கபடம், சூது, வாது போன்ற செய்கைகள், எண்ணங்கள் களைய படுகின்றன. சூது, வாது, கபடம் இல்லாத ஒருவரை பொதுவாக எல்லோருமே விரும்புவர்.

அதே போன்று உண்மையான நட்பு எது, பொய்மையான நட்பு எது, என்பதை மற்றவர்களை பார்த்த உடனேயே எடை போடசெய்யும் சக்தியும்  தியானத்திற்கு உண்டு. அதனால் போலியான நட்பு கொண்டவர்களை சுலபமாக அடையாளம் காண செய்யும் சக்தி தியானத்திற்கு உண்டு. 

எனவே ஒருவருடைய மனதை புண்படுத்தாத, நல்ல குணங்கள் உங்களையும் அறியாமல் உங்களிடம் குடியிருக்கும்போது மற்றவர்கள் உங்களை அதிகம் விரும்புவார்கள் என்பதில் சந்தேகம் இல்லை. 

உங்கள் மனதை சந்தோசமாக வைத்து இருப்பது எப்படி?

உங்கள் மனதை சந்தோசமாக வைத்து இருப்பது எப்படி?

மனிதர்களுக்கு பெரும்பாலும் சந்தோசத்தை கொடுப்பது 

அவர்கள் மனது சந்தோசமாக இருக்கும் போதுதான். 

அந்த சந்தோசம் என்பது அவர்கள் நினைக்கும் நினைப்பை 

பொறுத்துதான்.

ஒரு காரியத்தில் ஈடுபடும்போது அந்த காரியத்தில் 

வெற்றி கிட்டுவது போல் நினைக்க வேண்டும். 

வெற்றி அடைவது போல் உங்கள் மனத்திரையில் 

காண வேண்டும். 

வெற்றி அடைவதை போன்று மனதில் உருவாக படுத்தி 

பார்க்கும்போது தோல்வி அடைந்துவிடுவோம் 

என்ற எண்ணங்கள் உருவாகுவதற்கு அங்கு வாய்ப்பு 

இல்லை. 

வெற்றியடைந்து விடுவோம் என்று உங்கள் மனத்தால் 

நினைக்கும் போது அந்த காரியம் வெற்றி அடைந்து 

விடுவதர்க்குண்டான அணைத்து வழிகளையும் 

உங்கள் மனது ஏற்படுத்தி கொடுத்து விடும். 

உங்கள் மனதை சந்தோசமாக வைத்திருப்பதற்கு 

இன்னும் நிறைய வழிகள் உள்ளன.

ஒரு நாளை துவக்கும் போது உங்கள் மனதில் 

சந்தோசமான நிகழ்சிகளை மட்டும் நிரப்பி வையுங்கள். 

அப்படி செய்யும் போது அந்த நாள் முழுவதும் 

மகிழ்ச்சியுடனும் உற்சாகத்துடனும் இருப்பீர்கள். 

அந்த உற்சாகம் அன்று முழுவதும் நீங்கள் ஈடுபடும் 

காரியங்களில் வெற்றியடைய உதவுகிறது.

மற்றவர்களிடம் பேசும்போது சந்தோசமான 

ஆக்க பூர்வமான (positive speech) விசயங்களை மட்டும் பேசுங்கள். 

அந்த இடத்தில ஒரு மகிழ்சிகரமான சூழ்நிலை உருவாகுவதற்கு 

காரணமாக இருங்கள். அப்போது மற்றவர்களால் நீங்கள் 

வெகு சுலபமாக கவரப்பட்டுவிடுவீர்கள். 

உங்கள் மனத்திரையில் உங்கள் வாழ்க்கையில் நடந்த 

மகிழ்சிகரமான நிகழ்சிகளை படங்களாக மாட்டி வையுங்கள். 

அவை தந்த மகிழ்சிகரமான நினைவுகளை அடிக்கடி 

நினைவு கூர்ந்து உங்கள் காரியங்களில் செயல் படுங்கள். 

வெற்றியும் கிட்டும். மன அமைதியும் கிட்டும். 

உங்களுடைய அன்றாட வேலைகளை போல மனதில் 

அடிக்கடி சந்தோசமான நிகழ்சிகளை நினைப்பதற்கு நேரம் 

ஒதுக்க வேண்டும். அடிக்கடி உங்கள் மனதில் சந்தோசமான 

நிகழ்சிகளை செலுத்தி கொண்டே இருந்தால் உங்களுக்கு 

மன அமைதியும் கிட்டும் அதன் விளைவாக உங்களுடைய 

காரியத்தில் வெற்றியும் கிட்டும். 

ஒரு காரியம் நடக்காது அல்லது தோல்விதான் என்ற 

நினைவு வரும்போது உடனடியாக அதற்க்கு மாற்று மருந்தாக 

நாம் வெற்றியடைய போகிறோம் நமக்கு சாதகமாக 

அந்த காரியம் நடக்கும் என்று எண்ணுங்கள். 

உடனே அந்த தோல்வி எண்ணங்கள் 

இருந்த இடம் தெரியாமல் போய் விடும். உங்கள் காரியமும் 

நிச்சயமாக வெற்றி அடையும். 

எந்த சக்தியாலும் உங்களை தோல்வி அடைய செய்ய முடியாது 

என்று அடிக்கடி எண்ணி கொண்டே இருங்கள். உங்களையும் 

அறியாது உங்கள் மனது எப்போதும் சந்தோசமாகவே இருக்கும். 

என்னதான் நம்முடைய மனதை சந்தோசமாக வைத்துகொள்ள 

நினைத்தாலும் மனம் என்பது ஒரு மாறும் குணமுடைய 

மனித அங்கமாகும். அதனால்தான் மனம் ஒரு குரங்கு என்று 

கூறினார்கள். ஒரு இடத்தில் நிலையாக இருக்காது. 

தியானம் என்னும் அற்புத கலையினால் நம்முடைய 

மனதை நிலையான ஒரு இடத்தில நிறுத்தி மனதை 

எப்போதும் சந்தோசமாக வைத்திருக்கலாம் ...

சந்தோஷத்திற்கு என்ன வழி.

சந்தோஷத்திற்கு என்ன வழி.

வெற்றியை தேட எவ்வளவோ வழிகள் இருக்கிறது ஆனால் சந்தோஷத்தை தேட என்னதான் வழி? அது வெளியில் எங்கும் இல்லை வெளியில் தேடினாலும் கிடைக்காது. அது நமக்குள்தான் இருக்கிறது நமக்குள் இருந்துதான் அது மலர வேண்டும். நம் வாழ்க்கையை சந்தோஷமாக அமைத்துக்கொள்ள ஏதேனும் வழிகள் உண்டா? ஆம் இதற்காகவேண்டியே ஒரு புத்தகம் இருக்கிறது, நாமாக சந்தோஷத்தை ஏற்படுத்திக்கொள்வது எப்படி என்பதை மிக அழகாக விபரிக்கிறது The way to happiness என்ற புத்தகம். 21 வழிமுறைகளை சொல்லி அவைதான் சந்தோஷத்தின் அடிப்படை வழிகள்,அவற்றை பின்பற்றினால் சந்தோஷம் நிச்சயம் என்கிறது.

இப்புத்தகம் 1980 ம் ஆண்டு Ron Hubbard என்பவரால எழுதப்பட்டது இது உலகம் முழுக்க 70 மொழிகளில் மொழிபெயர்க்கப்பட்டிருக்கிறது ( இது கிண்ணஸ் சாதனையும் கூட) அப்படி அந்த புத்தகம் கூறும் 21 வழிமுறைகள் என்னவென்று சுருக்கமாக பார்ப்போம்

...

1. எப்போதும் உங்கள் உடம்பை பார்த்துக்கொள்ளுங்கள், சுகாதாரமாக உடல் நலத்தை பேனிக்கொள்ளுங்கள். நேரத்துக்கு உணவு,தூக்கம்

2. மனதை கட்டுப்படுத்த பழகுங்கள், உடனடி சந்தோஷத்தை மட்டும் பார்க்காதீர்கள் பின் விளைவுகளை சிந்தியுங்கள்

3. உங்கள் மனைவிக்கு அல்லது உறவுகளுக்கு, நண்பர்களுக்கு விசுவாசமாகயிருங்கள்

4. கொஞ்சமாவது குழந்தைகளோடு நேரத்தை செலவிடுங்கள். உங்கள் வயசு எதுவானாலும் சரி

5. பெற்றோரை மதியுங்கள் அவர்களுக்குரிய உதவிகளை செய்யுங்கள்.

6. மற்றவர்களுக்கும் உங்கள் குழந்தைகளுக்கும் ஓர் நல்ல முன்னுதாரணமாய் விளங்குங்கள்.

7. உண்மையே பேசுங்கள், அது எவ்வளவு கசப்பானாலும் பரவாயில்லை

8. யாரையும் கொல்லவோ காயப்படுத்தவோ செய்யாதீர்கள், வார்த்தைகளால்கூட!

9. சட்டவிரோதமான எதையும் செய்யாதீர்கள், அதனால் எந்த இலாபம் வந்தாலும் சரி!

10. சமூகத்திற்கு அரசாங்கத்திற்கு நல்ல விடயங்களை செய்யுங்கள், அல்லது முயற்சியாவது எடுங்கள்.

11. ஒரு செய்யும் நல்ல விடயங்களை தட்டிக்கொடுங்கள் கெடுத்துவிடாதீர்கள்

12. உங்கள் சுற்றுச்சூழலை அழகாகவும் பாதுகாப்பாகவும் வைத்திருங்கள்.

13. அடுத்தவர் பொருளுக்கு ஆசைப்படாதீர்கள்,திருடாதீர்கள்!

14. எல்லோருடைய நம்பிக்கைக்கும் உரியவராகயிருங்கள்.

15. ஒப்பந்தங்களை மீறாதீர்கள்,கொடுத்த வாக்கை நிறைவேற்றுங்கள்.

16. சோம்பேறியாக சும்ம இருக்காதீர்கள்,ஏதாவது வேலை செய்யுங்கள்

17. கல்வி என்பது முடிவில்லாதது எப்போதும் கற்றுக்கொண்டேயிருங்கள்.

18. மற்றவர்களின் மத உணர்வுகளை மதியுங்கள் கேலி செய்யாதீர்கள்.

19. மற்றவர்கள் உங்களுக்கு எதையெல்லாம் செய்யக்கூடாது என்று

நினைக்கிறீர்களோ, அதை நீங்களும் அவர்களுக்கு செய்யதீர்கள்

20. அதேபோன்று, அவர்கள் உங்களை எப்படி நடத்த வேண்டும் என்று நினைக்கிறீர்களோ, அதேபோல் அவர்களையும் நடத்துங்கள்.

21. இந்த உலகம் வளங்களால் நிறைந்தது எதுவுமில்லையென்று கவலைப்படாதீர்கள்

ஒருவரை பாராட்டும்போது அந்த பாராட்டு எப்ப‍டி இருக்க‍ வேண்டும்?

புகழ்ச்சி ஒரு மந்திரம், புகழ்ச்சிக்கு அடிமையாகாதவர் புவியில் யாருமில்லை. ஒருவரை ஆத்மார்த்த மாகப் பாராட்டும் போது அவரின் அகமும் குளிரும். முகமும் மலரும்.

காலையில் கணவர் வேலைக்குச் செல்லக் கிளம்பும் போது வழியனுப்ப ஆசையாக வந்து நிற்கும் மனைவியைப் பார்த் து,’என்னடீ ஈனு பல்லைக் காட்டிக்கிட்டு நிக்கிறே, வழிவிடு’ என்று எரிந்து விழும் கணவர் சாதார ண(சதா ரண)ரகம். இதே,”உன் முகத்தைப் பார்த்துட்டுப் போனா எல்லாக் காரியமும் சக்ஸஸ்தான், உன்னைப் பார்த்துக்கிட்டே இருந்தா எனக்கு வேலைக்கு நேரமாகும்” என்றுகூறும் கணவர் அசாதாரண(அசத்தல்) ரகம்.இவர் புகழ்ச்சி என்ற மந்திரத்தின் தந்திரம் தெரிந்தவர். இவர் தொட்டது துலங்கும். இப்படிப்பட்ட கணவருக்குத் தேவையான விஷயங்களைப் பார்த்து பார்த்து மனைவி செய்திட மாட்டாரா? புகழ்ந்த கணவருக்கு இனிமை.புகழப்பட்ட மனைவிக்குப் பெருமை.

பாராட்டில் உண்மையும் கனிவும் இருக்க வேண்டும். முக ஸ்துதி யோ போலித்தனமோ இருக்கக் கூடாது. திருமண நாளிற்காகக் கணவர் தன் மனைவிக்குப் புடவை வாங்கித் தருகிறார். அதைப் பார்த்து,”என்னங்க கண்றாவி கலர், என்ன புடவை எடுத்துட்டு வந்தீங்க? காட்டன் புடவை, சகிக்கலை, இதே கலர்ல எத்தனை புடவை என்கிட்டே இருக்கு, குத்துக் கல்லாட்டம் இருக்கேன்ல, என்னை யும் கடைக்குக்கூட்டிக் கிட்டுப் போகணும்னு உங்களுக்குத் தோணலை?என் மூடை யே மாத்திட்டீங்க? ஒழுங்கா கடைக்குப் போய் மாத்திக்கிட்டு வருவோம்” என்று கூறும் மனைவி சாதாரண ரகம். இதற்குப் பதில்,”என்னங்க, சூப்பரா இருக்குங்க, என்கிட்டே இல்லாத கலர், உங்களுக்கு நல்ல கலர் சென்ஸ்ங்க, பார்டர் எல்லாம் வச்சு கல்யாணி காட்டன் அச்சு அசல் பட்டுப்புடவை மாதிரி யே இருக்குங்க, இந்த வெட்டிங்டே என்னாலே மறக்கவே முடியாதுங்க, என்ன என்னையும் கூட்டிக்கிட்டு பொயிருந்தா இன்னும் சந்தோஷமா இருந்திருக்கும்” என்று சொல்லும் மனைவியே அசத்தல் ரகம். புகழ்ந்த மனைவி க்கு இனிமை, புகழப்பட்ட கணவருக்குப் பெருமை. இப்படிப்பட்ட பாராட்டும் குணமுள்ள மனைவிக்கு நினைக்கும் எல்லாம்ம்ப சமத்து, நல்லாப் படிக்கிறான், ஆத்து லே என்ன வேலை சொன்னாலும் ஒரு சின்ன முகச்சுளிவு கூடப் பண்ணாம செய்வான்” என்று ஒரு தாய் தன் வீட்டிற்கு வந்திருக்கும் விருந்தினரிடம் தன் மக கிடைக்கும்.

“எங்க சந்தோஷ் ரொனைப் புகழ்கிறாள். “சந்தோஷ், மாமா, மாமி வந்திருக்கா, பக்கத்துக் கடையில் போய் கூல்டிரிங்க்ஸ் வாங்கிட்டு வா” என்ற வார்த்தையை முடிக்கும்முன் சந்தோஷ் சந்தோஷமாகக் கூல்டிரிங்க்ஸுடன் நிற்கிறான்.

பாராட்டு என்பது பாராட்டுபவருக்கும் மகிழ்ச்சி பாராட்டப்படு பவருக்கும் மகிழ்ச்சி. புகழ்வதில் தயக்கமே இருக்கக் கூடாது. பாராட்டுபவர் இனிமையான சொற்களையே செல வழிக்க வேண்டும். குறைகளாகத் தோன்றும் கசப்புகளைக் கூட பாரா ட்டு என்ற தேனில் குழைத்துத் தர வேண்டும்.

திருமண விழாவில் சந்திக்கும் தன் அண்ணன் மகளிடம்,”ஏய் சுகுணா, என்னடி இப்படி குண்டாயிட்டே, நீ இப்படி மாறுவே னு எதிர்பார்க்கலை, உங்கம்மா மாதிரி குண்டாயிடாதே, இது க்கு மேலே வெயிட் போடாதே, டயட்லே கண்ணு இருக்கட்டு ம். எனக்கு என்னவோ பழைய சுகுணாவைத்தான் பிடிச்சிருக் கு” என்று கூறும் சுகுணாவில் அத்தை ராஜம்தான் முன்பு, “என்ன சுகுணா இப்படி ஒல்லியா அசிங்கமா இருக்கியே, கொஞ்சம் சாப்பிட்டு வெயிட்போடேன், அப்போதான் பொண்ணு பார்க்க வரும் மாப்பிள்ளைக்கும் உன்னைப் பிடிக்கும்” என்றவள். ராஜம் அவர்க ளின் கருத்தில் தவறில்லை, ஆனால் அவர் பயன் படுத்திய வார்த்தைகள் தான் தவறு.

“சுகுணா, நீ ஒல்லியா திரிஷா,அசின் மாதிரி அழகா இருக்கி யே, என்ன ஏதாச்சும் டயட், எக்ஸர்ஸைஸ் பண்ணறியா, கொஞ்சம் வெயிட் போட் டால் இன்னும் அழகாக இருப்பாய்” இவை ஒல்லியான சுகுணா விடம் கூறப்பட்டிருக்க வேண்டிய வார்த்தைகள். “வாவ் சுகுணாவா இது? போன தரம் பார்த்தது க்கும் இப்போ பார்க்கிறதுக்கும் எவ்வளவு வித்தியாசம்? சூப் பரா புசுபுசுனு குஷ்பூ மாதிரி இருக்கியே, நீ இருக்கிறது சரியா ன அளவு, இதுக்கும் மேலே கூடவோ குறையவோ செய்யா தே” என்று ராஜம் அத்தை குண்டான சுகுணாவிடம் கூறியிரு ந்தால் எவ்வளவு நன்றாக இருந்திருக்கும்?

பாராட்டுபவருக்குப் புத்திசாலித்தனமும் சமயோஜித சிந்த னையும் நகைச்சுவை உணர்வும் இருக்க வேண்டும். புகழ்பவர் காரியம் சாதிக்கிறார். புகழப்படுபவர் பெருமை கொள்கி றார்.

“எங்க அத்தை வைக்கும் வத்தக்குழம்போட மணமே தனி, மணம் எட்டூருக்கு இழுக் கும், என்ன கைப்பக்குவம், நான் வச்சா அந்தளவுக்கு வர மாட்டேங்குது” என்று தோழி யிடம் தொலைபேசியில் தன் மாமியாரைப் புகழ்கிறார் ஒரு மரு மகள். இப்படிப்பட்ட மருமகளை எந்த மாமியாருக்குத் தான் பிடிக்காது?

“வேலைக்கும் போயிட்டு வீட்டுலேயும் வேலை பார்க்கிறா, இன்னைக்கு சன்டே தானே, மனைவியையும் குழந்தையையும் வெளியிலே சினிமாவுக்கோ, பீச்சிற்கோ கூட்டி க்கிட்டுப் போயிட்டு வாயேன்டா” என்று பையனிடம் மருமகளுக் காகப் புகழ்ந்து பேசும் மாமியாரை எந்த மருமகளுக்குத் தான் பிடிக்காது?

குழந்தைகள் செய்யும் சிறிய நல்ல காரியங்களைக் கூடப் புகழ்ந்து பாருங்கள். அவர்கள் நடவடிக் கைகளில் நல்ல முன்னேற்றம் தெரியும். எப்பொழுதும் தொட்டதெற்கெல்லாம் பாராட்டிக் கொண்டிருக்க வேண்டிய அவசியமில்லை. அதற்காகப் பாராட்ட நேரம், காலம் பார்க்க வேண்டிய அவசியமும் இல்லை.

ஒருவரை உண்மையாகப் புகழும்போது அவர் மனதில் நீங்கள் ஒரு கோபுரத்தில் அமர்கிறீர்கள். அழகு  -அன்பு-படிப்பு-பத வி-திறமை-இப்படி ஒருவரிடம் இருக்கும் நல்ல குணங்களை அறிந்து உண்மையாகப் புகழ்வதன் மூலம் உங்களை நீங்கள் உயர்த்திக் கொள்கிறீர்கள். அதுமட்டுமில்லாமல் நீங்கள் புகழ ப்பட்டவரால் மனதில் நினைத்தக் காரியங்களையும் சாதித்து க் கொள்கிறீர்கள்.

“வேலைக்குப் போயிட்டு உச்சி வெயில்ல வீட்டுக்குச் சாப்பி டலாம்னு ஆசையா வந்தா, சாம்பார்லே உப்பு, சப்பே இல்லை” எத்தனைபேர் தன் தாயிடம்,மனைவியிடம்,சகோதரியிடம் காட்டும் அன்றாடக் கோபங் கள். இதற்குப் பதில் “சாம்பார் சூப்பர், ஆனா ஏன் காரத்தைக் குறைச்சுட்டே” என்று சொன் னால் அடுத்த முறை அந்தத் தவறுகள் இல்லாமல் அந்தப் பெண் திறம்பட சமைப்பாளே. இதே சாம்பாரை உணவகங்க ளிலோ கல்யாண வீடுகளிலோ விருந்தினர் வீடுகளிலோ சகித்துக் கொள்ள மாட்டோமா?

நம்மில் எத்தனை பேர் பேருந்து ஓட்டுனர்களுக்கும் ஆட்டோ ஓட்டுபவர்க ளுக்கும் நன்றி கூறுகிறோம். அவ்வாறு அவர்க ளுக்கு நன்றி கூறி அவர்கள் திறமைகளைப் பாராட்டும் போது களைப்பின்றி இன்னும் உற்சாகமாகவும் சிறப்பாகவும் அவர் கள் தங்கள் பணிகளைச் செய்ய முடியுமே.

தினந்தோறும் பூ வாங்கும் பூக்காரியிடம்,”அது என்னமோ தெரியலை ஈஸ்வரி, உன்னிடம் பூ வாங்கி சாமிக்குப் போட்டால் தான் மங்களகரமா இருக்கு, உனக்கு அப்படி ஒரு முக ராசி” என்று சொல்லி பூக்காரியின் பூ முகம் மலர்வதை ரசித் துப் பாருங்கள்.

பண்டிகை காலங்களில் உங்கள் வீட்டு வேலைக்காரிக்கும் புடவைகள், பட்சணங்கள் கொடுத்து அவர்க ளுக்கு வாயார நன்றி கூறிப் பாருங்கள். வேலைக்காரி காதுபட ஒரு இல்லத் தரசி தன் தாயிடம்,”அம்மா, எனக்கு நல்ல குடும்பம் அமை ஞ்சது மட்டுமில்லாமல் நல்ல துணையா லெட்சுமி அமைஞ்சி ருக்காம்மா, அவ ஒரு நாள் வீட்டுக்கு வராட்டி எனக்குக் கையு ம் ஓடாது, காலும் ஓடாது, என்ன சுறுசுறுப்பு, குணமும் தங்கம்” என்று கூறுகிறார். இப்படிப்பட்ட எஜமானி யிடம் அந்த வேலைக்காரப்பெண் திறம்பட பணியா ற்றித் தன் விசுவாசத் தைக் காட்டுவாள்.

நடிக- நடிகையர் சம்பளம் பெற்றுக்கொண்டு தான் திரைப்படங்களில் நடிக்கிறார்கள். இருந்தாலும் அவர்கள் நடித்த திரைப்படங்கள் ரசிகர்களால் அங்கீகரிக்கப்படும் போ தும் விமர்சகர்களால் பாராட்டப்படும் போதும்தான் உண்மையாகவே மகிழ்கிறா ர்கள். கலைஞர்களுக்கு வழங்கப்படும் விருதுகளும் ஊக்கத்தை அளிக்கும் பாராட்டே.

‘முன்வந்து நின்றால்தான் முகம் காட்டும் கண்ணாடி’ மனம் நிறைய நேசத்தையும் பாசத்தையும் வைத்துக் கொண்டு வெளித்தோற்றத்திலே எரிந்து விழுந்து கெட்ட பெயர் சம்பாதிக்கும் மக்கள் எத்தனை எத்தனை பேர்? மனதில் உள்ள அன்பை ஒளிவு மறைவில்லாமல் பாரட்டு என்ற அஸ்திரத்தைப் பயன்படுத்தி வெளி க்கொணருங்கள். வெற்றி நிச்சயம். ’மூர்த்தி சிறிதானாலும் கீர்த்தி பெரிது’ என்பதற்கேற்ப பாராட்டுவது என்பது ஒரு சிறிய செயல் தான். ஆனால் அது தரும் பலனோ அபரிமிதமானது. பாராட்டு விழுபவனை எழ வைக்கும்.

பாராட்டு என்ற சூத்திரம் உற்சாகத்தின் உறைவிடம். வெற்றிக் கான படிக்கட்டு. பாராட்டக் கற்றுக் கொள்ளுங்கள். உலகம் உங்கள் வசப்படும்.

மகிழ்ச்சி நமக்கு எங்கே இருக்கிறது?

ஒன்றை இழந்துதான் மற்றொன்றை பெற வேண்டும். தன்னுடைய இளம்பருவத்தை வறுமையில் கழித்தவர்கள் வசதிக்காக ஏங்குகிறார்கள். எந்த பணம் அவர்களைத் துன்பத்திலும், சோதனையிலும் தவிக்கவிட்டு வேடிக்கை பார்த்ததோ, அந்த பணத்தை திகட்டுமளவு சம்பாதிக்கும் ஆசை அவர்களுக்கு வந்து விடுகிறது. தங்கள் தூக்கத்தை இழந்து, ஓய்வை இழந்து, பல இனிய அனுபவங்களை இழந்து பணத்தை குவிக்கிறார்கள்.

எண்ணம் சக்தி வாய்ந்தது. ஆயுதத்தை விட மதிப்பு மிக்கது. எண்ணத்தில் இருந்தே செயலுக்கான தூண்டுதலை நாம் பெறுகிறோம். நல்ல எண்ணங்கள், நல்ல விளைவுகளைம், தீய எண்ணங்கள் தீய விளைவுகளையும் தத்தம் செயலின் வழியே கொண்டிருக்கும். எண்ணமே வாழ்க்கையை

வடிவமைக்கிறது.பணத்தின் மீது விருப்பம் இருக்கலாம், ஆசை இருக்கலாம். ஆனால் அதுவே வெறியாகி விடக் கூடாது.

நீங்கள் எதை வேண்டுமானாலும் அடுத்தவர் தலையில் கட்டிவிட முடியும். ஆனால் உங்கள் கவலையை அவர்கள் மீது சுமத்த முடியாது.

மனிதர்கள் இரண்டு வகை. எதற்குமே கவலை படாதவர்கள், எடுத்ததற்கெல்லாம் கவலைபடுகிறவர்கள் என இரண்டு வகை. நியாயமான கவலைகள் மனித இயல்பு. நேற்று வரை தொலைந்து போன பணத்துக்காகக் கவலைபடுவதும், அடுத்து தொலைத்ததை விட பணக்கார உறவினர் முலமாக அதிகபணம் ஈட்டிவிட முடிமா என்ற எதிர்பார்ப்பதும் எப்படி நியாயமான கவலையாகும்?

வாங்கிய கடனை எப்படிக் கொடுப்பது? கொடுத்த கடன் திரும்ப வருமா? பைக்கில் சென்ற கணவன் பத்திரமாக வீடு திரும்புவானா? இப்படி கணக்கில்லாத கவலைகளும் சிலருக்கு எட்டிபார்க்கும்.

கவலைகள் காளான்களாய் முளைக்கும். விட்டு வைத்தால் மலையாக மாறி நம்மை மலைக்கச் செய்யும்.

அனாவசியக் கவலைகளுக்கு இடமளிக்க வேண்டாம். அவை உங்கள் கனவுகளின் வண்ணங்களை இழக்கச் செய்யும். கவலை உங்களுடைய ஊக்கத்தை நலியச் செய்து விடும். ஊக்கத்தை இழந்தால் நீங்கள் வெற்றியில் இருந்து வெகுதூரம் விலகி நிற்கும்படியாகி விடும்.

இதை புரிந்து கொள்கிறவரை வாழ்க்கையில் உண்மையான எதிர்பார்ப்பு மற்றும் திருப்தி எது என்பதை நாம் உணர முடிவதில்லை.

நமக்கு மகிழ்ச்சி என்பது பொருட்களில் இல்லை. அவற்றை பெறுவதில் இருக்கிறது. அதனால் தான் நாம் கடைகடையாக ஏறி, நமக்கு பிடித்தமானதை வாங்குகிறோம். மகிழ்ச்சி எங்கெல்லாம் இருக்கிறது? ஒலிக்கின்ற அருவியில், உலவுகின்ற காற்றில், அழகு பூக்களில், கவலை சிறிதுமில்லாத குழந்தையின் முகத்தில்… இப்படி எண்ணற்ற இடங்களில் மகிழ்ச்சி பரவிக் கிடக்கிறது.

சவால் என்பது சாதாரணமல்ல… ஒரு சவாலை நீங்கள் எதிர்கொள்கிற போது அது உள்ளடக்கிய அநேக பிரச்சினைகளையும் எதிர்கொள்ள வேண்டியிருக்கிறது. சவால்கள் வளர்ச்சிக்கு அவசியம். அவற்றை வெல்கிறபோது நீங்கள் வளர்ச்சி அடைகிறீர்கள் என்று அர்த்தம்..

நம்முடைய ஆற்றலை உறுதியான முறையில் பயன்படுத்துகிறபோது, நமது வாழ்விலும் அற்புதங்கள் நிகழும்.

ங்கள் எப்படி சிந்திக்கிறீர்கள், எப்படி உணர்கிறீர்கள், நம்புகிறீர்கள் என்பதை பொறுத்தே உங்களுடைய வெற்றி நிர்ணயிக்கபடுகிறது. உங்களுடைய வழக்கமான சிந்திக்கும் முறைதான் வெற்றி அல்லது தோல்விக்கான விதையை உங்கள் மனதில் ஊன்றுகிறது.

வாழ்க்கையில் வளர்ச்சி ஏற்படுவதற்கு, உங்களுக்குள் ஏராளமான திறன்கள் காத்திருக்கின்றன என்றாலும் அதை கண்டுகொள்ள வேண்டும், அதை கருத்தாய் வளர்க்க வேண்டும். நம்முடைய திறமையைக் கொண்டு பல உன்னதங்களை நாம் நிகழ்த்த முடியும் என்று நம்புங்கள்.

எதுவுமே இல்லாதிருப்பதை விட ஏதாவது ஒன்றை பெற்றிருபது மேலானது என்பார்கள். நம்பிக்கை என்பது விரும்பிய விதத்தில் எண்ணமிடுவது அல்ல, ஒன்றைத் திடமாக நம்புவது.

ஒரு எண்ணத்தை, ஒரு திட்டத்தை, ஒரு செயலால் உங்களால் உருவாக்க முடியும். பின்னணியில் வலுவான நம்பிக்கை இருந்தால் எதுவும் சாத்தியம்.

ஒரு விதையளவு நம்பிக்கை இருந்தால் போதும். சிறிய விதைதான்… ஆனால் அது விதைக்கபட்டு விடுகிறபோது… அது செல்வத்தையும், ஆரோக்கியத்தையும், மகிழ்ச்சியைம் கொண்டுவந்து விடுகிறது.

மனித வாழ்க்கை சுமையில்லாமல் இருக்க…

பிறப்பும் இறப்பும் வாழ்க்கையின் இரு பக்கங்கள். இதனிடையே எத்தனையோ மாற்றங்கள் தோன்றுகின்றன. பிறந்தோம், வளர்ந்தோம், உழைத்தோம், வாழ்ந்தோம், இறந்தோம் என்று இந்த மனித வாழ்க்கை ஒரு சக்கரம் போல சுழலுகிறது. ஒரே பாதையில் ஓடிக் கொண்டிருக்கும் வாழ்க்கைச் சக்கரம் திடீரென்று மாற்றங்களைச் சந்திக்க நேரிடும் போது தடுமாறுகிறது. இந்த தடுமாற்றத்தை நீக்கி மனப் பக்குவத்தோடு மாற்றங்களை ஏற்றுக் கொண்டு திறமையாக வாழ்க்கைச் சக்கரத்தை தடம் புரளாமல் ஓட்டும் மனிதன், வாழ்க்கையைச் செம்மையாகப் புரிந்து கொண்டு வாழ்கிறான் என்று சொல்லலாம்.

வாழ்க்கையைக் காலத்தோடு ஒப்பிடும் போது வாழ்க்கை அவ்வளவு முக்கியமானதாகத் தோன்றவில்லை. எத்தனையோ காலங்கள் ஓடி விட்டன. இன்னும் எத்தனையோ காலங்கள் ஓட வேண்டும். பிறப்பிற்கும் இறப்பிற்கும் இடையேயுள்ள காலத்தில் இந்த மனிதனின் வாழ்க்கை எத்தனை வகையில் மாறுபடுகின்றன. மனிதன் ஒவ்வொரு காலத்திலும் ஒவ்வொரு அனுபவத்தைப் பெறுகிறான். இந்த அனுபவம் அவனுக்கு மட்டுமின்றி மற்றவர்களுக்கும் பாடமாக அமைந்து விடுகிறது.

இந்த இரண்டு காலச் சக்கரங்களுக்கிடையே மனிதன் அகம்பாவம், கோபம், கெட்ட அதிர்வலைகள் போன்ற குணங்களுக்கு அடிமையாகிறான். அகம்பாவம் மனிதனின் சுயரூபத்தை அழித்து அவனை தனிமையாக்குகிறது. “தான்” என்ற எண்ணம் கொண்ட மனிதன் என்றும் வாழ்ந்ததில்லை என்ற பாடலின் வரிகள் இன்றும் நினைவுக்கு வருகின்றன. அகம்பாவத்தால் மனிதன் மகிழ்ச்சியைத் தொலைக்கிறான். வாழ்க்கையில் நிகழும் சம்பவங்களில் இனியதாகவும் இருக்கிறது. கெட்டதாகவும் நடக்கிறது. இரண்டையும் மனிதன் ஒன்றாக எடுத்துக் கொண்டு வாழ்க்கையை சாதாரணமாக வாழ கற்றுக் கொள்ள வேண்டும். வாழ்க்கையில் எப்போதும் மகிழ்ச்சியான சம்பவங்கள் மட்டும் நிகழ்ந்து கொண்டிருந்தால் வாழ்க்கை அவ்வளவு சுவையாகத் தோன்றாது. அவ்வப்போது பிரச்சனைகளும் தோன்றினால்தான் வாழ்க்கையில் அதனை சமாளிக்கும் தன்மையும் மனிதனுக்குள்ளே பிறக்கும்.

நேற்று என்ன நடந்தது? என்கிற கடந்த கால நினைவுகளிலும், நாளை என்ன நடக்கும்? என்கிற எதிர்ப்பார்ப்புகளிலும் மனிதன் பெரும்பான்மையான நேரங்களை வீணாகக் கற்பனையிலேயே செலவிட்டு நிகழ்கால வாழ்க்கையை மறந்து விடுகிறான். கடந்த கால வாழ்க்கையைப் பற்றிய சிந்தனை நம்மைச் செயல்பட விடாமல் முடக்கிப் போட்டு விடுகிறது. வருங்கால வாழ்க்கையை பற்றிய அதிகமான சிந்தனை மனிதனின் வாழ்க்கையை ஒரு போராட்டமாக்கி விடுகிறது. நிகழ்கால வாழ்க்கையின் மகிழ்ச்சியையும், நிம்மதியையும் தொலைத்து, இந்த வாழ்க்கையை ஒரு சுமையாகவே சுமக்கத் துவங்கி விடுகிறான்.

அகத்தின் அழகு முகத்தில் தெரியும் என்ற பழமொழியை சொல்லிக் கேட்டிருப்போம். மனிதனின் மனம் தெளிவாகயிருந்தால், அதனுடைய மகிழ்வுகள் முகத்தில் தோன்றும். மனம் நொந்து போயிருந்தால், முகம் வாடி வதங்கித் தோன்றும். ஒரு மனிதனின் மகிழ்ச்சி அவனைச் சார்ந்திருப்பவர்களையும் மகிழ்ச்சி அளிப்பதுடன் அவர்களுக்கு தன்னம்பிக்கையும், தெம்பையும் கொடுக்கிறது. இது தெரியாமல் மனிதன் சின்ன சின்ன விஷயங்களுக்கு கோபம் கொண்டு முகத்தைச் சுருக்கி மனதை கனமாக்கி தனிமையைத் தேடுகிறான். உடனிருப்பவர்களையும் கவலைக் கடலில் ஆழ்த்தி விடுகிறான். மனிதனின் மனம் வாழ்க்கைப் போராட்டத்தால் உளைச்சல் அடைந்தால் அமைதியைத் தேடி அலைகிறது. இந்த அமதியைத் தியானம் தருகிறது. இது உடல் நலம், அமைதி, அச்சமின்மை, போன்றவற்றை அளிக்கிறது.

ஊக்கமில்லாத வாழ்க்கை ஒரு வாழ்க்கை இல்லை. வாழ்க்கையின் மீது மனிதன் நாட்டம் கொண்டு வாழ்க்கையின் ஒவ்வொரு பொழுதையும் மகிழ்ச்சியாகக் கழிப்பவன் தன்னுடன் சுற்றுச் சூழலையும் ஆரோக்கியமாக வைத்துக் கொள்கிறான். மற்றவரின் செயலை மனதார பாராட்டக் கற்றுக் கொள்ள வேண்டும். மற்றவரின் மகிழ்ச்சியைப் பகிர்ந்து கொண்டு மகிழ்ச்சியாக வாழ வேண்டும். இந்தச் சின்ன மாற்றம் மற்றவர்களின் அன்பையும், பாசத்தையும் அவனுக்குப் பெற்றுக் கொடுக்கிறது.

மனிதன் முதலில் தேவையற்ற நிகழ்வுகள் வீண் வம்பை வளர்க்கும் நிகழ்வுகள் போன்றவற்றைத் தவிர்க்கப் பழக வேண்டும். நம்மை விட அதிகமான கருத்துகள் தெரிந்தவராயிருந்தால், அவர் தம்மை விட எளிமையானவராகவோ அல்லது வயது குறைவானவராகவோ இருந்தாலும் கூட அவரிடமிருந்து நாம் கற்றுக் கொள்ள முன் வர வேண்டும். இது போல் நமக்குத் தெரிந்த கருத்துக்களை மற்றவர்களிடம் பகிர்ந்து கொள்ளவும் வேண்டும்.

காலத்தோடு தோன்றும் மாற்றங்களை மனிதன் மனப்பக்குவத்தோடு, மனம் திறந்து ஏற்றுக் கொண்டு வாழ வேண்டும். ஒரே மாதிரியான வாழ்க்கையினால் மனிதன் அவ்வப்போது சலிப்படைகிறான். இதனால் அவ்வப்போது மனிதன் அதற்கேற்ற மாற்றங்களை உருவாக்கிக் கொள்வதுடன் வாழ்க்கையில் வரும் எந்த மாற்றங்களையும் வரவேற்கப் பழகிக் கொள்ள வேண்டும். மாற்றம்தான் ஏமாற்றத்தைத் தவிர்க்கும். இந்த மனித வாழ்க்கையும் சுமையில்லாமல் சுகமாய்த் தோன்றும்

குறை ஒன்றும் இல்லை மறைமூர்த்தி கண்ணா!!!

குறை ஒன்றும் இல்லை மறைமூர்த்தி கண்ணா!!!

ஒரு புகழ் பெற்ற வாக்கியத்தை கூற விரும்புகிறேன்...

"Never hold yourself solely responsible for any misfortune in life, 

because no single raindrop is ever alone responsible for any flood.......!!"

வாழ்வில் சில சமயம் நாம் தோல்வியை சந்திக்க நேரிடும்... 

"வெற்றி" எப்படி நமக்கு நண்பனோ,

அதுபோல "தோல்வி"யும் நமக்கு நண்பன்..

ஆனால் தோல்வி நண்பன் நமக்கு பாடம் சொல்லித்தருவான்..

முக்கிய பாடம் என்னவெனில், தோல்விக்கான காரணம் அறிதல்!!

நமக்கு ஏற்பட்ட தோல்வி உண்மையிலேயே நம்மால் தான் ஏற்பட்டதா?

(அதாவது கவனக்குறை, பயிற்சி இன்மை, தெளிவில்லா நிலை, உடல்நல குறைவு போன்ற இன்னும் பல...)

தோற்றதற்கு வேறு காரணம் உள்ளதா?? என்றும் ஆராய வேண்டும்.

பொதுவான ஒரு பழக்கம், தோற்ற பின் தன்னை குறை கூறி கொண்டு மனதின் வேகத்தை நாமே குறைத்து கொள்வோம்..

அதுவரை மனதை ஒருமுகப்படுத்தி வெற்றியை நோக்கி பயணித்த நாம் தோல்வி என்றவுடன் 'என்னவோ மலை இடிந்து விழுந்ததை போல' வருந்திகொண்டிருப்போம்..

"யோவ் கஷ்டம் வந்தா பீல் பண்ண வேணாமா??" என நீங்கள் கேட்ப்பது புரிகிறது..

பீல் பண்ண வேணாம்...

எப்படி??

வெற்றி வந்தால் தன்னால் தான் எல்லாம் நடந்தது என்று நினைக்கும் பழக்கத்தை மாற்றி கொள்ள வேண்டும்..

என்ன புரியவில்லையா ??

எப்போது நாம் வெற்றி பெரும் போது வெற்றி நம் மன நிலையை பாதிக்காது இருக்கிறதோ? அப்போதுதான் தோல்விக்கான காரணமும் நம்மை பாதிக்காது, ஆக வேண்டியதை மனம் கவனிக்க தொடங்கும்..

இன்னும் விளங்கவில்லை எனில்,

தோனியை உதாரணமாக எடுத்து கொள்ளவும்.. 

"கேப்டன் கூல்" என செல்லமாக அழைக்கிறோம்!

அவரால் தொடர் வெற்றி அடைய முடிகிறதே எப்படி???

எந்நேரமும் தோல்வி குறித்த பயமோ, அடுத்தவர் பற்றி குறை கூறியோ (மைதானத்தில் யாரையும் கடிந்து பேசாமல்) அவர் இந்த வெற்றியை, இந்த புகழை அடையவில்லை.. 

மனதை வெற்றியை நோக்கி மட்டும் சிந்திக்க வைத்து, 

தோல்வி வந்தாலும் அடுத்த வெற்றியை பற்றி மட்டுமே சிந்தித்ததனால்,

தோனி வெற்றி மட்டுமே பெற முடிந்தது!!!

"சிறு மழைத்துளி மட்டுமே பெருவெள்ளத்திற்கு காரணம் அல்ல, அதனால் உன் வாழ்வின் துன்பத்திற்கு நீ மட்டுமே காரணமும் இல்ல"

அதனால கவலபடுரத விட்டுட்டு, கஷ்டபட்டா, இஷ்ட்டபடுறது எல்லாம் கிடைக்கும்!

திட்டமிட்டால் திகட்டாத மகிழ்ச்சி

நிதி நிர்வாகம் என்பது வாழ்வில் முக்கியமான விஷயம். வரவு& செலவு விஷயத்தில் திட்டமிட்டுச் செயல்படுபவர்கள் என்றுமே திண்டாட வேண்டியிருக்காது. அவர்கள் திகட்டாத மகிழ்ச்சியை அனுபவிப்பார்கள். நிதி விஷயத்தில் நிம்மதியை அனுபவிப்பதற்கான ஆலோசனைகள் உங்களுக்கும்...

கடன்களை ஒழியுங்கள் வாழ்வில் விரைவாக முன்னேற்றம் காண விரும்புபவர் முதலில் செய்ய வேண்டியது, கடன்களை ஒழிப்பதுதான். கடன்களுக்கான வட்டிக்காக நீங்கள் மாதமாதம் எவ்வளவு செலவழிக்கிறீர்கள் என்று கணக்கிட்டாலே போதும். அதிலிருந்து மீள்வதற்கான உத்வேகம் பிறந்துவிடும். கடன்களுக்கான வட்டிகளில் இருந்து உங்கள் வருவாயை மீட்டால், சேமிப்பு உயரும்.

எவ்வளவுக்கு எவ்வளவு விரைவாக நீங்கள் கடன்களில் இருந்து மீள்கிறீர்களோ, அவ்வளவு விரைவாக உங்களின் பொருளாதாரம் நலம் பெறும். கடன்களை உடனே ஒழிக்க முடியாது, ஆனால் பணமும் சேமிக்க வேண்டும் என்றால், முதலில் உங்கள் கடன்களை ஒழுங்குபடுத்துங்கள். அதிக வட்டி கொடுக்க வேண்டியிருக்கும் தனிநபர் கடன், கந்துவட்டிக் கடன் போன்ற கடன்களை முதலில் முடித்துவிடுங்கள்.

முடிந்தால், வட்டியில்லா கடன்களுக்கு (உறவினர்கள், நண்பர்களிடம் இருந்து பெறுபவை), அல்லது குறைந்த வட்டிக் கடன்களுக்கு அவற்றை மாற்றிக்கொள்ளுங்கள். கடன்களில் இருந்து மீள்வதற்கான ஒரு வழி, ஒரு அவசர கால நிதியை உருவாக்குவது.

இந்த நிதியைப் பயன்படுத்தி ஒன்றி ரண்டு மாதங்களை ஓட்டினால், வரும் வருவாயை கடன்களைத் தீர்ப்பதற்குப் பயன்படுத்தலாம். நீங்கள் இதுவரை அவசர கால நிதியை வளர்க்கத் தொடங்கவில்லை என்றால், உடனே அதைத் தொடங்குங்கள். தேவைகள் இல்லாத மனிதர்கள் இல்லை.

ஆனால் நமது தேவைகளை நிறைவேற்றிக்கொள்வதற்கு பொருளாதார பலம் அவசியம். பொருளாதார விஷயத்தில் குறுகியகால இலக்குகள், நீண்டகால இலக்குகள் என்று திட்டமிட்டால் நமது தேவைகளை எளிதில் நிறைவேற்றிவிடலாம்.