ஊக்கம் ஆர்வம் முனைப்பு ஆற்றல்

ஊக்கம்

• ஊகம் என்பது நடக்கும் முன்பே நல்லறிவால் உணர்வதுவே
• ஊக்கம் என்பது நடக்க இயலாததை நற்செயலால் செய்வதுவே
• கிடைக்கவில்லையே என்று ஏங்கி அழவது ஏக்கம்
• கிடைக்கவிலையே என்று ஒங்கி உழைப்பது ஊக்கம்
• விரலுக்கு ஏற்பவே வீக்கம்
• உழைப்புக்கு தக்கவே ஊக்கம்
• மெய்மையும் வாய்மையும் வீர ஆசாரமும்
• புத்தி சேர் உத்தியும் யுத்தி சேர் ஊக்கமும் உடையவன் தலைவன்
• தனது மூளை சிறப்பானது என நினைப்பவன் கர்வத்தில் சறுக்குகிறான்
• தனது வேலை சிறப்பானது என செய்பவன் உலகத்தில் சாதிக்கிறான்
• கலகலப்பாக வாழ்பவருக்கு கண்ணீர் சுரக்க நேரமில்லை
• சுறுசுறுப்பாக உழைப்பவருக்கும் துயரை நினைக்க நேரமில்லை
• எறும்புகள் விதை உருட்டும்
• ஆனைகள் மரம் உருட்டும்
• குறும்புகள் கோள் பேசும்
• அறிஞர்கள் கோள்களை சுற்றுவார்
• வென்றவர்களோ மறுவாய்ப்பு தேடி ஒடுகிறார்கள்
• தோற்றவர்களே ஒரு சாக்கு தேடி அசைகிறார்கள்
• உற்சாகமில்லாத தொழிலாளி எரிபொருள் இல்லாத வாகனம்
• உணர்வில்லாத தலைவன் உயிர் இல்லாத பொம்மை.                    

ஆர்வம்

• அரைக் கதவை திறந்து வைத்தால் எலியும் பூனையுமே வரும்
• அரை மனதில் செய்து வைத்தால் தோல்வியும் துயரமுமே வரும்
• ஆர்வத்தோடு செய்யும் செயல்கள் உயர்வைத் தரும்
• ஆர்வமில்லாது  செய்யும் செயல்கள் அயர்வைத் தரும்
• ஆசையென்ற தீயெரிந்தால் மானமெல்லாம் கரிசாம்பலாகும்
• ஆர்வமென்ற ஆனைநடந்தால் தடையெல்லாம் தவிடுபொடியாகும்
• ஈர்ப்புடன் கேட்கும் பாடமும் இசையாக இனிக்கும்
• ஈடுபாட்டுடன் சுமக்கும் பாரமும் எளிதாக இருக்கும்
• விருப்பமில்லாது முயல்பவர்கள் துவங்குமுன்பே தோற்றவராவார்
• விருப்பமில்லாது மணந்தவர்கள் பிறக்கு முன்மே இறந்தவராவார்
• ஆர்வமில்லாத உழைப்பு எண்ணெய் இல்லாத விளக்கு
• அறிவில்லாத முனைப்பு மூடி இல்லாத விளக்கு
• இரக்கம் இல்லாதவனுக்கு கொடுக்க வராது
• ஈடுபாடு இல்லாதவனுக்கு படிப்பு வராது
• உறக்கம் இல்லாதவனுக்கு அமைதி வராது
• உழைப்பு இல்லாதவனுக்கு எதுவும் வராது
• நாம் ஒரு கார்யத்தை விரும்பி செய்தால் மகிழ்வோம்
• நாம் செய்யும் கார்யர்த்தை விரும்ப ஆரம்பித்தால் மிக மகிழ்வோம்
• சுறுசுறுப்பு என்பது அமைதியானவரது விவேகம்
• பரபரபப்பு என்பது அவசரப்பட்ட வந்து அடங்காத வேகம்.             

முனைப்பு

• கற்று விட்டோம் என்ற களைப்பு உள்ளவரெல்லாம் முதியவரே
• கற்க வேண்டும் என்ற துடிப்பு உள்ளவரெல்லாம் இளையவரே
• முகவரியில்லாத கடிதங்கள் வேண்டியவரை சேர்வதில்லை
• முனைப்பில்லாத மனிதர்கள் முன்னேற்றம் அடைவதில்லை
• கடையில் நின்று இனிப்புக்காக ஏங்கும் குழந்தையாய் வளராதே
• கடலில் சென்று மக்களுக்காக போராடும் தலைவனாக உயர்ந்திடு
• ஏற்றுக் கொள்ளாமல் எதிர்ப்பவர்கள் தரும் துயரம் சிறிது
• ஏற்றுக் கொள்ளாமல் சம்மதிப்பவர்கள் தரும் துயரம் பெரிது
• தானே உலகைச் சுற்றி வருபவன் தலைவனாவான்
• வீணே ஊரைச் சுற்றி வருபவன் கழுதையாவான்
• மண்ணுக்குள் கிடப்பதுவும் மகுடத்தில் மிளிர்வதுவும் முன் விளைப்பயனே
• மண்ணில் சிறப்பதுவும் மனிதனாக உயர்வதுவும் நம் செயலில் பயனே
• ஒரு ஙாலை மடிக்கும் போது அறிவு மட்டுமே கிடைக்கிறது
• ஒரு செயலை முடிக்கும் போது அனுபவமும் கூட கிடைக்கிறது
• விதியும் சதியும் நடந்தால் பசுமைகளும் பாலையாகும்
• நதியும் மதியும் நடந்தால் பாலைவனமும் சோலைவனமாகும்
• நன்றாகப் பாடுபவன் ஊருக்கே தெரிந்தவனாவன்
• நன்றாகப் பாடுபடுப‌வன் உலகுக்கே தெரிந்தவனாவான்
• நேரமும் காற்றும் இளமைப்பொழுதும் காத்திருப்பதில்லை
• வாய்ப்பும் வாகனமும் நொடிப்பொழுதும் காத்திருத்ததில்லை                

ஆற்றல்

• வினை தெரிந்து உரைத்தல் பெரிதல்ல‌
• அதை நன்கு ஆற்ற்லே ஆற்றலெனப்படும்
• உள்ளத்து எழுச்சியும் உவகையும் ஊக்கமும்
• தளராத முயற்சியும் தகுந்தவர் சார்பு மிகுந்தால் விதியையும் வெல்லலாமே
• அவித்த கிழங்கை வெட்டுவது வீரமாகாது
• அடுத்தவர் திறமையை திருடுவது தர்மமாகாது
• கொடுத்தால் மழை போல கொட்ட வேண்டும்
• எடுத்தால் கடல் போல எடுக்க வேண்டும்
• விடுத்தால் அம்பு போல பாய வேண்டும்
• அழித்தால் தீ போல அழிக்க வேண்டும்
• எழுத்தறியாதவன் எழுத்தைப் படுக்கும் போது குருடன்
• இசையறியாதவன் இசையைக் கேட்டும் போது செவிடன்
• கொடுத்தறியாதவன் ஏழைவந்து கேட்கும் போது முடவன்
• கொள்கையில்லாதவன் சபை வந்து பேசும் போது ஊமன்
• அறிவின் நீளமே ஆற்றல் வளரும் 
• செறிவின் நீளமே போற்றல் வளரும்
• அன்பின் நீளமே சொந்தம் பெருகும்
• பண்பின் நீளமே பந்தம் பெருகும்
• ஆற்றல் என்பது நம்மை போற்றி வந்தவரை காப்பது
• போற்றல் என்பது நம்மை வாழ வைத்தவரை வணங்குவது
• துயரம் ஒரு தடைகல் தூக்க முடியாது தாண்டி செல்வோம்
• துன்பம் ஒரு நதிநீர் மூழ்க கூடாது நீந்தி செல்வோம்