உங்கள் சிந்தனைக்கு சில...

** உங்களின் தற்போதைய தேவைகளுக்கு ஏற்ப ஆசைகளின் அளவைக் குறைத்துக் கொள்ளுங்கள்.. உங்களின் நிலை மேம்படைந்தால் மட்டுமே ஆசைகளின் அளவை அதிகரித்துக் கொள்ளுங்கள்..

** சிறிய தவறுதான்,

ஆனால்—

நீங்கள் மறைக்க முயன்றால்,

அது வளர்ந்து

விசுவரூபமெடுத்து விடும்..

** வீட்டுக்கு வெளியே

ஒரு வீடு—

நீங்கள்

வேலை பார்க்கிற இடம்.

அதை நேர்த்தியாய்

வைத்துக் கொள்ளுங்கள்.

** நல்ல அறிவுரை வழங்குவது,

அல்லது

சரியான பாதையில் குழந்தைகளை

செலுத்துவது—இவையே 

பெற்றோர்களால் முடியக் கூடியது.

ஆனால்,

தன் சிறப்பியல்பை ஒருவன்

உருவாக்கி கொள்வதென்னவோ

அவனுடைய சொந்தக்

கைகளில்தான் இருக்கிறது..

**தகுதியான ஒன்றை செய்வதற்கு

தகுதியான சூழ்நிலைகள் வரட்டும்

என்று காத்திருக்காதீர்கள்.

சதாரண சூழ்நிலைகளையே

தகுதியானதாக்கி கொள்ளுங்கள்.

**மகிழ்ச்சி உணர்வு

இளமையோடு வைத்திருக்கும்

உங்கள் முகத்தை மட்டுமல்ல,

இதயத்தையும்,

நல்ல சிரிப்பின் மூலம் நமக்கும்,

நம்மை சுற்றியிருப்பவர்களுக்கும்

நாம் சிறந்த நண்பராயிருக்க முடியும்.