Friday, November 29, 2013

நவக்கிரக போற்றி

நவக்கிரக போற்றி

ஓம் ஓங்கார சூக்கும உடலாய் போற்றி
ஓம் ஓரா ழித்தேர் ஊர்ந்தாய் போற்றி
ஓம் ஏழென் குதிரை ஏவினை போற்றி
ஓம் ஓர்முகம் எண்கர முடையாய் போற்றி
ஓம் இருதோட் கமலம் ஏந்தினாய் போற்றி
ஓம் பொற்பட் டுடையில் பொழிவாய் போற்றி
ஓம் வியாவி ருதிஏழ் விளங்குவாய் போற்றி
ஓம் பன்னிரு முனிதுதிப் பாஸ்கரா போற்றி
ஓம் மழைபனி பருவம் மாற்றுவாய் போற்றி
ஓம் மூலாக் கினியில் முகிழ்த்தாய் போற்றி

ஓம் வீதிமூன் றிராசிபன் னிரண்டாய் போற்றி
ஓம் சூரியா வீரியா சுகமருள் வாய் போற்றி
ஓம் சங்கரன் முடிதவழ் சந்திரா போற்றி
ஓம் திருமகள் சோதரா திவ்யா போற்றி
ஓம் சவுக்க வடிவில் இருந்தாய் போற்றி
ஓம் முத்துவி மான வாகனா போற்றி
ஓம் சக்கரம் மூன்றுடைத் தேராய் போற்றி
ஓம் குருந்த மலர்நிறக் குதிரையாய் போற்றி
ஓம் கலைவளர் மதியே கருணையே போற்றி
ஓம் தேவர் பிழிந்துணும் அமுதே போற்றி

ஓம் சக்தியை நடுங்கொள் மண்டலா போற்றி
ஓம் வஞ்சம் மோகினிக் குரைத்தாய் போற்றி
ஓம் நிலப்பயிர் தழைக்கும் நிலவே போற்றி
ஓம் இருகண் பார்வைச் சுகமருள்வாய் போற்றி
ஓம் பூதேவி குமரா பௌமா போற்றி
ஓம் செந்நிற உருவாய் செவ்வாய் போற்றி
ஓம் அன்ன வாகனம் அமர்ந்தாய் போற்றி
ஓம் முக்கோ ணவடிவ இருக்கையாய் போற்றி
ஓம் எண்பரித் தேர்மிசை இயல்வாய் போற்றி
ஓம் தவத்தால் உயர்பாதம் அடைந்தாய் போற்றி

ஓம் தட்சன் யாகம் தடுத்தாய் போற்றி
ஓம் யோக நெருப்புடை யுடலாய் போற்றி
ஓம் மங்களம் தரூஉம் மங்கலா போற்றி
ஓம் அருங்கலை வல்லாய் ஆரல் போற்றி
ஓம் தைர்யம் வலிமை தருவாய் போற்றி
ஓம் அங்கா ரகனே அருள்வாய் போற்றி
ஓம் புதனெனும் தாரை புத்திரா போற்றி
ஓம் பசுமை மேனி கொண்டோய் போற்றி
ஓம் அம்பின் வடிவில் அமர்ந்தாய் போற்றி
ஓம் வெண்காந் தள்மலர் விரும்பினாய் போற்றி

ஓம் குதிரை வாகனங் கொண்டோய் போற்றி
ஓம் நால்பரித் தேர்மிசை அமர்ந்தாய் போற்றி
ஓம் தவத்தால் கோளென உயர்ந்தாய் போற்றி
ஓம் அசுவ யாகம் ஆற்றினாய் போற்றி
ஓம் இளையை மணந்த எழிலே போற்றி
ஓம் சிவனால் சாபம் நீங்கினாய் போற்றி
ஓம் இருக்கு வேதத் திருந்தாய் போற்றி
ஓம் ஞானமுங் கல்வியும் நல்குவாய் போற்றி
ஓம் வானவர் குருவே வியாழ போற்றி
ஓம் பொன்னிற மேனிப் புத்தேள் போற்றி

ஓம் நீண்ட சவுக்கம் நின்றாய் போற்றி
ஓம் களிற்று வாகன முடையாய் போற்றி
ஓம் பொற்பரித்தேரில் பொலிந்தாய் போற்றி
ஓம் சர்ப்ப யாகம் தவிர்த்தாய் போற்றி
ஓம் இந்திரன் ஆள இயம்பினாய் போற்றி
ஓம் வச்சிரப் படைவலி தடுத்தாய் போற்றி
ஓம் அசுரரை சபிக்கச் சூழ்ந்தாய் போற்றி
ஓம் சேர்ந்தார்க் கின்பம் சேர்ப்பாய் போற்றி
ஓம் கிரக தோஷம் களைவாய் போற்றி
ஓம் கோடிநன் மைதரு குருவே போற்றி

ஓம் பிருகுபுத் திரனே சுக்கிரா போற்றி
ஓம் வெள்ளி நிறத்தில் விளங்குவாய் போற்றி
ஓம் ஐங்கோ ணாசனம் அமர்ந்தாய் போற்றி
ஓம் வெண்டா மரைமலர் கொண்டோய் போற்றி
ஓம் கருவடா கனத்தில் ஒளிர்வாய் போற்றி
ஓம் பதின்பரித் தேர்மிசை வருவாய் போற்றி
ஓம் சிவனால் ஒளிநிறம் பெற்றோய் போற்றி
ஓம் கசனை உயிர்த்த கருணையே போற்றி
ஓம் தண்டன் நாடுகா டாக்கினாய் போற்றி
ஓம் அசுரர்க் கபஜெயம் தந்தாய் போற்றி

ஓம் பகீர தன்னிடர் தீர்த்தாய் போற்றி
ஓம் மிருதஞ் சீவினி மந்திரா போற்றி
ஓம் சூரிய பாலா சுபமருள் போற்றி
ஓம் அஞ்சன வண்ணா சனியே போற்றி
ஓம் வில்வடி வாசனம் விளங்கினாய் போற்றி
ஓம் காக்கை வாகனக் கடவுளே போற்றி
ஓம் கருங்கு வளைமல ருகந்தாய் போற்றி
ஓம் எள்ளும் வன்னியும் ஏற்றாய் போற்றி
ஓம் மேற்றிசை நின்ற மேலோய் போற்றி
ஓம் நளனைச் சோதித் தாண்டாய் போற்றி

ஓம் தேவரும் பார்வையில் தீய்த்தாய் போற்றி
ஓம் பற்றற் றாரையும் பற்றுவாய் போற்றி
ஓம் கலியென் றொருபெய ருடையாய் போற்றி
ஓம் தொழுதேன் சனியே தொடாதே போற்றி
ஓம் சிம்மிகை மைந்தா இராகுவே போற்றி
ஓம் கொடிவடி வமர்ந்த கோளே போற்றி
ஓம் ஆட்டு வாகனம் அமர்ந்தாய் போற்றி
ஓம் தென்மேற் றிசையில் திகழ்வாய் போற்றி
ஓம் மந்தா ரைமலர் மகிழ்ந்தாய் போற்றி
ஓம் உளுந்தும் அருகும் உகந்தாய் போற்றி

ஓம் கரும்பாம் புருவம் கண்டாய் போற்றி
ஓம் நாலிரு குதிரைத் தேராய் போற்றி
ஓம் தேவர் அமுதம் உண்டோய் போற்றி
ஓம் ஓருடல் இருகோ ளானாய் போற்றி
ஓம் தவமேம் பட்ட தலையே போற்றி
ஓம் இராஜபோ கம்தரு இராகுவே போற்றி
ஓம் இராகுவி னுடலே கேதுவே போற்றி
ஓம் சிவனால் தலையுயிர் பெற்றாய் போற்றி
ஓம் செம்பாம் புருவை வேண்டினாய் போற்றி
ஓம் முச்சில் வடிவில் முகிழ்ந்தாய் போற்றி

ஓம் செவ்வல் லிமலர் சேர்த்தாய் போற்றி
ஓம் கொள்ளும் தர்ப்பையும் கொண்டாய் போற்றி
ஓம் அரிவா கனத்தில் அமர்ந்தாய் போற்றி
ஓம் ஆறு குதிரைத் தேராய் போற்றி
ஓம் வடமேற் றிசையில் நின்றாய் போற்றி
ஓம் நீதி நெறிசேர் கேதுவே போற்றி
ஓம் தவத்தால் கோள்நிலை பெற்றாய் போற்றி
ஓம் ஞானமும் மோட்சமும் நல்குவாய் போற்றி

No comments:

Post a Comment